خرجت نجري لبلاصة الصوت الحديقة المشتركة بين ديارنا لقيت ولاد العائلة محاصريتدنها و يشربولها فالسم و عمامها و باباها يتفرجو فيهم و هي تعيط وصلت ليهم باه نمنعم كنت توخرت لاحوها فالارض و هي تترجى فيهم يدوها سبيطار و انا نبكي و دموعي لي ما تديرلها والو بقيت نقرالها شوي قران ملي تفكرتو بلاك نمنحها السكينة لروحها و جات امها تجري وتبكي خطلتها من يدي تحضنها غير ما حضنتها رعشت ليال في يد امها رعشات و منبعد حبست ماتت ليال بذنب كبيييير و قبل ما تعيط امها عليها تحطت يد على فمها :تعيطي تلحقيها كيما ماتت كان ولدي لي هو اب ليال كان الغضب مأثر عليه و الشيطان لي كان حاضر يسير فيهم ما تحملتش لي صرا و دخت فقت بعد العزاء بسمانة عرفت لي قالو للناس : ليال ناضت فالليل و شربت سم كان في كاس الماء و هي دايخة مش فايقة بوالو لي كان خوها مخلط سم فالكاس للحشرات لي قلقاتو فالليل و لاخاطر راقدين ما سمعوهاش لين فاقو الصباح و لقاوها جثة فالمطبخ قصة هاذي داروها باه يسكتو الناس لي كانو يسقسو كيفاش ماتت هاذيك الطفلة الصغيرة بلا حتى مرض اما راح يقدرو يسكتو ضميرهم ؟! و الا ينسو الخيانة و عرضهم لي انتهك في وسط دارهم ؟! و راجلها قالولو الحقيقة كاملة لي قفل على روحو في دارو و تزوج بعد 20 يوم من موتها مع طفلة ما يعرفها حد و لا يشوفها حد خاطر رفض انو يزيد يتواصل مادع العايلة و حتى بنتو رفضها كتى بعد ما دار تحاليل و تاكد انها بنتو لكن كان يقول الخائنة تجيب الخائنة و راح تلحق امها و كي يسقسوه شكون مرتو يقولهم :شريفة و يسكت و يسكت لي يسقسي فيه سقسيت مرت ولدي الكبير (ليلى) واش قال مجد ليلى : راح و تكلم في قبلها قالها انا ما حضرتش لشي لي صرا اما اذا كان لي درتيه صح فربي يسلك حقي منك و اذا كان يكذبو فربي وكيلهم بكذبهم اما هاذيك الصحبة نتاع ليال و رائد اختفو و حتى واحد ما شكا بيهم خاطر مجرد الشكوة تولي محاكم و فضيحة سكتو باه ينقدو العايلة و سمعتها نساو ليال و ماولاتش بينهم اما انا كانت كل يوم ذكرايتها معايا و بقات غصة في قلب امها لي لبست قناع جديد تبان فيه قوية باه ما تحمي روحها من تعليقات نساء نتاع العايلة هاذي هي القصة لي نوضتني من سباتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
