ساره: صعدت بالسياره ويه اسد واجينه البغداد اسد اخذني كبل البيتهم
ساره: اسد هاي ليش
اسد: حبيبتي بالبدايه انروح البيتنه بعدين اخذج البيتكم
ساره :هممم ماشي حبيبي
وصلنه البيت اسد واني كلبي مقبوض صارلي هواي مداخله البيتهم نزلت من السياره ودخلنه اول مادخلنه جان اكو مره وبنيه يمهم وكاعده عمتي ام اسد ورقيه دتطبخ وياقوت يمها دخلت اني واسد وحجيت
ساره بتردد: السلام عليكم
من كلت هيج باوعت عليه عمتي ام اسد وعيونها دمعت وحجت
ام اسد والدموع بعينها ومصدومه: بنيتي سااره يمه يي هاي ساره بعد امج
اجتي عليه عمتي ام اسد وحظنتني واني هم حظنتها وكمنه نبجي نشهك
ساره بجي: ؤؤؤف يممه مشتااقتلج وج يووم
ام اسد بجي: يبعد امج والله مشتاقتلج هوواي ليش يمه كطعتي هل كطعه
ساره بجي: يمه اسفه اعذريني حقج عليه
بست راسها وايدها واجيت سلمت عل مره الكاعده والبنيه
ام اسد: يمه ساره هاي جوارينه ام فهد وبنتها رهف
ساره: هلاو خاله اتشرفنه
ام فهد وبنتها: النه الشرف بس عيوني ام اسد منو هاي البنيه
قبل لا تجاوب عمتي ام اسد اجه اسد وكف يمي وحجه
اسد: خاله هاي ساره مرتي
ام فهد بصدمه: مرتك انت مو نفصلت عنها
اسد: يي خاله صح انفصلنه بسبب مشاكل بس هسه رجعنه سوه
اباوع عل بنيه تريد تاكلني يا كبر هاي شبيها هي وامها كبوور اي والله درت وجهي وشفت رقيه وياقوت اووف شكد اشتاقيتلهن رحت حظنتهن
ساره: رقيه يااقوت حبيباتي مشتاقتلجن
رقيه بجي: حقيره مشتاقيلج اكثر
ياقوت بجي: ساااره مشتااقتلج
ساره: ياحبيباتي هاي رجعت بعد كلبي
نمست الرقيه بصوت ناصي
ساره: رقيه شو هاي البنيه تباوع هيج علين اتريد تاكلني
رقيه بهمس وضحك: بعدين اكلج
راحت هاي ام فهد وبنتها واجتي عمتي وعمي هم سلم عليه وبست راسه وايده وكعدنه نسولف
ام اسد: يمه ساره وين جنتي كل هل مده
ساره بحسره: اوووف والله يا يمه جنت بالعماره ....... وحجتلها كلشي
ام اسد: يا يمه سوده عليه والله جنت رايدتج ترجعين الاسد
مؤمل: احم احم يمن لا تحمين علينه
ام اسد: انجب لك لتتلوك
ساره: ههههههه هاي بعده على سوالفه متغير
بقيت اسولف ونضحك كلنه وبعدين باوعت الاسد وحجيت
ساره: عفيه اسد اريد اروح الاهلي هسه خطيه ينتضروني
اسد: يي يله ماعندي شي
ام اسد: ليش يمه دبقي شويه يمنه
ساره: يمه غير مره الجايات هواي تسلميلي
اسد: يمه على شنو اتعزميها هي اول تالي راح تجي اهنا من جديد
ام اسد: يي والله يمه صح كلامك
ساره بخجل: يله اسد وديني
طلعنه اني واسد من بيت اهله ورحنه البيتنه قبل لا انزل وكفني
اسد: احم احم
ساره: ها شنو
اسد: اريد الكروه مال توصيله
ساره: وشكد الكروه بله
اسد: احم اني اقبل حظنه بوسه اي شي
ساره: همممم
اتقربت على اسد وبسته بخده ونزلت رئسن دزيتله بوسه بالهوه ودخلت البيت اهلي واني اضحك دكيت الباب طلعلي سيف
سيف: قوووقه يمه حبيبتي
ساره: سيفوو حبيبي مشتااقتلك هووواي
سيف: تعالي فوتي
دخلت جوه وسلمت على اهلي على امي بوستها وبست راسها وسلمت على سلام وعلى علياء وكعدنه
سلام: شلونج كعكيك
ساره: تمام وانت شلونك ويه يااق..... علياء
نسيت نفسي ردت اكول ياقوت بس همزين انتبهت بعدين صعدت فوك الغرفتي اجتي مريم وعلياء يمي
علياء: عل سريع احجي شنو سالفه
ساره: شنو
علياء: على اسد
ساره: مريم هاي شبسرعه لحكتي تحجين
مريم: ههههه قابل هي غريبه
ساره: طاحظج جنج مؤمل ولا تسكتين هو خبل وانتي خبله متراهمين
اباوع على مريم تغمزلي وتعضلي شفه اني مهتميت
علياء: ياا هاي مريم ومؤمل بعدهم يحبون بعض
ساره: لعد شعبالك عهههه
مريم: عابتلكم
راحت مريم وعلياء اني سبحت ونزلت كعدت يم اهلي جان تجي علياء فرحانه
علياء بفرح: اكول عندي موضوع
الكل: كولي
علياء: الجمعه بيت عمو ابو اسد يردون يجون يخطبون ساره
سيف: ماعدنه مره بعد
سلام: مننطي مره
يمه اني سمعت هيج كمت وحجيت
ساره: لا شنو ماعدكم مره اني اريد ارجع الاسد هل شي ميصير
سيف : ساره شنو نسيتي الصار بيج بسببهم بسبب محمد واسد طلكج نسيتي كل هذا
ساره: لا منسيت بس حليت الامور ويه اسد واني اريده
سلام: ساره سدي الموضوع خلص مترجعين الاسد
ساره: انتو ليش هيج رافضين اني اريده ولكم تعذبت بدون اسد اذا اتحبوني وتردون مصلحتي وتردوني افرح رجعوني الاسد
باوعت عليهم واني اتمنى يوافقون
سيف: علياء كولي الهم هلا بيهم
ساره بفرح: فددييييتك يروووحي
فرحت فرحه متوسعني
أنت تقرأ
فصليه اخ خطيبي
Romanceالكاتبه صفو 💕 قصه كلش حلوه بالعراق قصه رومانسيه وبيها احداث تخبل القصه تتحدث عن بنيه تحب شخص وتنخطب اله وبعد فتره من خطوبتهم تروح فصليه الاخو تابعو الاحداث وانشاء الله تعجبكم??
