فصليه اخ خطيبي

بارت 3

ساره : مشه اليوم على خير وهسه اني صرت ملك حبيبي حمودي والحمدلله بله اي مشاكل عفت اهلي وصعدت الغرفتي خابرني محمد
محمد : الو هلاو حبيبتي
ساره : هلا حبيبي شلونك
محمد : تمام حبي اكلج حياتي عندي موضوع وياج
ساره : ها حبيبي كول خما بيك شي
محمد : حبيبتي ماكو شي بس اني راح اسافر
ساره :😳 وين اتسافر
محمد : التركيا عندي شغل
ساره : محمد لا تتأخر عليه فدوه😔
محمد : لا حبيبتي ما اتأخر عليج شهر وارجع
ساره : ماشي حبي دير بالك على نفسك
محمد : اوك حبي وانتي هم ديري بالج على نفسج احبج
ساره : ماشي حبيبي اني هم احبك
محمد : باي
ساره : باي
محمد راح يسافر واني حيل ضجت متت قهر حسيت بفراغ بليا اووف شلون راح اتحمل شهر رحت نمت ماحسيت غير الصبح لمن تكعدني مريم
مريم : سروش لج ساره كومي
ساره : ها مريم شتردين 😪
مريم : كومي اكعدي ليش نايمه هلكد صارت ساعه 7 الصبح
ساره : يي حبيبتي هسه اكوم
كمت من الفراش عدلت غرفتي وسبحت ولبست ملابس المدرسه ونزلت يم اهلي بس ضايجه حيل
ساره : صباح الخير
الكل : صباح النور
زهراء ام ساره : يمه تعالي اتريكي حتى ترحين للمدرسه
ساره : ماما ما اشتهي ماريد😔
سيف : رقرق شبيج منو مضوجج
ساره : لا حبيبي محد مضوجني
ساره بينها وبين نفسها : اووف سيفو لو تدري انو محمد مضوجني لان راح يسافر 😢😣
يله ماما اني رايحه للمدرسه باي
زهراء ام ساره : باي يمه

رحت للمدرسه ومالي خلك اي احد حتى صديقتي القريبه مني كلش والي هي قريبه عليه اكثر من اختي توئمي المجابتها امي مالي خلكها وحتى محجيت وياها اليوم لان زعلانه على مود محمد خلصت الدوام ورجعت للبيت
ساره : هلاو ماما 😄
زهراء ام ساره : هلا حبيبتي
ساره : ماما جوعانه شمسويتلنه غده😋
زهراء ام ساره : برياني
ساره : اممم يااي اكيد مسويه هل برياني الي لان اني مشتهيته😊
زهراء ام ساره : لا مو الج هل برياني السلام اخوج لان كلي مشتهي 😌
ساره : 😒😒 عبالي الي طلع للعبيط مالتنه
سلام : ها كعكيك 😝😝 البرياني الي😌
ساره : يي عادي هسه يجي سيفو وجايبلي نساتل لان مخلصه 😌😝
زهراء ام ساره : عوفو اللغوه وتعالو اتغدو
ساره : ما ريد هسه من يجي بابا وسيفو اتغده وياهم
عفت امي وسلام وصعدت الغرفتي سبحت وبدلت وتمددت شويه ضليت العب بالفون مالي جان اتخابرني صديقتي
ساره : الو هلاو علوشتي شلونج
....... : هلاو سروشه لج شبيج اليوم مو على بعضج حتى محجيتي وياي
ساره : مابيه شي حبي بس تعبانه شويه
....... : اها ماشي حبيبتي عبالي زعلانه مني
ساره : لا مزعلانه حياتي يله اريد اروح لان نعسانه كولش وصدك باجر ما اداوم باجر خميس فمابيه حيل
...... : اهاا ماشي حياتي مح باي
ساره : مح باي حبيبتي
سديت الفون من صديقتي ورحت نمت حسيت على سيف اجه كعدني
سيف : رقرق شنو هل نوم كومي اتغدي
ساره : ها سيفو يي اكعدت
كعدت غسلت وجهي ونزلت اتغديت ويه اهلي ومشه اليوم عادي مثل اي يوم

(امشو نعوف ساره مكتأبه ونروح على محمد 😞)

محمد : كعدت الصبح ونزلت يم اهلي اتريكت وياهم وكملت
سامر ابو محمد : ها ابني شوكت تروح
محمد : يابه باجر اروح الصبح
سامر ابو محمد : ماشي ابني بالسلامه
مؤمل : يي دروح نخلص منك شويه 😌
محمد : مؤمل انجب ولي مالي خلكك
مؤمل : دولي مو مال واحد يشاقه وياك😒
عفتهم ورحت الغرفتي ردت ارجع انام اكمل نومتي بس مكدرت رحت طلعت ويه جماعتي افتريت مخليت مكان ابغداد مفتريته طلعت الصبح رجعت العصر نمت وكعدني مؤمل بال 8 بليل نزلت يم اهلي اتعشيت وياهم وضليت كاعد يمهم سولفنه شويه والجو ميخله من ضحك وتصنيف مؤمل عفتهم وصعدت نمت لان لازم اروح للمطار الصبح واني محجيت ويه ساره ابد لان ادري راح تزعل وتنقهر ومتخليني اروح فتركتها محجيت وياها نمت وكعدت الصبح بدلت ورحت للمطار سافرت وبقه كلبي وعقلي يم ساره

( طوون راح محمد التركيا 😞 خلي نشوف شراح يصير بساره من دون محمد 😦)

ساره : اليوم راح محمد وحيل ضايجه ومقهوره حتى متصل عليه ودعني بس يله ميخالف اتحمل مشخ اليوم على خير وكله ضحك وسوالف الى ان صارت ساعه 12 بليل جنت اني واخواني كاعدين نلعب بالتليفونات وجان يدك تليفون بابا عمي عباس
همه ميدكون علينه بهيج وقت اله واحد ميت او متخربط نزلنه كلنه وبابا رد عل موبايل
احمد ابو ساره : الوو ها خويه شلونك
عباس عم ساره : الو هلا خويه الحمدلله خويه بلكت تجي تاخذنه للمستشفى زوجتي نهال اتخربطت
احمد ابو ساره : ياا ماشي خويه هسه جايك مع السلامه
عباس عم ساره : الله وياك

طبعا بيت عمي عدهم فلوس بس بيهم طبع ميبقون سيارات عدهم يبيعون ويشترون هذا طبعهم المو حلو ميبقون اي سياره عدهم
ساره : بابا شكو خما احد بي شي
احمد ابو ساره : لا بنتي ماكو شي بس مره عمج متخربطه وراح اروح اوديهم للمستشفى
سلام : بابا جيب السويج اني اروح اوصلهم
احمد ابو ساره : ماشي بويه بس دير بالك من الطريق
زهراء ام ساره : يمه ليش تروح انت والله كلبي مقبوض اخاف عليك وليدي خلي ابوك يروح
سلام : ليش يمه هاي هيج ماعندج ثقه بيه 😣
زهراء ام ساره : لا يمه مو هيج بس اخاف عليك
سلام : لا يمه لتخافين
احمد ابو ساره : عيني قابل هو صغير ويله بابا سلام روح لتتأخر عليهم
سلام : حاضر يابه
سلام : طلعت من البيت وجان ماكو احد فزيدت من السرعه ما اسمع غير طبه قويه نزلت ولكيت واحد امدد والدم تارس راسه كبل اخذته للمستشفى حتى يلحكوله ونسيت بيت عمي جان اخابر على عمي عباس
عباس عم ساره : الو ها سلام
سلام : عمي اني من دا اجيكم دعمت واحد وحالته خطره
عباس : هاي صدك تحجي هسه اخابر على ابوك ونجي اني وياه وعمتك صحت
سلام : ماشي عمي
سلام : شفت تليفون الولد شفت رقم مكتوب عليه بابا خابرت عليهم
سلام : الوو السلام عليكم
سامر ابو محمد : عليكم السلام بس هذا مو رقم ابني مراد
سلام : صاحب هذا الرقم بالمستشفى
سامر ابو محمد : شنو بالمستشفى شدتحجي انت بيا مستشفى
سلام : انطيت الابو اسم المستشفى وكال هسه نجي

(تعالو نروح البيت ساره نشوف الي صار 😣)

احمد ابو ساره : من راح سلام ضليت اتكلب بالفراش مكدرت انام جان يخابرني اخويه عباس وكلي سلام داعمله واحد وداه للمستشفى اني تخبلت بدلت ونزلت
زهراء ام ساره : شكو شصار وين طالع
احمد ابو ساره : ابنج الافندي كم مره كلتله خفف السرعه الطايح الحظ داعمله واحد والولد حالته خطره
زهراء ام ساره : اني شكلتلك كلتلك كلبي مقبوض وهسه شلون
احمد ابو ساره : ما ادري راح اروح امر على عباس واخذه ونروح
طلعت من البيت ورحت على عباس اخذته ورحنه للمستشفى
احمد ابو ساره : لك اني كم مره كلتلك بطل السرعه 
سلام : يابه والله الشارع جان فارغ وسرعت ماعرف شلون دعمته واني هم تبرعتله بالدم
احمد ابو ساره : زين معرفت اهله او منين
سلام : خابرت من تليفونه على ابو وكلتله وهسه جايين
احمد ابو ساره :الله كريم ابني
""""""""""""""""""""""""""""""""""""""""
هيلاااو شلونكم وربي مشتاقتلكم كولش
وصدك نسيت اكوللكم 😃
كل عام وانتو بخير وعيد سعيد 😘😍
واسفه عل تأخير لان تدرون عيد وخطار وطلعات وكذا وناخذ عيديات شكو واحد جاي نقطه 😂😂
وهذا بارت لعيونكم قلبوشاتي
احبكم ❤
صفو 💗