فاتو الايام و حالتي بدات تتحسن و شفت مشاعر مخلطة في عينين اولادي و عايلتي لي فرحان برجعتي و لي خاب املو كان يتمنى موتي و كاين لي مش مهتم بيا متت و الا حييت ، فكرت بيني بين روحي خممت نرجع لعايلتي نرجع لولادي لازم نرجع و نسيطر على هاذ الهرج لي يصرا و نتخلى على سبات و الفراغ لي كنت فيه من بعد ما خلاني حب حياتي ... علابالي راح نواجه صعوبة كبيرة بعد هاذ الرجوع خاصة اني مش ام هاذوك الاطفال الصغار راني ام رجال كبار و عندهم عايلات قررت ننهي هاذ المسخرة بعد ما تاخر الاوان و شهدت عملية قتل شابة صغيرة و اليوم راح نرجع و نسيطر على ولادي و عايلاتهم ... نعرفكم بروحي انا مرا فقدت راجلها لي كبرت معاه دار و حلمت معاه حب حياتها بعد ما بداو ولادها يكبرو و ينجحو فقدت راجلي في حادث سير مؤلم توفى فيه من غير ما يودعني من غير مانشوفو بعد موتو ما وليتش حابة نعيش كرهت لذة الحياة بديت ننعزل و ننتظر الموت لي يوصلني لشريكي اول شي عملتو تقاعدت على عملي و ثاني شي سلمت مسؤولية لولدي لكبير سيف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كان في عمرو 22 سنة و اختو سارة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
17 سنة و بقيت نتفرج ، فاتو السنين و الايام و كبرو ولادي لي كان اكبرهم سيف و اصغرهم عمرو ما يفوتش 13 سنة كانو 4 ولاد و طفلة لهي سارة تزوج كل اولادي من ورا بعض بعد مرور 5 سنين من وفاة محمد راجلي كنت نستنى فيه يجي في كل عرس من اعراس ولادي نقول بلاك تصرا معجزة كيما فالقصص و الافلام ما فارقتنيش احلام اليقظة لي كنت فيها في كل مناسبة سعيدة و الا حزينة ، رغم اني كنت مؤمنة بربي و ما نفوتش ولا صلاة و تلاوة القران و التسبيح و لكني ما قدرتش على فراق حبيبي بناو ولادي كل واحد دارو بجنبي و بقا ولدي لكبير في داري لي كبرو فيه و انا فضلت اني نسكن في دار صغير بناوهالي وسطهم و كانت جنينة كبيرة مشتركة بين داري و ديار و لادي كي نقلق من قعدتي كنت نروح نتامل فهاذيك الحديقة ماكانش عندي راي بينهم و الا كنت مهتمة بحياتهم اصلا و هم تعودو عليا هكاك هاذي انا سيدة الصمت "مريم " لي حب يعرف سبب ثورة لي راني فيها يتفاعل نقولو فالحلقة الجاية ❤
