البارت(٢)
بقلم جوري
ملاك*
كعدت الصبح كلي نشاط فرحانة اليوم نطلع كمت من اسمع بطلعة فرحتي مثل فرحة العيد لان مليت من كعدة البيت نزلت اتريك لاكيت امي بالمطبخ تعمل ريوك اجيتهة حضنتهة من ورة حيل كتلهة:
- صباح الخير مامي
- وسن: خير ان شاء الله شرايدة بدون لف ودوران مومن عواييدج تحضنيني وتبوسيني الة بمصلحة
- لا مامي ليش هيج ماخذة علية فكرة ماكو شي بس فرحانة حنطلع العصر
- اليسمع يكول سودة علية مشايفة طلعة محبوسة مو البارحة طلعج احمد واشترالج وقبلهة طلعتج اني
وميمر الاسبوع اذا ماطالعين طلعتين
- شسوي احب طلعة مااشبع
- ديلة كومي تريكي والعصر لا تتاخرين ساعة ب٤ نطلع
- ايي تدللين مااخرج
- ولو ودي مااخذج وياي
دمعت عينهة وضاجت
- ليش ماما شسويت ومتاخذيني ممتوكحة جنت من اتوكح تعاقبيني بالطلعة
- هههه لا ولج مو على الوكاحة بس اليشوفج يصور جبيرة اكبر من عمرج طويلة وضخمة عبالهم مرة ويخطبوج هاي ام حيدر عدهة خمس ولد وثنين منهم على وجه زواج وتمشي ودور مرة لابنهة
- لعد تردين تحرميني من طلعة علمود لا يشوفوني ليش لعد من اطلع بالشارع ميشوفوني لو للدوام ميشوفوني زين انت ماعندج كلمة متكدرين تكليلهم بنتي زغيرة
- اوف من لسانج لا يمة مااكدر لان هم اصحاف فضل علينة دائما يوكفولنة وولدهم اصدقاء خوتج لو شوية جبيرة جان شلتج وانطيتج الهم خوش ناس مايتفوتون
- مااريد ماازوج لاتفكرين تزوجيني باقية على كلبج
- ديلة علوة اخليج تداريني بس مو بعدين تكبرين وتردين عرس وتكليلي انانية مبقيتني اداريج
- لا ماكول
- ديلة لهيتيني لا شغل لا طبخ هسة يجون اخوتج جواعة
كامو على اشغالهم وصار العصر تحضرن وراحنللحفلة وصدك فعلا العيون كلهة عليهة والاماية انحرجت كلسع وحدة سائلتهة هاي بتج؟
شكد حلوة
لو يسالون مخطوبة ؟
لو يكلولهة تنطونياهة ؟
كلش تنحرج وسن ومن تكللهم زغيرة وعمرهة ١١ سنة يتفاجئون ومايصدكون لان كدامهم تبين بنت ١٤ سنة طويلة وجسم نسائي وجمال رباني كتلو رواحهم عليهة النسوان عدهم عادي يخطبون طفلة ام ١٤ سنة يربوهة على ايدهم
ضاجت وسن بس تريد تخلص الحفلة وتطلع لبيتهة كافي احراج
صار المغرب خلصو تقديمات والضيافة والحفلة خلصت ورجعو البيتهم
كعدت تحجي للولد:
- والله لو ماماخذتهة وياي احسن شنو هل احراج يمكن عشر نسوان خطبنهة لاولادهم ومن يعرفون عمرهة يتفاجئون اكللهم صغيرة ميصدكون
- سرمد: اي شكو بيهة نزوجهة حتة تسوينة خوال
- وسن: دولي يريد يصير خال براس ملاك المكرودة بعدك بكد الفصمة
- شنو بكد الفصمة دشوفيني رجال كدامج
- احمد: لازم اشتهيت تعرس ودتكبر نفسك
- سرمد : الله وايدك
- وسن : دنجب اول ازوج احمد وانت وراه اخوك الجبير لازم قبلك نزوجة وانت تسكت وتنتبه لدراستك توك سبع سنوات وتفكر بالعرس لعد من تصير ١٥ شسوي الله يستر من جيلكم
خلصت السوالف على العشة وكلمن دخل غرفتة خلص اليوم
بعد يومين من الحفلة بيت جيرانهم ام حيدر
سيرت عليهم ام حيدر
- ام حيدر: يا خية تدرين اقاربي انعجبو بملاك والبارحة يخابروني ويسالون عليهة
- وسن: اي خية شلون احراج اكللهم البنت زغيرة ١١ سنة ميصدكون حقهم شطولهة جنهة عجل والله تفشلت وياهم هواي
- حشاهة هل حلوة شنو عجل حقهم يردوهة جمال وهدوء ماتتفوت
- اي صح كلامج بس اني ام ومااريد اورط بنتي وهي طفلة والزواج مسؤولية مو سهلة علية ازوجهة
- والله اني جاييتج بموضوعها ترة ابني رايدهة بس لان جيران وحرمتهم ماتعدة الحدود بس من سمع الناس دتخطبهة راد اجي واحجزهة الة
- ولدج ماكو منهم بس حيدر هواي يكبرهة عمر
- لا مو حيدر لعمار الوسطاني عشر سنوات فرق كلش زين مو هواي
- والله اختي كتلج ولدج درة ماكو منهم بس بنتي زغيرة
- لا يمعودة بس حجز نحجزهة عمار هم بعدة لمن يرتب امورة رغم متمكنين بس ميريد من ابو يريد من نفسة وتعبة
- والله شاكلج خليهة وية الايام والله هو المدبر
- والنعم بالله بس مااوصيج ابني حابهة لاتكسرين كلبة اعتبري ابنج ويحب مو تتمنيلة اليحبهة فلا تكسرون كلبة وتنطوهة لغيرة
- لو بيدي وين الكة احسن من عمار بس تبقة يم اخوانهة وهي هم تكبر وتقرر اني مااجبر
- يلة مع السلامة
- مع السلامة سلمينة على الحجي والولد
عمار*
اني مثل ماعرفتوني جيران بيت ام احمد
عمري حاليا ٢١
احنة خمس ولد وبنية وحدة
حالتنة الحمدلله متمكنين ابوية شغلة بالمقاولات والعقاري ومدللنة وامي مرتبة ومعدلة وكلة على الاتكيت وروحهة خضرة ومعتنية بنفسهة هواي
تخرج اخوية حيدر من الطبية من فرحتهة بي لمت الناس والعالم من جيران واقارب سوت حفلة لحيدر
ثاني يوم الحفلة جنت توني جاي من شغلي وية ابوية بالمكتب اشتغل بالعطل واثناء الدوام اروح للمكتب العصر
اداوم مرحلة ثالثة كلية هندسة مباني
كاعد يمهم بالصالة واتغدة سمعت امي تحجي للحجي ابوية
عن الحفلة وجابت طاري ملك رف كلبي من اجة اسمهة بالطاري مدري شجاني ادري طفلة بس مو بيدي اعشقهة من سنة واخاف عليهة حتة من روحي اراقبهة من خوفي عليهة امشي وراهة يومية اوصلهة للدوام وهسة بالعطلة رغم اشتاق لشوفتهة لاكن كلبي مرتاح ومطمان عنهة هي بالبيت يم اهلهة
بعدهة الوالدة تحجي وكالت خطبوهة بيت فلان والاماية توسلت بية اروح احاجيهم لان كالت مقبلت امهة وكلتلهم صغيرة
اهنا اني انتفضت وتخبلت دون شعور كلبت الصينية وكتلهم ماكو ملاك الي متصير الغيري
- الحجي: انت بكيفك قابل ابن عمهة وتنهي عليكه
- افهموني رايدهة واحبهة
- ولك طفلة شحبيت بيهة
- ميخالف اني مناوي هسة اريد اكون نفسي واخطبهة بعد كم سنة تكبر
- ام حيدر: يمة اهدأ شبيك بس اشر اشوفلك احلى البنات
- يوم فهميني احب ملاك اريدهة لو هي لو ماازوج
- هسة اليسمع هوستك يكول ديستقتل على وحدة شابة كلهة انوثة هي كلهة ١١ سنة تاخذهة تربيهة وتعلمهة بابا وماما
- اي اريدهة اربيهة على ايديواشكلهة مثل مااريد بس حجزيلياهة يا امي فدوة اروحلج دتشوفين ابنج متدمر
- يمة سملة على وليدي من الدمار تدلل اروح واحجزهة الك
اجيت اركض وبست ايدهة
- فديت عمرج يلغالية شعدنة غيرج يلة اليوم العصر روحيلهم
- يمة شبيك مستعجل خليني باجر افكر بالموضوع وافكر شحجي امهة
- الحجي: تهي بهي شدعواك تخبلت اخوتك الكبار مامزوجين وانت كاتل روحك
- يابة ماكتلك هسة زوجني بس حجزوهة ماريدهة تروح من ايدي كم سنة وتكبر واخوتي يزوجون
واني اتخرج
- الله كريم يكتبلك البي صالح الك
بقيت انتضر الباجر على نار واحوص من الصبح وكلسع اكول للوالدة يلة روحيلهم وكوة تحملت للعصر يلة راحت وكابلت الباب وكعدت اتانيهة ورة ساعة طلعت امي من بيتهم نسيت نفسي وركضتلهة بس هي من بعيد خزرتني واشرتلي اثكل حسيت ع روحي ورجعت ركض للبيت وكفت ورة الباب اول ما دخلت لزمتهة
- ها يوم بشري
- يوم شبيك مستعجل
- حتموتيني احجي
- اني سويت العلية ورحت وحجيت بعد كلة يم الله اذا اراد شيء فيقول له كن فيكون
يمة والقسمة من تريد تصير تلجم الحلوك
- يمة شنو شو كلامج يوحي مقابلين
- لا بس كالت زغيرة ومااكدر انطي حجاية جائز من تكبر متريد واحنة مانجبرهة
بعد يم الله البي صالح يقدمة يلة ابني لا تفكر وتتعب ترة بنات هواي وحدة احلة من الخ وانت مناقصك شي وشمدريك جائز هي التكون من نصيبك
يتبع....
غلسو علسحك البارت دون مراجعة
مثل مواعدتكم نشر يومي رغم اليوم جنت تعبانة بس جبرت نفسي وكتبتلكم بارت
تفاعلكم يهمني تاك لصاحباتكم
