البارت (٥)
بقلمي جوري
ملاك *
اخذتني خالتج ام حيدر لارقى صالون ببغداد يرحولة بس الاغنياء وياي نغم اخت عمار خالتي بس نزلت وحجت وية الخبيرة وتعاملت وياهة وراحت بقينة اني ونغم تشتغل بية متقبل انطيهة رأيي بالشغل كلسع تسكتني وتكلي معليج اكمل كلش وشوفي اذا معجبج شسوي سلمتهة نفسي وسكتت حتة بعد ماشفت المراية عليمن اباوع شو متقبل اي انتقاد عابتلهة ضليت جوة ايديهة اربع ساعات يلة كملت بعد ما تعبت وطلعت روحي
- يلة بنتي كملت شوفي شكلج وتسريحتج
- يا صلاوات صدك كملنة خل اشوف باوعت انصدمت بشكلي غير شكل ماعرفت نفسي كتلهم بس لا عمار ينكر اني نفسي ملاك
- نغم: هههه خرب على تفكيرج صح متغير شكلج بس مو الى درجة ينكر زوجتة
- ها ماما عجبج ماعندج تعليق
- اي خالة عاشت ايدج كلش حلو شغلج
- نغم: خابرت امي تدزلنة احد لان عمار توة حيروح للحلاق مشغول جان
اجة عليهم سايقهم لان الولد كلهة مشغولة وداهم لبيت ام احمد وينتصرون الزفة تاخذهة من اهلهة للقاعة جانت ملاك اسعد انسانة واحلة عروس كلش مقتنعة ببدلتهة وشكلهة وعرسهة والضحكة مافاركتهة متدري اكو شي ينتضرهة ههههه
- ام حيدر: خيتي بما انو بنتج زغيرة وتحتاج احد وياهة عاد علمتيهة فهمتيهة حضرتيلهة لوازم الليلة
- اي غير مناشف وملابس نوم وقاط الابيض من تطلع من الفندق
- اقصد التحتاجة بالعملية ههه
- لا محضرت ماادري مااجة ببالي
- عزة شلون تنسين مامزوجة مامجربة
- والله مخبوصة ونسيت
- زين حاجيتيهة علمتيهة
- لا بس كتلهة تطيعة وتحترمة وتاخذ كلامة
- ياا ليش هيج يا وسن هسة اليوم تكلبهة مناحة وتخرب عليه اليلة ليش غير انت امهة وتفهميهة هسة لو ما تخجل مني جان حاجيتهة
- ديلة احلة شي العريس هو يعلم عروستة هسة احنة منو علمنة غير رجولتنة خليهة هي هم مثلنة
ضاجت ام حيدر دارت وجهة وراحت ودردم بداخلهة
بلة هاي شلون ام شكد فاهية
الله يعين ابني اليلة وتعدي على خير
بدة العرس وفيكات القاعة وتجمعو الناس والمعارف وحتفلو وصار الليل زفوهم لفندق شيراتون
- ام حيدر : نحجزلج غرفة باللفندق لو هم تكلين مااكدر وميحتاج
- وسن: اي واللة مااكدر الولد وحدهم وهي شكو عليهة زوجنة وياهة واي شي تحتاج اكو تليفون ارضي ويخابروني اجيهم
- اللهم طولج ياروح هسة الولد شكو تليهم خافي على بتج زغيرة ودتزوج وتحتاجج
مقبلت وسن تبقة استحت يحجزولهة كالت لو بيتهم بيهة مجال بس بالفندق زحمة
ومااكدر وحدي شكو عليهة اني واثقة من عمار ماياذيهة لان حنون وطيب وياهة ويراعيهة
عمار*
قبل لا تصير الزفة بقليل شاورتني امي كالتلي دير بالك عليهة ترةفلة وماتعرف شي ممعلميهة تفاجئت بالاول بس بعدين فرحت اكون اني الاول بحياتهة قطة مغمضة اخذهة وعلى ايدي
صاح الحجي
يلة شباب تعالو زفو صديقكم واخوكم طبعا ملاك نزلت البركع ولبست المغربي ودخلو الشباب يركصون وفرحانين بية وزفونة للفندق
ملاك*
دخلت للفندق واني كل لبالي انام تعبانة عبالي العرس بس حفلة وبدلة وصالون
تخبلت لكيت امي خالتلي ملابس ماتنلبس كلت هسة شلون البسهم وانوب عمار ينام بصفي والله اخجل كعدت ابجي هو بالحمام جان
سمعت صوت باب الحمام انفتح
عزة طلع واني بعدني ممبدلة
- ها ملاكي محتاجة شي اساعدج بشي خاف متكدرين افتحلج السحابة
جنت منطيتة ضهري وجاوبتة
- لا ميحتاج
- ملاكي شبي صوتج انت تبجين
- لا مبية شي لاتشيل هم
- شنو ماشيل هم وزوجتي تبجي غير اعرف السبب
اهنا انفتحت الجاعورة صارت كدامي صدك طفلة وتبجي ودموع تصب شلال
تقدمتلهة خايف
- ملاكي متوجعة بيج شي
- لا بس ماما مخالتلي هدوم بس هاي واريد ابدل وانام هسة شلبس
باوعت للهدوم لكيتة سيت الابيض هنا افتهمت هي صدم ماتعرف شي وخجلانة تريد تلبسلي جادر وتنام
جاوبتهة :
- وليش هلبجي ياروحي لبسي هذا واني اغمض ماباوع
- ما مااصدك واذا فتحت عيونك
- مو حنطفي الضوة وتصير ضلمة بعد كلشي ميبين
- اهئ هئ
- هسة ليش تبجين اني زوجج المفروض متخجلين مني اني وياج صرنة جسدين بروح وحدة يعني انت روحي واني روحج لا تخجلين مني ولا اخجل منج
- مااكدر انت جديد علية اني من اهلي اخجي
- حقج بس اني اختلف عنهم يلة حبي اطفي الضوة وابدلج بيدي واحضنط وننام
قبل لا تحجي وترفض بسرعة البرق طفيت الضوة ودرتهة فكيت السحاب ولبستهة وشلتهة للسرير ونيمتهة بحضني مثل الطفلة لابدة بصدري
ضليت احجي وياهة لمن غفت واني بقيت صافن عليهة ماجاني نوم ورة ساعتين اخذتهة بحب وحنان وصارت زوجتي شرعا وقانونا😎
(ههه ختمتهة متابعاتي تعرفوني استحؤ مااحجي بالتفصيل بعد انتو فهموهة بحب وحنان وووو)
ملاك كعدت الصبح ضوة من الستارة بعيني خلاني اكعد انتبهت لنفسر دون ملابس واذكرت ليلة امس خجلت وخدودي حومرت باوعتة بصفي بس الضاهر كاعد وصافن علية يتانيني
غطيت وجتي بالشرشف مااكدر اباوع بوجهة ياربي شلون بية
سمعت ضحكتة ويريد يوخر الشرشف واني متمسكة بي
- شلون يعني وتالي وياج يعني بعد كلمرة هيط ندخل بكرب
هنا انصدمت ونسيت نفسي وخرت الشرشف
- ليش يعني الصار البارحة حيتكرر😢😥
- اي لعد المن مزوجين احنة
- اهئ اهئ رجعني لاهلي بطلت مااريد طلع موحلو الزواج عبالي بس حفلة وخلصنة اهئ اهى وين امي ليش عافتني
- فضحتينة سكتي لاتخافين مايتكرر البارحة يلة ملاكي انت بطلة كومي حيجون يجيبون الريوك لبسيلج شي
يتبع....
عذروني هذا الكدرت عليه جويسظ اليوم كاعد مطلع وكلسع مصخرني ومن يمي مااعرف اكتب
