البارت23
بقلم جوري
في بيت ابو حيدر
في غرفة عمار
طول هل اسبوع عمار ضايج ويفكر لاول مرة حيسافر ويعوف عائلتة ممتعلم بكل سفرة بكل طلعة هم ويا
بس هس مجبور لان شغل وويا رياجيل مسؤولين عن الشغل ميكدر ياخذ ملاك والجهال
جان كاعد وصفنة تودي وصفنة تجيبة ويدخن جكاير
- شبيك حبيبي ليش صافن هاك هذا الجاي المهيل يلوك لهل حلك
- تسلميلي ملوكة فدوة لايديج اجة بوكتة راسي حينفجر يريدلة جاي يعدلة
- اسم الله على راسك هذا منورة الصفنات والتفكير والله انت متعب نفسك ومكبر السالفة احنة شكو علينة قابل وحدنة مو عمي واخوتك ويانة الله يحفظهم النة اذا احتاجيناهم بعدين هو اسبوع منا يطب منا يطلع منحس الة انت جايينة ومنورنة
- اي والله صح كلامج بس موبيدي اخاف عليكم خصوصا البنات
فدوة ملاك ديري بالج عليهم بعد كم يوم يبدي دوامهم رح اخليلهم خط يوديهم ويجيبهم احسن لان بعيدة المدرسة مومال مشي يتعبن خصوصا سرور واريدج عينج عليهن متغافليهن بيدج تسلميهن لابو الخط وبيدج تستلميهن
ويسوري هذا ماوصيج بي هذا العزيز فديتة
- هههه بديت اغار من يسوري
فدوة طمن نفسك والله ماعليهم شي تروح وترجع سالم
في المطبخ
ام حيدر تكلم ابنهة الاصغر من عمار انمار
- ام حيدر : يمة انمار فديتك يا بعد امك
- خير ان شاءالله مبين عدج شي ترة والله تعبان
- شبيك عيني تعبان شو شطلبت منك تعبان لعد شلون باجر عكبة ازوجك والله بطلت مازوجك تفشلني كدام المرة اسمك تعبان
الوتي من سمع بيهة زواج انكلب 180 درجة
- اي يوم تامريني امر انت بس كولي وتلكيني جوة ايدج وين متردين
ياحيال شفت بيهة عرس غيرت رايك هو انت بكل الاحوال توديني غصبا عنك
دتحجي وطبت جنتهة مرة حيدر راسن سكتت
- ليش سكتي عمة كملي كلامج وين تردين اطلعين
- يمة ماكلج صارت بية خوفة من عيونج رادت تحرك ياسر وتموتة لو ما الله لطف بي ونجا
انقهرت وغرغرت عينهةوكلتلهة:
- هذا قضاء وقدر اني مااحسد والله
خوش طلعيلي تعلوقة بلبيت حاسودة حرام عليج تاذيني وتقهريني من يوم الختنك ياسر لليوم تذبيلي حجي لو تخافين من عيني وكدام الكل طلعتيني حاسودة حتة الجوارين عرفت ليش مو اني جنتج منج وبيج المفروض ماتنطين بية اني محسوبة على حيدر
- دكافي تغردين سطرتينة هسة شدعوة شحجينة بعدين هي بس ام سارة زل لساني يمهة
- اي مكايلة شي بس ام سارة مالكيتي غيرهة هسة ذاعهة على قنات الفرات
🌷🌷🌷🌷🌷🌷🌷🌷
بيت وسن
صعدت وسن لغرفة اسراء البيتهة وشافتهة النفسية تعبانة ومتاذية
- كومي يمة ليش بس محبوسة فوك تعاي عندي شوي غيري مكانج ومتنفسج ترتاحين طلعي للحديقة تنفسي هوة طيب
