فصليه اخ خطيبي

بارت 18

سديت الخط من ساره وكملت كل الازم للفاتحه ابوي اجه هو ومؤمل ومحمد قامو بالواجب ساعدني مؤمل ويه سلام وسيف ميكدون بوحدهم صح همه زلم وعليهم المسؤوليه بس حقهم لان منهارين على ابوهم كملت الازم للعزاء وصار الليل كلت اروح على ساره روحي مفرفحه عليها رحت دخلني سيف للبيت ورحت للصالع كعدت جان تدخل بنيه مو كلش جبيره لا وسط سألتني
فاطمه: خويه منو انت ?
اسد: احم اختي اني زوج ساره عادي تصيحيها الي
فاطمه: اهلا وسهلا خويه اتفضل هسه اصيحها
اسد: مشكوره خيتي
راحت البنين اتصيح ساره شويه ونزلت ساره جانت لابسه دشداشه سوده وشال على راسها اسود والعيون ذبلانه وحمره من البجي كوه فاتحتهن ومورمات وجوه عيونها سواد متت من شفت حالتها اجتي كعدت يمي
ساره حبيبتي
ساره: شلونك اسد
اسد: الحمدلله وانتي شلونج ليش هيج مسويه بروحج
ساره: اسد مابيه شي اني احسن
اسد: متأكده
ساره: يي حبيبي متأكده
اسد: ماشي يبعد بيتي
ساره: تعال اسبح حبيبي اكيد تعبان اليوم اشتغلت هواي
اسد: اي والله تعبت حيل
ساره: الله يخليلياك يكلبي امشي
اسد: اخذتني ساره الغرفتها انطتني ملابس ورحت سبحت ورجعت لكيتها متمدده اجيت يمها قربتها اليه وحظنتها حيل وهي دفنت راسها بصدري حسيت على انفاسها ثكلت عرفتها نامت بس كلسع اتفز وترجع تغفه لو اتضل تحجي بنومها ادكول بابا ليش عفتني صدك قهرتني عليها نمت حسيت الصبح واحد يكعد بيه فتحت عيوني لكيت ساره دكعدني باوعت عليها
ها حبي
ساره: كوم حبيبي سيف سأل عليك
اسد: خما محتاجين شي
ساره: لا حبيبي بس حتى تنزل تتريك
اسد: ماشي حبيبتي
كمت رحت للحمام غسلت وعدلت روحي ومشطت ونزلت لكيتهم موجودين الولد سلام وسيف ولكيت مؤمل ومحمد وابويه هم اجيت كعدت يمهم
ابو اسد: شعجب ابني نايم لحد هسه
اسد: والله يابه محسيت تعبان
سيف: الله يساعدك والله مقصرت وكفتك ويانه ما انساها
اسد: لا ياخوي صدك جذب غير احنه اهل
سلام: خويه اسد اني اعتذر عن حادث اخوك مصارت فرصه حتى اعتذر منك سامحني
اسد: لا ميحتاج تعتذر والي صار منكدر انرجعه
ابو اسد: عفيه عليك ابني
سيف: خويه اسد بما انو ساره يمكم سنه وترجع ليش مترجعوها هسه وابويه الله يرحمه كالي ساره امانه بركبته فالالي اريده منك ياخويه اترجع اختي
اسد: خويه سيف كلامك على عيني وراسي بس اختك ابيت زوجها معززه مكرمه وانتو اذا عبالكم ساره بعدها فصليه فلا تره ساره مو فصليه هسه هي مرتي وعقدنه محكمه ومو سنه وترجع لا تبقه مرتي ما ارجعها وياخوي تره ساره جانت حامل وللاسف فقدت الطفل
سيف: ريحتني الله يريح كلبك هذا هو اذا انت رايدها وهي رايدتك خير انشاءالله بس اني حجيت هيج حتى اتطمن على اختي
اسد: لا خويه ارتاح ولتشيل هم واتطمن
سلام: تسلملنه ماتقصر خويه على راسي
اسد: تسلم سالم راسك خويه
سيف: عمو الله يخليلك اسد والله ونعم التربيه انسان ذهب من صدك وماقصرتو ويانه
ابو اسد: تسلملي انتو اصل الذهب هذا واجبنه

ساره: من بعد مطلعت علياء ورقيه وياقوت نمت ومحسيت غير التليفون يدك الي انطتنيا رقيه شفته مكتوب عل رقم اسد جاوبته وحجيت ويا كلتله محتاجته كال اجيج بليل سديت الخط من اسد وكمت طلعت لكيت نسوان المنطقه جايين وسألت مريم عن امي كالت بعدها بالمستشفى ينطوها مهدئات متت قهر على امي وكمنه نوزع للنسوان الثواب واجتي المله للعزاء اخويه سيف جابها وكعدت اتنعي عن الاب واني موتت روحي كل كلمه تحجيها اتذكر ايامنه ويه بابا متت من الحركه البكلبي خلص المجلس وضلن النسوان يروحن ويجن واني وخواتي مريم وفاطمه صرنه بمكان امي وقمنه بالواجب خلص العزاء وصار الليل رحت اتمددت بفراشي انتظر اسد ضليت افكر انو هاهيه بعد ماراح بابا بعد محد يستاهل يشوف دمعتي وقررت اصير قويه وصامده ومحد يهزني ولا راح تنزل دمعتي بعد  عاد اجتي اختي فاطمه كالت زوجج ينتظرج بالصاله كمت لبست شال ونزلت لكيته كاعد شكد مشتاقتله رحت كعدت يمه وكلتله تعبان خطيه جان امبين عليه التعب صعدنه سبح وطلع اجه اتمدد يمي وحظني حيل ودفنت راسي بصدره حسيت بالامان وكأنما بابا الحاظني نمت ومحسيت غير الصبح لكيت روحي بعدني بحظن اسد كمت سبحت ولبست اسود ورحت على اسد كعدته هو راح يم اخوتي لان اخوته وابو اجوي واني رحت يم البنات بالمطبخ  بعدين اجه اسد يمي وطلعن البنات وسألني ديشوفني محتاجه شي كلتله
ساره: لا حبيبي ممحتاجه شي بس
اسد: كولي شنو حياتي
ساره: اريد اجع للبيت
اسد: لا حبيبتي لاترجعين انتظري للسبعه مال ابوج ونرجع حتى هم اتشوفين امج
ساره: بكيفك حبيبي التشوفه مناسب
اسد: ماشي حبي ابقي
ساره: اسد شكرا
اسد: عفوا حياتي انتي
جنه انسولف وجان تجي علياء وشافتني بالمطبخ اجتي عليه
علياء: سروشتي اني اج.....  (مكملت كلامها)
اسد ?
اسد: علياء هلو شلونج
علياء: هلا بيك تمام وانت
اسد: الحمدلله بس شسوين اهنا
علياء: يمكن متدري اني صديقه ساره
اسد: اهاا انشاءالله خير ماوصيج علياء ديري بالج على ساره
علياء: من عيوني
ساره: باسني اسد من راسي وراح بقيت اسولف ويه علياء وكلتلي على مود ارجع للدراسه وقررت احاجي اسد حتى ارجع مرت على وفاه ابويه 10 ايام ورجعت امي جانت منهاره وشفتها شلون تبجي بس منزلت دمعه مني ماريد انهز ولا بشويه قررت ارجع اليوم وخابرت اسد
ساره: الوو هلاو حبيبي
اسد: هلا يروحي
ساره: حبيبي تعال اليوم اخذني للبيت
اسد: موتددلين هسه اجي اخذج حظري روحج
ساره: ماشي حبيبي
سديت الخط من اسد ورحت يم امي كعدت يمها
ساره: يمه اني اليوم راجعه يمه اريدج ترضين عليه
ام ساره: يمه اني دايمن راضيعه عليكم
ساره: يمه اريد منج اتصيرين قويه فدوه وتدعيلي ولا تبجين بخاطري عندج
ام ساره: ماشي يمه روحي راضيه عليج ديري بالج على نفسج وعلى رجلج وعيالج ولاتعلين صوتج عليهم
ساره: تدللين يمه لاتوصين حريص
كمت وبست راس امي ورحت الغرفتي حضرت ملابسي وغراضي واجني خواتي مريم وفاطمه وحظنتهن ووصيتهن على امي خاصه مريم وصيتها لان فاطمه راح ياخذها زوجها وحجيت ويه مريم حبيت الطف الجو الها لان الدموع بعيونها
ساره: مريومه حبيبتي ديري بالج على امي وهذا العبيط كصي لسانه 😂
مريم: هههه ماشي حبيبتي
نزلت وشفت اخواني سيف وسلام بوستهم وحظنتهم وضحكت على سلام
ساره: ولك عبيط لتاكل البرياني هواي يطلعلك كرش هههه
سلام: لتخافين كعكيك اجيبلج ما اكله اخاف ما اجيبلج واموت ههه
ساره: ههههه
سيف: ديري بالج على روحج سرو
ساره: وانت هم دير بالك على نفسك وعلى ماما وصدك سيفو كص لسان العبيط ننن 😝
سلام: خبله متسكت ههه
سيف: سلام انجب
سلام: يمه رجع الدفاع مال ساره
ساره: ههههه شعبالك لعد
جنت واكفه اسولف وياهم ودخل اسد سلم على اخواني وطلعنه
""""""""""""""""""""""""""
هلاو قلبوشاني وهذا البارت الكم ولعيونكم ومو بس تقرون صوتو وعلقو تره المشاهده اكثر من التصويت تره هل شي يضوج
احبكم ❤
الكاتبه صفو 💕