فصليه اخ خطيبي

بارت 17

ساره : وصلت بيت اهلي اتفاجئت الباب مالتهم مفتوح وناس اطب وناس تطلع ضليت صافنه نزلت بدون وعي من السياره ودخلت بيت اهلي والكه تابوت بالكاع ضليت متبسمره بمكاني واشوف خواتي فاطمه ومريم يلطمن بس امي ماكو شفت سيف وسلام واكفين يبجون لا لا ماعرف شصار بيه وكعت جنطت ملابسي من ايدي ورحت اركض اصيح
ساره: منوووو مااات كووولووو
مريم وفاطمه يلطمن:😭😭😭😭
رحت على سيف وكفت كباله
ساره: سييييف دخيلك كولي منو بالتابوت امممي ويييين 😭😭
سيف: امي بالمستشفى 😢
ساره: من سمعت امي بالمستشفى ارتاحيت شويه بس اريد اعرف منو بالتابوت رجعت سألته
لعد منو بالتابوت ابويه وين
سلام:هذا ابوي البتابوت 😢😢
سيف: ولج خيتي راح شمعه بيتنه 😢
من سمعت ابوي بالتابوت تخبلت كمت ادك والطم واصرخ
ساره تبجي وتلطم: ولككك يااابه ليييش يااابه ليش عفتني لييش اااخ ييابه ولك بووويه رحت وماشفتك بوويه ماشبعت من شوووفتك هيج يهووون عليك تعوووف بناتك يااابه
بقيت ادك والطم فقدت نزعت الشال وملخت بروحي ماحس على شي غير بس اني اريد ابوي
سيف: كومي ساره لتسوين هيج 😢
ساره: ولككك سيييف هذااا ابووي هذا احزام ضهري ولك راح وماشفته
بوويه شلون انطاك كلبك توووفني
هيج تعوووف بنتك ولك بوووويه ارجعلي 😭😭
مريم: لج راااح ابوونه اوووف ياابه 😭
فاطمه: يااابه ليش خليت بنااتك بويه صرنه يتامه بوويه 😭😭
جنت ابجي والطم واجوي يردون يشيلون التابوت اني من شفتهم شالو التابوت اتخبلت
ساره: متااااخذو والله متاخذوو
اسد: هششش كافي عوفي خلي ياخذو
ساره: اخذوووني ويياااا هذا ابوي ولكم ابويه
ليش ياابه رحت وما اخذتني وياااك
ميطلع من البيت اله على جثتي
سيف: ولج كااافي طبي جوه خويه اسد دخلها جوه
اسد: تعالي ساره لازم ياخذو ميصير يبقه بالتابوت
ساره: لااااا ولكم تاخذوون شمعه البيت والله اممموت يااابه اخذني ويااك لتعوووفني فدووه 😭😭 اخذوني ويااااا دخيلكم
اخذو بابا وراحو واني اخذني اسد دخلني جوه بس الطم والجي اجتي عمتي تهدي بيه
ام اسد: يمه ساره استهي بالرحمن خطيه ابوج لتسوين هلشكل يحس بيج
ساره: ولج يمه هذاا ابوووي والله ابووي 😭😭😭
ام اسد: ميخالف بنتي خطيه لتسوين ببوج هيج يتعذب
ساره: ضليت استمع الحجي عمتي واني بكلبي ناار مشتعله على ابوي فقدت ابووي الجان قطعه من روحي وامي الماعرف شنو حالتها ميته قهر راح ابوي وماشفته وينك ياابه تعال شوف حالي والله بدونك مثل الميته اووف الدنيا صارت سوده عليه من بعدك ياابه بقيت اني وخواتي نبجي على ابوي بقينه على هاي الحاله 3 ايام وامي ماكو بالمستشفى حالتها فد حاله مدري ازعل على امي المريضه مدري خواتي اليلطمن لو ابوي الماشفته واسد من يوم الاخذو ابويه واني ما شفته جنت محتاجته بهذا الوقت سمعت من مريم دكول مات من قهره على ساره جان اخر كلماته يريد يشوف ساره من سمعت هيج النار شبت بكلبي ابويه جان يريد يشوفني وما شفته اليوم الثالث مال ابويه وجنت كاعده بالغرفه بوحدي ابجي انفتحت الباب دخلت رقيه وياقوت من شفتهن طكيت بجي وحظنني
رقيه: اشش لتبجين يرووحي 😢
ياقوت: كافي والله مردتي كلبي 😢
ساره: ولجن فقدت ابويه راح ماشفته لجن راد يشوفني ومارحت عليه 😭😭
رقيه: سوده عليه لتبجين يكلبي اترحميله كل هذا قضاء وقدر 😢
ساره: اااخ ررررفقييه 😭😭😭
جنت ابجي وجان تندك الباب ودخلت علينه صديقتي توئم روحي من شفتها دموعي زادن كمت من رقيه رحت حظنتها
ساره: علووشتي بابا راااح 😭😭😭
علياء: 😭😭 اسكتي يبعد كلبي لتبجين
ساره: وين جنتي ولج جنت محتاجه احد يمي 😭😭😭
علياء:لج كافي لتبجي موتيني عليج هاي اني يمج 😢
ساره: ضليت ابجي واني حاظنتها حسيت براحه واني بحظنها وخرت عنها اباوع على وجه رقيه وياقوت متفاجئات وعلياء نفس الوضع
رقيه: علياء هاي انتي ?
علياء: ياقوت رقيه شتسون اهنا ?
ياقوت: انتي شتسوين اهنا شنو علاقتج بساره ?
علياء: اني صديقه ساره انتن شنو علاقتجن بيها
رقيه: اسد زوج ساره
علياء: شنوووه صدك تحجن
ساره: جنت اباوع عليهن من يحجن ومتفاجئات من وجودهن بنفس المكان بس ماعرف شنو علاقتهن ابعض اكلني الفضول مسحت دموعي وسألتهن
انتن تعرفن بعض ?
رقيه: يي هاي علياء بنت عمي
ساره: صددك
علياء:اي اني بنت عمهن بس انتي شوكت اتزوجتي وليش اختفيتي هل مده
ساره: اني رحت فصليه البيت عمو سامر
علياء: اي سمعت ماخذين فصليه بس مجنت ادري انتي الفصليه
رقيه: بس هسه ساره مو فصليه هي زوجه اسد وعقدو محكمه
علياء: صدك تحجن
ياقوت: اي لعد نجذب
ساره: كافي بنات راسي يوجعني اريد ارتاح
رقيه: ماشي حبيبتي هاا صدك نسيت هاي اسد اشترالج مبايل وشريحه وكال انطي الساره اريد اخابرها
ساره: مشكوره حياتي 😢
طلعن البنات واني ميته قهر من وره البجي تعبت ونمت

رقيه: من بعد مطلعنه من ساره وهي منهاره بالبجي باوعت على علياء وحجيت وياها
رقيه: علياء اياج اشوفج تسوين شي الساره قسما بالله ادفنج
علياء: وشبيج انتي تره ساره صديقتي قبل متكون زوجه اسد
ياقوت: يي اخذي حذرج خلي ابالج كلام رقيه خوش
علياء: لتخافن تره اعز ساره معزه خاصه
رقيه بتحدي: مثل مكلت ماشي يله ياقوت امشي
عفنه علياء واكفه ورحنه كعدنه يم امي وشفتها كاعده ويه ام علياء وتسولف يعني عرفت همه جايين شويه ودك عليه اسد
رقيه: الو ها اسد
اسد: انطيتي المبايل الساره لو لا
رقيه: اي انطيتهيا
اسد: يله ماشي روحي
رقيه: اسد اسمع عندي موضوع وياك
اسد: رقيه بعدين روحي هسه
ردت احجي الاسد عن علياء بس سده بوجهي كلت انشاء الله متصير مشاكل

(تعالو نتعرف عن علياء ونشوف شنو قصتها)
علياء:اسمي علياء عمري 18 اني طالبه ويه ساره اعرف ساره من دخلنه للمتوسطه شفتها بنيه كلش حبابه ومرحه وتحب تشاقه صرنه صديقات اني وياها علاقتنه قوت كلش صار كلشي بيني وبنها نتشاركه سويه اسرارنه وافراحنه واحزانه اني جنت احب ابن عمي اسد بس جان حب من طرف واحد لان جان يحب بنيه ورايدها زواج من سمعت تركها فرحت من كل كلبي كلت اكو فرصه اني وياه بس جنت كل ما اروح البيتهم اشوفه من بعيد حتى ميباوع عليه ودايمن يعاملني برسميه بس يبقه حبي اله يزيد فجئه سمعت اخذ فصليه سنه ويرجعها صح ضجت بس كلت سنه وترجع بس ساره اختفت ماعرف وينها كل ما اسأل اهلها يكولولي اتزوجت وسافرت بقيت بوحدي احارب روحي لان مو وياي ساره جنت احجيلها عن حبي من طرف واحد بس مذكرت اسمه اكوللها ابن عمي واليوم من شفت بنات عمي اتفاجئت وسمعت ساره زوجه اسد ضليت صافنه انظربت على راسي بهذا الخبر صح احب اسد بس حبي الصديقتي خلاني اتراجع عن حب اسد وقررت انسه اسد لان مو اليه

اسد: ماشفت ساره من يوم ما دفنو ابوها جانت منهاره قررت احجي وياها بس ماكدر ادخل يم النسوان عيب ماترهم التهيت بالفاتحه ويه اخوانها اشتريت مبايل وشريحه وانطيته الرقيه تنطي الساره وانطته الها اليوم الثالث مال ابوها الله يرحمه كلت اخابرها دكيت عليها اول مره مجاوبت دكيت مره ثانيه هم مجاوبت ضليت ادك ومتجاوب خفت عليها رجعت دكيت جان اتجاوب اجاني صوتها الكله تعب وحزن ودموع وانوب رايح من العياط كالت
ساره بتعب: الوو
اسد: حبيبتي شلونج
ساره: 😭😭 اسددد
اسد: كافي يبعد اسد وعشيرته لتبجين
ساره: محتاجتك اسد والله محتاجتك 😭😭
اسد: اششش كافي اني بليل اجيج لتبجين والله اموت من اشوفج تبجين اذا تحبيني لتبجين
ساره: اسد 😭 ابوي
اسد: اعرف حبيبتي حقج بس لتبجين فدوه رحتلج اترحميله خطيه
ساره: 😭 ولك اسد اخر كلمه كالها اريد اشوف ساره واني مرحتله
اسد: بعد كلبي لتبجين الله يرحمه ابتسمي من يشوفج تضحكين هو يرتاح بس من تبجين يتعذب وانتي تردي يتعذب
ساره: لا ماريده يتعذب 😢
اسد: لعد هاهيه لتبجين يبعد دنيتي
ساره:  ماشي بس تعالي اريدك محتاجتك بهل وقت
اسد :بليل اجي حبيبتي
ساره: ماشي حبي
اسد: احبج
ساره :اعشقك 😢
سديت الخط من ساره وكملت كل الازم للفاتحه ابوي اجه هو ومؤمل ومحمد قامو بالواجب ساعدني مؤمل ويه سلام وسيف ميكدون بوحدهم صح همه زلم وعليهم المسؤوليه بس حقهم لان منهارين على ابوهم كملت الازم للعزاء وصار الليل كلت اروح على ساره روحي مفرفحه عليها
""""""""""""""''''''"""""""""""""""""
هذا هم الكم البارت اكتب بي وابجي
المايبجي ماعنده احساس
لتنسون تعلقون وتصوتون اذا الكه هذا البارت تفاعله قوي انزل واحد ثاني
احبكم❤
صفوو 💕