البارت(11)
بقلمي جوري
بيت ابو حيدر مخبوصين بعرس اولادهم صار بالقاعة وثنينهم سوة ازوجو جان احلة عرس والكل فرحان واليركص واليصفك والياكل
وام العرسان تهلهل وفرحانة كلش لان هذا البجر حيدر ديزوج العزيز وسامر هم
كلسع جارتهم وتركصهم وياهة
- يلة ياعرايس يا حلوات تعالو ركصو
جرت العرايس وكعدت تركصهم فاتت ملاك حايرة بالبنات وتركض وراهم هم جرتهة
- يلة ملاك عمة مركصتي عرس حموينج
- اي والله عمة بس ذني مينعافن وابوهم دزو عليه برة وراح بقيت وحدي لازمتهم
- شكو بيهة خليركصن وياج تعاي تعاي يلة كللللللللوووووش
جاملتهة ملاك بهلهولة
- كلللللللوووووش
ملاك*
حرجتني عمتي اضطريت اصعد المسرح اني وزعابيلي اقصد زعاطيطي فديتهم احلة عرايس خمستهن لبستهن بدلات يخبلن ركصت ركص ذبيت لحم وياي نغم وعمتي والعرايس بعدين بدو يصعدون المسرح نسوان اقارب والخالات والعمات صارت هوسة عل مسرح واكفة اني ومسوية شدة ياورد وية بناتي التوائم الاربعة بس نهاية يم امي كعدتهة زغيرة اقل السنة عمرهة
واني مندمجة اركص بناتي مااحس الة دفعة قوية وشي يوكع علية كلت صاروخ هاي هية حنموت وانجبح واوكع علة بناتي طلعت خالة العريس اخت عمتي شسمنهة جنهة عجل
سودة علية تاذن البنات واني انكرخت ايدي ورجلي والبنات يعيطن ويصرخن ونور سودة علية فرفحت وكعت علة حلكهة كام يصب دم شفت المنضر انتهيت اريد اكوم مااكدر اجو يتراكضون حمويني وعمار وعمتي نريد نشوف شنو الدم هذا ركضو بيهة للطوارئ مكدرت اروح اركض وراهم دخت ووكعت امي واخواني حارو بية لان عيالي حارو بنور والعرس تخربط والناس انخبصت
عمار*
شفت منضر نور انسطرت اخذتهة طلعت اركض بيهة واهلي يتراكضون وراي لان نور العزيزة بالبيت كلهم يحبوهة لوكية وحركاتهة وسوالفهة تخلي الواحد يحبهة لوكية كلش نور عمرهة خمسة ونص
وصلت للسيارة انتبهت كلهم وياي
هاي شلون والناس والمعازيم فشلة
- حيدر لاتجون انت وسامر عيب تعوفون العالم وابوية هم لايجي
- الحجي : شلون بوية اعوف نوراية مااجي وياهة
- بوية لتخاف اني ادزلكم خبر واطمنكم عنهة عيب من الناس شوف انخبصو وحيطلعون لاتخربون العرس ابقو
- يلة ابني لاتنسة طمنة
امشو حيدر وسامر عيب من الناس
رجعو الاب والولد دخلو القاعة وهدأو الناس
الحجي موبحال عرس فعجلهم
- يلة بوية خل نزفكم بعد اخذو عروساتكم وتوكلو علة الله
يلة شباب زفوهم
اجت الفرقة والشباب تهوس وتنب نبات واخذوهم وطلعو
ملاك*
اخذوني اهلي للبيت قبل طلعة الزفة لان تخربطت حارت بية امي اني وبناتي
وسن*
ملاك تخربطت متحملت منضر بتهة مدماية انوب ضليت حايرة هم هي وهم اربع بنات زغار مااسيطر وانوب نهاية زغيرة لازم نشيلهة ذبيتهة على سرمد وكلت لاحمد يمة شيل ملاك نوديهة بيتنة احسن واني احير بالبنات
وصلنة للبيت ارتاحينة وملاك سويتلهة عصير نومي وبرتقال شوي تحسنت
- يمة بنتي شلون اريد اروح مااكدر ابقة هنا
- يمة وين ترحين بعدهم مراجعين احمد دينتضر برة ومنعرف بيا مستشفى حتة نوديج بعدين انت ضهرج وايرج ياذوج هاي مدري كم كيلو همزين ماكسرتج
- اوف لاذكريني هسة هي شسمنهة وينهة وين الركص هسة منو عاتب عليهة
- يلة شي بعد صار قدر ومكتوب لاضلين تحجين
- لعد شلون مااعرف بتي شبيهة
- يمة صبري وادعيلهة دعاء ام مجاب
