My Two First Kiss

Chapter 34

Sinenyasan ko si Xi na lumapit sa akin, ginawa niya naman iyon.

"Eto na ang parusa mo!" masigla kong sabi.

"Ano?" tanong niya.

"Piggy back ride buong bakasyon natin," bulalas ko.

"Ha? Bakit?" Kunot ang noo na tanong niya.

Sa totoo lang ay gumagawa lang ako ng dahilan para di ako maglakad, sobrang sakit na ng paa ko. Ikaw ba naman ang mag-akyat baba sa lighthouse nang may tama ang isa mong paa.

"'Wag ka na magreklamo."

"Sandali, bawat salita bang bibigkasin ko ay may karampatang parusa agad? O bawat talata ang kaakibat ay isang parusa? 'pag ginawa ko ang parusa maaari na bang muli akong magsalita ng Ingles at pinapatawad mo na ako sa pagdukot ko sa'yo?"

Di ko alam kung matatawa ako o dudugo ang ilong ko sa malalim na tagalog niya. Buwan ng wika ang ganap niya.

Bwisit! Dami niyang tanong.

"Oo na, pwede ka na mag-english at pinapatawad na kita. Basta piggy back-ride all the way!" medyo napipikon na sabi ko sa kanya.

Si kuya Jun naman tinatawanan lang kami.

Tumalikod siya sa akin si Xi, suot ang back-pack niya sa harap niya.

"Sakay na," sabi niya.

"Okay!" sabi ko saka ako sumampa sa likod niya.

Ang sarap sa pakiramdam na di na nasasaktan ang paa ko, salamat sa pagbuhat niya sa akin.

Binaling ko ang tingin ko kay kuya Jun na nakangiting nakatitig sa amin ni Xi.

"Anong problema kuya Jun? bakit nakangiti ka?" tanong ko sa kanya.

"Natutuwa lang ako sa inyong dalawa ni Sir, maam." Napakunot ako ng noo.

Huh? Bakit siya natutuwa?

"Para po kasi kayong magkasintahan na nagkatampuhan at nagkaayos na," sabi niya na tila nabasa niya ang tanong sa isip ko.

Magkasintahan talaga?

Tumikhim si Xi.

"Oh, may paubo-ubo ka pa diyan," sita ko sa kanya.

"Bigat mo kasi Silang," reklamo niya.

"Impakto ka!"

Di nga? bumigat ba ako?

"'Wag kang malikot kung ayaw mo mahulog," sabi niya sa akin.

"'Wag ka kasi mang-asar,"  inis na sabi ko.

"Anong sinasabi mo Silang di naman kita inaasar," pag mamaang-maangan niya.

"'Wag kang mag-alala ma'am di ka hahayaang mahulog ni Ser kung alam niyang may ibang gustong sumalo sa iyo," sabat ni kuya Jun.

Anong nangyayari? Pumi-pick up line ba si kuya?

Kung di ko lang talaga kailangan ang tulong ni Xi, kanina pa ako bumaba mula sa likod niya. Gaya ng plano ko ginawa ko talagang taga-buhat si Xi. Lalo na at halos puro burol ang pinuntahan namin. Di ko na kakayanin ang umakyat dun ayaw ko pang malumpo.

"Ginawa mo talaga akong taga-buhat Silang. You didn't even give me a chance to rest," reklamo ni Xi.

"'Wag ka na magreklamo last stop na natin 'to today," sabi ko na lang bilang pampalubag loob.