مرحبا كل عام وانتم بالف خير اعزائي اجيتكم بقصة جديدة اتمنى تعجبكم
صدى الآهات
هو صراخ العذاب ووجع السنين يمر بحياة ملاك كالصدى
نعم بطلتنة اسمهة ملاك وفعلا ملاك
اسم على مسمى
القصة حتكون منوعة مرة بلسان البطلة ومرة بلسان الكاتب مرة سرد وحوار معا
صغيرة كنت أستعجل الأيام كي أكبر ،والآن أرتجي الأيام أن تعيدني حيث طفولتي وتنساني هنآك
مرات الانسان يريد يتسابق وية الزمن ويريد يكبر
ومن يكبر صدك ويضوك مرارة الحياة يكوم يشتاق لايام الطفولة ومن يشوف طفل يكول هنيالة طفل وبالة صافي ومايدري بالدنيا شبيهة مابيهة
نبدأ البارت بعون الله
- ملااااك ملاااك
- اي اي كعدت ليش هل صياح
- الام: متكليلي شنو هل نوم مال اهل الكهف من نص ساعة واكفة اكعد بيج حيروح الوكت اخوج ثبرنة يريد يطلع
- اووف هية شوية اخذت قيلولة الضهرية شدعواكم بعدين هذا احمد الشفية شكد نحس الله يعين التاخذة
جتهة ضربة على حلكهة بس خفيفة متوجع:
- امي ليش ضربتيني اني شحجيت
- ام احمد: انتي ليش متسدين حلكج وتنجبين فوك مايطلعج ويشتريلج وجاية تنفرين النعمة هو طبعة عصبي بس وياج الحمدلله مدللج وتجين تحجين عليه ليش اخوج الجبير تحترمي وتداري غصبا عنج
- هسة شحجينة اكوم ابدل واتحضر احسلي
- ام احمد: والله تسوين فضل يلة كومي حمودي مستعجل عندة شغل وديطلع علمودج وديري بالج على جيبة خطية تعرفين ماعندة وشغلة موشي بس انت عزيزة عليه وكلج اطلعج واشتريلج ملابس للدوام وقرطاسية واي شي يعجبج
بس انت هم داري وعلى كيفج ويا واختاريلج شي بالمعقول
- هف مااكدر كلشي اشوفة يعجبني شلون لعد مااشتري ويبقة بنفسي
- اهوو ميصيرلج جارة صوجنة دللناج زايد
- يلة باي
-باي
ملاك*
اسمي ملاك مواليد١٩٧٩
مدللة كلش لان هلوحدة لاهلي عندي اخوان ثنين احمد وسرمد
مواصفاتي عيوني شهل شعري بني فاتح صبغ رباني شكلي يجذب
ابوية توفة من سنتين اثر جلطة صابتة بسبب تعب و مشاكل وية عمومتة واولادهم عن الورث مال اهل ابوه
ابوه توفة قبل اهلهة وبالقانون يحقله يورث اجدادة رغم هو ماطالبهم بورث ومانزل نفسة الهم لان يعرف معدنهم بس هم ناس شرانين ويحبون المشاكل
بيبيتة قبل وفاتهة مسجلة قطعة ارض لابنهة الهو جدي علساس هدية او مااعرف شنو تفاصيل الارض وبقة السند عدهة منطتة لابنهة وابنهة مات قبلهة صارت عركة بينهم بعد وفاة اجدادهم وبدو بتقسيم الورث ماحطولة لان علساس اخوهم جدؤ توفة قبل اهلة ومن طلع السند والارض لازم يستلمة جدي(يمكن دوختكم بهلموضوع جد واجداد وابو ومدري منو ههه اكيد مافهمتو شسويلكم يمكن اطلع اني هم غلطانة مناقلتة مضبوط من صاحبة القصة معلية اني العلية كتبت 😁😁)
هنا كبت للستار وهو راسا صابتة جلطة بقة فترة وتوفة تركنة ثلاث اطفال احمد الجبير يكبرني ثلاث سنين وسرمد اني اكبرة اربع سنين يعني اني الوسطانية وتركلنة بيتين الحمدلله واحد سكنة بي والثاني اجرنا ونعيش بايجارة
