البارت (19)
بقلمي جوري
في بيت وسن
سرمد : ولكم تدرون المن شفت
- منو شفت
- اشفت ياابني اكو غير هلناس الرايحة والجاية
- لا يوم شفت…
قاطعتة بنت ملاك ديمة:
- خالو اشجبتلنة وياك
- شجيبلكم خالو
- لا خالو حباب شنو بلعلاكة
- منو كال البلعلاكة الكم
- لا حباب ادري بيك جايبلنة
- هاهاها واثقة اجيبلكم يلة هاج العلاكة وزعي لخواتج وامج وبيبي
ملاك اخذي الكرزات ضميهم بليل نطلعهم
- ملاك: ياكرزات يا بطيخ هسة نريد نعرف المن شفت
- ها صدك نسيت غير شفت اسراء وامهة يفترن بلسوك وماهامهن شي والضحكة تارسة وجهة
- طبعا شتهتم كاعدة ابيت اهلهة وجهالهة مو يمهة
- سمعتهة تريد تشتري ملابس لحفلة عدهم
- اي عيني يحتفلون شكو عدهم
- ملاك: اوي شبيكم لعد تردوهة تكعد وتبجي خلوهة يم اهلهة يجوز اقاربهة عدهم الحفلة شتردون انتو
- وسن: هسة اني شكلت شعندي وياهة تريد تجي لبيتهة هلة بيهة
كمز ابن احمد :
-لا بيبي ماريد امي تضربني
- لا متضربك شحدهة ماخليهة انت تبقة يمي واخوك هم تبقون عندي
- اي بيبي انت حبابة احبج
- حبيبي الله يحبك يلة روح العب
دخل احمد كعد يمهم بدت ملاك تتكلم ويا :
- رجعهة لمرتك المشاكل موحلوة ولا تخلون شيطان يدخل بينكم ويفرقكم عن بعض
- اني ماعندي مانع بس اذا امي زعلانة ومتريدهة اني مستحيل اجيبهة اهم شي رضات امي
- يمة اني شعلية بيهة هي بيتهة وحد روح جيبهة انت خطية دااحسك متهجول ومامستقر خلتجي لبيتهة جهالهة يحتاجوهة
انتبهو لاحمد فرح وانتعش وكللهم اي اليوم اروح واجيبهة
وفعلا جابهة وخلاهة تعتذر من امة
ونزلت عليهة وباست ايديهة وتقبلت الاعتذار وسن ورضت عليهة لخاطر ابنهة لان تدري يحبهة وميكدر بدونهة بس لخاطرهة هيج سوة ضربهة وطردهة بس طول هل فترة تحسة ندمان وبس يريد اشارة منهة يروح يركض يجيبهة
وبلنسبة لاسراء موقف صعب تنزل وتبوس ايد عمتهة رغم هي غلطانة بس تستنكم تبوس ايدهة
الكاتبة(اني ممجربة لان معندي عمة متوفية قبل لا ازوج بس اسمع من البنات صديقاتي ومن الفيس يستنكفون يبوسون ايد عمتهم مااعرف السبب هي بمقام امهم اذا يستنكفون حتة من ايد امهم لعد هاي نفسية هههه)
بس هي كلش تحب زوجهة بس متعرف شلون تكسبة وتداري وتضهر حبهة بس الحب يبين من عيونهة
فمن اجة وجابهة وجبرهة تعتذر وافقت في سبيل يسامحهة وينسون ويطوون صفحة جديدة
🦋🦋🦋🦋🦋🦋🦋
عند نغم وطارق
نغم *
مشت الايام ونفس اتفاقنة اني وطارق اعتبرتة اخ وصديق وهو هكذا وحاولت انسي همومة وخيانة صديقة وحبيبتة وماتركتة ولا لحضة وكلي هذا سر محد غيرج يعرفة ماريد اهلي يشمتون بية علبو كتلت روحي عليهة تالي خانتني وية صديقي
وكتلة اطمأن اعتبر روحك ماحجيتلي
حسيتة هواي ارتاح من حجالي
داخل الغرفة اصدقاء واخوان بس خارج الغرفة نمثل زوجين
مر اسبوعين بدت عمتي تشمشم ودور ورانة وتنتبه لابسط الامور
وتجي تسالني:
- ام طارق: بنتي شو احس علاقتكم غريبة ليش من دخل طارق وانت دتنظفين نزلتي ثوبج وخجلتي
- هههه خالة اني طبيعتي اخجل حتة من جنت وية المرحوم هم شلعت كلبة بخجلي فكلشي تمام لتشيلين هم
