فصليه اخ خطيبي

بارت 8

اسد: من عفت ساره حسيت بروحي غلطت وياها بس تستاهل اريد اربيها من جديد على ايدي السان وترادد رحت يم جماعتي بقيت يمهم لليل ورجعت لكيت اهلي كاعدين دخلت سلمت السلام عليكم
ام اسد. :هلا يمه وينك ليش ماكو مو على اساس نايم
اسد: اي يمه نمت وكعدت ورحت يم جماعتي
ام اسد: ها يمه ماشي
اسد: يمه وين ساره مالها حس
رقيه: ساره ماعرف شبيها من الظهر لحد هسه ابغرفتها
اسد: مطلعت منها
ام اسد: لا يمه مطلعت ولا شفتها
مؤمل: اسد انت ممسوي شي الساره مو
اسد:لا ممسويلها شي وحتى لو امسويلها شي لحد يدخل
ابو اسد: ماعاش اليحجي هيج واني بعدني عايش عود من اموت افرض رئيك علينه
اسد: يابه مو قصدي هيج بس هي مرتي واني حر بيها
ابو اسد: مرتك على عيني وراسي بس مو معناتها تاخذ قرارات بكيفك
اسد: لا يابه والله قرارك قبل قراري
اني اترخص اشوف ساره شبيها
ام اسد: اي يمه روح
اسد: صعدت للغرفه ودخلت لكيتها نايمه يعني هي مرتي وحلالي وماكدر اتقربلها مكضيها بس صفنات وحسرات والله ميصير بس شسوي  ذبيت السويج عل ميز ورحت سبحت وبدلت ورحت كعدتها
ساره سااارره لج ساااره
مترد بس اتون لزمت راسها لكيتها امصخنه ياربي هاي شبيها نزلت على امي كلتلها كالت سويلها كمادات صعدت وياي رقيه سوتلها كمادات وجابتلها اكل بالكوه تاكل ومتكدر تتحرك الصراحه خفت عليها كلش كلتلها امشي اخذج للمستشفى
ساره: (ابتعب) لا ماريد مابيه شي 😩
اسد: كومي ولتعاندين اخذتها ولبست عبايتها وشالها واخذتها للمستشفى كالت اصخونه عاديه تعبانه او مخنوكه من شي المهم رجعنه للبيت خليتها اتنام بوحدها عل سرير واني نمت بلكاع
ساره: بعد ماصعدت نمت ومحسيت بروحي حسيت اسد يكعد بيه بس مابيه حيل اجاوبه جسمي متكسر يوجعني واحس بردانه شويه واجتي رقيه هي واسد سوولي كمادات ووكلوني كوه اكلت نفسي تلعب واسد اخذني للمستشفى مردت اروح ويا بس هو مقبل واخذني طلعت عندي صخونه عاديه رجعنه بس الفاجئني اسد نام بلكاع وخلاني بوحدي عل سرير بدون ميحجي اي كلمه اني هم غلست ونمت كعدت الصبح لكيته بعده نايم شفت روحي شويه احسن كمت سبحت ولبست تراك ونزلت لكيت عمتي دتسوي ريوك صبحت عليها
صباح الخير
ام اسد: صباح النور يمه البارحه خوفتينه عليج
ساره: لا يمه مابيه شي حبيبتي
جان تكعد رقيه وياقوت مكفشات 😂
ساره: هاي شنو عبسيات 😂😂
ياقوت: 😴 انجبي
رقيه: كله منج بعدني نعسانه 😴😴
ساره: امشن غسلن وتعالن نتريك
ياقوت ورقيه: ؤك 😴😴
ساره: خليت عمتي تكعد لان متكدر وكمت احضر بالريوك اجه عمي ابو اسد ومؤمل صباح الخير
ساره: صباح النور هلا عمي اكعد هسه اسويلك ريوك
ابو اسد: ماشي يبنيتي
ساره: مؤمل انت هم اكعد احظرلك ريوك 😊
مؤمل: لا عادي لتعبين نفسج هسه تجي رقيه اتسويلي
ساره: يا هاي شبيك انت مثل اخوي وعادي شسالفه لا تعب ولا شي
مؤمل: ماشي فدوه المره اخوي
ساره: 😳
كملت الريوك وصحت البنات وعمتي تونه كعدنه جان يجي اسد صباح الخير
الكل: صباح النور
ام اسد: تعال يمه اتريك اليوم سروشه سوتلنه الريوك
اسد: اي يمه 😒
اسد: من نمت محسيت بشي كعدت الصبح متكسر لان ممتعلم عل نومه بلكاع لكيت ساره مو بفراشها والغرفه نظيفه عرفتها جوه رحت سبحت وبدلت ونزلت لكيتهم يتريكون امي كالت ساره مسويه الريوك مهتميت وكعدت اتريك وياهم
ابو اسد: محمد خابر وسمع بموت مراد وراح يجي باجر
ساره: من سمعت راح يجي محمد مدري شصار بيه ضليت متبسمره بمكاني
رقيه وياقوت: 😲
ام اسد: ها راح يجي بهل سرعه
اسد: اي هاهيه خلي يجي هلا بي
مؤمل: اسد انت تعرف شدكول
اسد: اي اعرف شدا اكول
مؤمل: والله ماعندك لا ضمير ولا احساس مفكرت شراح ادكول الاخوك من يشوف خطيبته مرتك
اسد: ينصدم بعدين ينسه الموضوع
مؤمل: والله متستحي لك انت شنو من بشر بس كلي
اسد: شي ميخصك التهي بروحك وبس خوش
ابو اسد: بسكم عاد تره زوتوها متحترموني ودكولون اكو احد كاعد وياكم
مؤمل: يابه مدشوفه شكاعد يحجي
ابو اسد: هو يحل مشاكله بكيفه المنيده الله بزيده
ساره: كلهم ديحجون اما اني فبغير عالم دافكر شراح يكوو موقفي كدام محمد شراح اكله شنو رد فعله عليه ماعرف شسوي وبنفس الوقت مشتاقتله حيل كله من اسد شكد اكرهة سود حياتي واخذ فرحتي مني وبأثناء ثفنتي سمعت صياح عمي ابو اسد فزيت وكمت سفرا دايمه
ام اسد: وين يمه كلشي ما اكلتي
ساره: ماريد يمه شبعت اني رايحه الغرفتي
ام اسد: روحي يمه
ساره: صعدت للغرفه وكعدت بلكاع اشهك وابجي واملخ بروحي شراح اسوي من يجي شنو ردي اله من يسألني ماعرف شسوي والله احبه واريده شنو راح اكله اكله اني مره اخوك شراح يصير بي اكيد راح يتحطم ماعرف دخت وحايره كله من اسد الله ينتقك منه ضليت ابجي وبدت شحكاتي تعله وصوت بجيي يعله لمن حسيت دخل اسد للغرفه كمت مسحت دموعي ودخلت للحمام
اسد: ابوي جاب سيره محمد اني صارت غصه بكلبي وشفت ساره وجها صار اصفر  شراح اكول الاخويه اخذت خطيبتك والله ماعرف شنو موقفي كدامه ضليت اتناقش اني ومؤمل وابويه عاط بينه ساره كامت وصعدت الغرفتها امي حجت
ام اسد: اسد تره كلام مؤمل صح انت شراح ادكول الاخوك
اسد: يمه ماعرف والله ماعرف شراح اكله او احجيله
مؤمل: والله يا اسد من ايدك اتحمل نتائج فعلك
رقيه: اسد انت غلطت اتحمل
اسد: كافي اتذبوهت بيه تره مو اني الكتلت اخويه الصغير اني دا اخذ حق اخويه ومدا العب
ابو اسد: تاخذ حق اخوك تضلم البنيه وتضلم اخوك هي هاي تربايتي الك عود انت الجبير ومعتبرك سندي
اسد: يابه والله مو بيدي متحملت موتت مراد
ابو اسد: هاهيه بويه الله كريم منا الباجر روح يلبه على مريتك شوفها شبيها
اسد: حاضر يابه
صعدت للغرفه بس قبل لا ادخل سمعت صوت بجي وشهكات عرفتها ساره ماعرف شسوي دخلت لكيتها بلكاع املخه روحها والدموع على خدها وتشهك شافتني وراحت دخلت للحمام واسمع بجيها ماعرف شراح اسوي حسيت من صدك ضلمتها وضلمت اخوي واخذت خطيبته شويه وجان تطلع مغسله وجها ردت احجي وياها
ساره
ساره: .......
اسد: ساره اريد احاجيج لموضوع محم...
ساره :بسك اسد كافي شتريد تحجي ها كلي شتريد ادكول الاخوك من يجي ادكوله اخذت خطيبتك وهو بكل رحابه صدر راح يحضنك ويكلك عفيه عليك ياخوي
اسد: ساره ادري غلطت بس انتي هم اتفهمي موقفي
ساره :موفقك هو شنو موقفك اسد اخوك من مات ماجان الي علاقه بهل سالفه وردت احمي اخوي لا اكثر وباوع تحلم اصيرلك مره او اتفكر بهل شي اكرهك تعرف شنو اكرهك انت دمرت احلى حلم بعمري
اسد: بعدج اتحبي
ساره: اي احبه وحبي اله مراح ينتهي ولا راح احب غيره وهاي كلامي ومثل مكلتلك مراح اكون الك مره من صدك فقط بالاسم
اسد: خوش ساره الله كريم
عفتها وطلعت وسديت الباب حيل كلش ضجت من كلامها يعني صح اني ضلمتهم بس حبيتها اي ما اجذب صدك حبيتها وعشقتها بس هي بعدها اتحب اخوي يعني مراح اتفكر بيه ابد
ساره: حجه وياي اسد متحملت ابقه ساكته طلعت كل البكلبي لان ما اتحمل بعد طكت روحي منه بس عصب من حجيي وطلع وسد الباب اني نزلت لكيت بس البنات كاعدات بالاستقبال سالتهن عن الباقين
رقيه: امي بغرفتها وابويه طلع ومؤمل هم طلع واسد مدري شبي طلع عصبي
ساره: اهاا
ياقوت: هاي شبيها عينج شو مورمه
ساره: لا مالبيه شي
رقيه: ساره انتي بعدج اتحبين محمد
ساره: اوووف لج والله احبه بس كله من اسد دمر حياتي شراح اكول لمحمد من يجي
رقيه: لج اسكتي وكافي انسي محمد انتي هسه مره اسد ولازم اتحبين اسد وتنسين محمد
ساره: ههههه انسه محمد والله مستحيل انسى والمن احب اسد ههههه والله دتحلمين انتي لج اكره
رقيه: والله ماعرف شكول
ساره: لدكولين شي الله كريم نشوف شراح يصير
كمنه اني والبنات بدينه نحظر بالغده سويت برياني كلش طيب صار ورقيه سوت زلاطه وياقوت رتبت ميز الطعام اجه عمي هو ومؤمل بس اسد ماكو صبينه غده واتغدينه كلنه وجان طول وقت الغده الصمت موجود محد حجه كملنه وشلنه المواعين وغسلناهن ونظفت المطبخ رحت للاستقبال ضليت اتفرج فام والبنات كاعدات يمي ناكل حب ونباوع تقريبا للمغرب كمنه بدينه نحظر العشه سألت عمتي شنسوي كالت بكيفجن سوينه بتيته فنكر واني سويت بيتزا ولحم بعجين وبورك بالجبن طلع يخبل وسويت داطلي اني اعرف شلون يصير يعني اعرف كلشي حلويات وطبخ اجه اسد وصبينه العشه وهم مجان حجي مهم جانو يحجون بالشغل بس الشي الفاجئني اسد عادي يحجي ولا كأنما صاير شي ولا عبالك مسوي شي كملو عشه شلته وصبيت جاي بس العمي والعمتي لان الباقين بليل ميشربون والباقين انطيتهم داطلي كلهم كالو طيب عاشت ايدج حتى اسد هل مره اكل وهل شي فاجئني اكثر ويضحك ويسولف ويه مؤمل ولا عبالك مسوي شي غلط واني من يمي محروك دمي

""""""""""""""""""""""""""""""""""""
هلاو قلبوشاتي اسفه عل تأخير هذا بارت لعيونكم امممح احبكم مووت 😍😘😘
وصدك كل عام وانتم بخير انشاءالله سنه خير عليكم بمناسبه الكريسمس 2019😍
لا تنسون التصويت والتعليق والتفاعل اعتبروها هديه منكم الي بمناسبه الكريسمس😂😂 يله بااي حجيت هواااي 😁😍
احبكم ❤
صفو 💕