ساره: رحنه كعدنه اتلاثتنه يم عمي وبده يحجي وكل ميحجي كلمه اتكطع من جوه
ابو اسد: بنتي ساره انتي تردين اسد لو لا
اسد: يابه شنو اتريدني لو لا اكيد اتريدني
ابو اسد: اسد خلي ساره تحجي اريد الجواب منها كولي بنتي احجي رئيج
ساره: عمو يي اني رايدته
ابو اسد: هاهيه بنتي هاي حياتج
محمد: يابه هي شنو ليش هيج انتو تسوون يعني بكل صلافه ياخذها وهي اتريده لج ساره لج انتي شنو متستحين وين حبنه وين لهفتج الي وين راح كل هذا شو استغليتي الفرصه واخذتي اخويه وازوجتي والله ماجنت متوقع منج هذا طلعتي صدك عار ومتستحين ياساقطه حرام بيج الحب والله
ابو اسد: محمد اسكت مو مثل ممفكر ومو بكيفك اتحلل الموضوع
محمد: يابه شفهم اروح اولي اسافر ارجع الكاهم متزوجين شنو معناتها
اسد: محمد انت شبيك افتهم
محمد: اششش لتحجي وياي انت وانت اكبر عار لك انت عار عل اخوه حرام اصيحلك اخويه
اسد: محمد احترم نفسك لا والله اكوم اخبزك محترمك الخاطر ابوي
محمد: وانت بقيت احترام
ابو اسد: كااافي انتو تردون اتموتوني والله تردون اتموتوني وتخلصون غضب الله على روسكم
ساره: لا عمي اسم الله عمري على عمرك
ابو اسد: اسمعني محمد من سافرت انت اخو ساره سوه حادث ودعم اخوك مراد الله يرحمه وتوفه فرحنه سوينه كعده عشائريه ومجنه نعرف عائله ساره همه الي سوينه كعده عشائريه وياهم من شفت ابوها اتخبلت ومردت كعده عشائريه بس اخوك اصر اتصير وياخذ دم اخوك الراح ضحيه للحادث ومجان يدري ساره خطيبتك لان مشايفها ولا يعرف اهل البنيه وطلب فصليه ولان جانت ساره هي البنيه الوسطانيه انطونياها فصليه هي الي رادت تجي فصليه ومتدري احنه الاخذناها انكون اهلك واختها الصغيره خافت عليها وخلتها اتكمل دراسه واختها الجبيره متزوجه فبقت هي ومن اجتي اهنا اتفاجئت وبقت تخدمنه بعيونها ومخلتنه محتاجين شي واسد عرف بيها خطيبتك وغصبا عنه حبها مو بيده و طلب يعقد عليها محكمه وهي وافقت وانت ماكو ولا تعرف بالديصير وبعدين انت كل ما مؤمل يحاجيك انت ادكوله بعدين نحجي بهذا الموضوع وهي قبلت تبقه على ذمه اسد وانت ماكو واجيت وهاي افتهمت السالفه
محمد: يابه ماشي راح اكون وياكم بالحجي اخذتوها فصليه وهسه انتهت السالفه واني رجعت خطيبتي اريدها ترجعلي
ساره: 😨😵
اسد: لا مترجع ميحقلك
محمد: ليش ميحقلي اني وياها نحب بعض بعد شكو
ابو اسد: بابا ساره انتو اتحبون بعض ليش متكسرين الشر وترجعيله
اسد: يابه هي شنو ترجعله هي قابل سلعه
أنت تقرأ
فصليه اخ خطيبي
Romanceالكاتبه صفو 💕 قصه كلش حلوه بالعراق قصه رومانسيه وبيها احداث تخبل القصه تتحدث عن بنيه تحب شخص وتنخطب اله وبعد فتره من خطوبتهم تروح فصليه الاخو تابعو الاحداث وانشاء الله تعجبكم??
