فصليه اخ خطيبي

بارت 21

ساره: شفت سيف طلع شويه ودخل بيده بنيه صغيره شايلها ضليت صافنه هاي منو اجه عليه كلي
سيف: ساره تعالي شوفي هل كمر
ساره: منو هاي البنوته الحلوه حبيبتي شسمها
سيف: هل بنوته هاي حبيبه كلبي ياقوت
ساره: فدوه حبيبتي اسمها ياقوت
شفت دخل ابن عمي اسمه عامر سلمت عليه
سيف: هاي ياقوت بنت عامر
ساره: اهاا حبيبتي فدوه تخبل
عامر: ههههه هاي حتى انتي حبيتيها
ساره: ليش منو حبها قبلي
عامر: هذا سيف كاتل نفسه عليها دايمن يخابرني يكلي امووت على ياقوت هاي روحي من الدنيا
ساره: ضليت صافنه على حجيه اهنا دك الجرس براسي باوعت على سلام لكيته مثلي متفاجئ والوجه اصفر مخطوف لونه لا يا الله سلام فاهم السالفه غلط بس لازم اتأكد عامر اخذ بنته ياقوت وراح وسيف دخل الغرفته رحت وراه
ساره: سيفو سؤال
سيف: ها حبيبتي سرو كولي
ساره: عندك حبيبه
سيف: هاا اا شنو
ساره: كولي اني مو اختك
سيف: ماشي اكولج بس توعديني مدكولين الاحد منيه
ساره: خوش اوعدك ماكول الاحد عنها بس احجي عاد
سيف: ااااه اني احب رقيه
ساره: عااااا معقوله 😮
سيف: اشششش يي والله احب رقيه
ساره: من شوكت ولك
سيف: من يوم فاتحه ابوي الله يرحمه
ساره: الله يرحمه زين هي تدري
سيف: اا ها يي تدري
ساره: ماشي حبيبي فرحتلكم هواي
سيف: تسلمين حبيبتي
ساره: من سمعت هل شي مثل الضربه صارت على راسي ااخ ياسلام غلطت ياخوي غلطه جبيره طلعت من الغرفه سديت الباب جان اندار ويصير بوجهي سلام العيون حمر الوجه احمر من العصبيه قابض ايده توني دا احجي ويا عافي وصعد الغرفته صعدت وراه دخل الغرفته القديمه ضل يصيح ويكسر بالغراض اسمعه يصيح يكول ربيي ليييش ليييش هل غلط هذذذا هي الي وحدي اني احبه صدك كسر خاطري ويكسر بالغراض واني ادك عليه الباب
ساره: ولك سلام خويه سلام الخاطري افتح الباب افتحه
ماكو ابد ولا عبالك دا احجي باقي يكسر اسمع صوت كزاز انكسر عطت اجوي سيف وامي وخواتي وياقوت ورقيه علئ صوت التكسير والصراخ مال يطسلا سألوني شكو شصاير سويت نفسي ما ادري كلتلهم ما اعرف سيف كام يدك بالباب
سيف: ولك سلام خويه اطلع شبيك سلام
ام ساره: 😢 ولك يمه سلام لاتسوي بروحك شي شصاير اطلع احجي
سلام: ولكم عووفوني رووحو
ساره: اباوع علئ ياقوت تبجي على حاله سلام كلت محد يكدر يهدي غير ياقوت جريتهي من ايدها كلتلها احجي ويا كلهم باوعو عليه من كلتلها هيج وهي هم صفنت بوجهي دكت الباب متردده وتحجي
ياقوت: س سلام اافتح الباب
سلام بصراخ: كلتلكم عووفوني
ياقوت بخوف: سلام ا اني ي ياقوت افتح ا الباب لتسوي ه هيج
ساره: كامت تحجي ويا ياقوت شو هذا سكت جان ينفتح الباب طلع سلام الشعر على وجهة ملابسه متبهذله مو عدله ايده تنزف دم وهو وجهة احمر وعيونه حمر بيهن دموع شاف ياقوت ضل صافن عليها هي هم صافنه بوجهة ودموعها تنزل على خدها عشره عشره امي لزمت ايد سلام وتحجي ويا ياقوت دارت وجها وراحت الغرفتي اباوع على سلام يباوع عليها من راحت
ام ساره: 😢 ولك يمه سلام ليش هيج تعال خلي اضمدلك ايدك
سلام: ...........
ساره: امي تحجي ويه سلام وهو ساكت ولا يمه ولا عبالك دتحجي ويا امي رايح بغير عالم عاف امي وراح الغرفتي امي اتباوع عليه اني لحكته دخلت الغرفتي شفته واكف كبال ياقوت ورقيه
سلام بغضب: خيتي رقيه ممكن تطلعين بره
رقيه: بس
سلام: ممكن تطلعين بره بله بس
ساره: سلام ليش شتريد ليش اتريد اطلع رقيه
سلام: ساره اخذي رقيه واطلعي بره اريد احجي ويه ياقوت
ساره: بدون ما احجي اي شي جريت رقيه وطلعنه بس وحده اتباوع بوجه الثانيه امي سألتني كالت شديسون جوه كلتلها ما اعرف
بس بالي على ياقوت ليصير شي بيها

تعالو انروح للغرفه مال ساره انشوف شنو الحديث الصار بين سلام وياقوت
ياقوت: سلام شتريد مني
سلام: ليش تبجين
ياقوت: ليش حتى البجي حرام
سلام: تبجين عليه مو
ياقوت تبجي: لا مو عليك متهمني حتى ابجي عليك
سلام: جذابه
ياقوت: سلام شتريد مني
سلام: احبج
ياقوت تبجي: روح سلام روح كافي دخيلك باجر عرسك واليوم الحنه مالتك كافي لتحجي هل حجي
سلام: لج والله احبج وروح ابوي احبج
ياقوت تبجي: لعد ليش رفضتني من كلتلكياها
سلام: باعي ياقوت من رفضتج هاي سالفه طويله بعدين احجيها الج بس هسه خلي اكلج شغله وافهميها زين واذا اتحبيني اتحملي
ياقوت: كول شنو
سلام: اني ما اكدر اترك علياء بعد هل شي كله لان ما اكدر الغي العرس منها واحنه بالنهايه فالي اريده منج تصبريلي الحد ما ازوج علياء واشوف اي طريقه ونتزوج
ياقوت: يعني قصدك تاخذني ضره على علياء
سلام: يي بس اتحملي الخاطر هل حب العندج الي
ياقوت: لا سلام اني ما اكون سعيده على حساب سعاده غيري اني اسفه ما اكدر
سلام: ياقوت لا تخبليني كلتلج احبج لاتلعبين بعصابي
ياقوت: سلام بس ميصير
سلام: لا بس ولا شي مثل مكلت احبج
ياقوت: اني هم احبك

تعالو نرجع الساره شدسوي

بعد مطلعنه اني ورقيه من غرفتي وبقه سلام وياقوت ضل بالي سلام اتأخر بالغرفه ضليت الوب اندك الباب مال بيت اهلي راح سيف فتحه اسمع سيف يصيح ساره تعالي اجه اسد يمه اني سمعت اسم اسد لو متت اذا يذبحوني ميلكون قطره دم كبل رحت ركض دخلت الغرفتي بله اي مقدمات حتى اصيح ياقوت واطلع سلام من الغرفه بس لكيتهم واحد حاط شفته بشفه الثاني بله هذوله شحجي وياهم اني قطره دم مابيه وهذوله عايشين اللحظه حتئ منتبهو من دخلت زين اكطع عليهم اللحظه الرومانسيه لو يجي اسد يسحل ياقوت هففف هسن اني شدا افكر كبل صحت بسرعه
ساره: ياااقوت
همه على صوتي وخرو عن بعض شافوني وجهم صار احمر من الخجل
ساره: ياقوت امشي اطلعي بسرعه
سلام: اووف ساره مو وكتج كطعتي اللحظه امشي ولي
ياقوت: 😳
ساره: مو صوجكم صوجي اني الاجي وانقذكم بس اني ثوله لو مجايه احسن وهسه اني اني راح اطلع بس اذا اسد دخل وسحلكم ثنينكم اني ماعليه مو دكولون مكلتلكم
ياقوت وسلام: 😨😨 شنوووه
ساره: يله اني طالعه ابقو انسحلو ماريد انسحل وياكم  بااي 😌
ياقوت: لا لا اني طالعه يله امشي اخذيني
ساره: امشي وانت ابقه بالغرفه بعدين اطلع خوش
سلام: ماشي امري الالله
ساره: اخذت ياقوت وهي وجها احمر من الخجل ماعرف شسولفو اخذتها ونزلنه شفت اسد كاعد وسيف وامي ورقيه اجيت سلمت
ساره: ها اسد هلو
اسد: هلا ساره
ساره: شلونك
اسد: تمام
ضليت كاعده يمهم اسد ديسولف ويه سيف وامي وكلسع يباوعلي ويخزرني يا هذا شبي يخزرني انتبهت النفسي ياا اني منازعه الفستان يبو شراح يسوي بيه
اسد: يله ساره انتن بنات امشي نرجع للبيت
ساره: بس اسد اريد ابات
اسد خزرها: لا بيتوته ماكو سيف بله زحمه عليكم اذا اخذ ساره خما تصير زحمه
سيف: لا ماكو اي زحمه هي مرتك بكيفك
اسد: تسلم ياخوي يله احنه نتوكل
ساره: طلعنه من البيت اني والبنات واسد واني الطريق كله كالبه خلقتي زعلت منه شنو ياخذني وهو عرس اخويه كلت والله ما احجي وياه
"""""""""""""""""""""""""""""""""
هلاو قلبوشاتي شلونكم حبايبي مشتاقتلكم
يله علقو وصوتو وتفاعلو وفرحوني من تتفاعلون اكثر انزل بارتات اكثر اممممح 😘
احبكم ❤
الكاتبه صفو 💕