❥͜͡🦋مريم ࿐❥͜͡سيدة الصمت✮

🌸التغيير🌸

مع مرور الايام بديت نشوف التغيير في  كنايني و اسم ليال انتهى و بقى ذكرى فالعايلة اما بقينا نشوفو برك صوؤتها في بنتها الصغيرة لي كل ما كانت تكبر كان يلحقها ذنب امها رغم وفاتها و نهايتها و بدا التغيير في عايلتي الكبيرة  بديت نروح لدسار ولادي لي فالايام الاولى كانو مستغربين اما مع الايام ولا روتين اني نروح ليهم
اول زيارة ليا رحت لدار ولدي اب ليال بعد ما سقسيت و قالولي خديجة و راجلها يبقاو في دارهم بعد ما يروحو ولادهم للمدارس نتاعهم ليال عندها 3 خاوتها الكبير رائد اكبر منها ب4 سنين و زوج اصغر منها توأم عمرهم 8 سنين اول ما رحت لدار ولدي و صونيت فتحتلي خديجة الباب صبحت عليها و سلمت عليها اما كان سلامها بارد معايا و ما لمتهاش خاطر علابالي لي في حالتها ما تنلامش حمدلله كي راهي واقفة ،
خديجة :😑تفضلي خالتي تتقهواي معانا
انا : (في بالها مش راح نقبل ) اكيد ندخل انا جيت هاذ الوقت غير باه نفطر معاكم 😍😘 (قلتها بطريقة فرحانة و مرحة باه نبدل الجو )
اما هي بقات بنفس الطريقة و ردت
خديجة :😑تفضلي خالتي  راه سمير لداخل يفطر 😒
دخلت و يا ريت ما دخلت شفت منظر تشوك جسمي كي شفتو دخلت لصال امونجي لقيت ولدي قاعد و في يدو حفيدتو الصغيرة يوكل فيها و يقولها
س : بنتي كولي بابا اشربي حليب باه تولي كبيرة و تغلبي انس و انيس (التوأم ) كان تخزر فيه و تبع معاه تقول عليها فاهمة واش راه يقول و غير ما دار سليم يلقاني وراه ناض يجري من كرسيه باس راسي و قالي يما تفضلي
قلتلو الله يزيد فضلك وليد اقعد كمل فطورك قالي فطرتي ؟! قلتلو لا قالي اقعدي يما تفطري معانا و بظا يقربلي فالماكلة و يسربيلي فالقهوة و عينيه لي الحزن ماليها و اختلطت بيها فرحة شوفتي حكمت من يدو الصغيرة لي كانت معطلاتو فالحركة و خديجة مرتو بقات تتفرج بوجه بارد مش معبرة على والو لا حزن لا فرح قعدنا كامل نفطرو و نحكو و ما جبناش سيرة ليال لين نطق ولدي بحسرة : يما راضية عليا ؟!
قلتلو راضية عليكم كامل و حطيت يدي على وجهو ان شاء الله ترضو عليا انا قالي بعد ما نحالي طفلة صغيرة من يدي قالي راح نربيها احسن تربية بلاك ربي يغفرلي و نعوضلها حنان امها لي فقداتو طاحت من عينه دموع حارين حسيت موس تغرس في قلبي غليهم كامل و مرتو لي كانو دموعها يسيلو و بلا ما تمسحهم ينشفو باه يلحقوهم دموع اخرين حارين دمعو عينيا عليهم قلتلو وليدي تهلا فيها و ما تبقاش فحياتك تخمم فالاموات و تدير كيفي استغفر مولاك و اكثر منو و  نوض روح لخدمتك وقفنا طلع سليم يجهز فروحو لخدمتو و انا رحت خارجة وورايا خديجة باه تودعني في يدها ملاك لي خليتها ورايا تبكي كانت حابة تجي معايا كي شافتني خارجة