نرجس

نرجس البارت الثاني

          
يدخل وليد الى البيت مسرعا للينظر الى تلك الغرفه المشئومه
ليقف مذهولا مما راى عمه واقفا ويديه ملطخه بدماء ووزوجه عمه تبكي وتنوح ونرجس ممدده على الارض مغطاه بدماء
وليد مرتعبا وملبكا : عمي هاي شكو وشبيهه نرجس
فيركض باتجاه نرجس وزوجه عمه لليضع يده على رقبتها لليحس بنبض نرجس هل هي على قيد الحياة ام ميته فإذا كانت المفاجأة انها على قيد الحياة بعد كل هذا الضرب المبرح وتلك اللكمات القويه مازال قلبها ينبض
فيقوم بحملها بسرعه ويذهب بها إلى المشفى
(بعد مرور أسبوع من الحادثه )
الباب تدق تقوم ام نرجس بفتح الباب فإذا بها ترى الست هدى قد جاءت
الست هدى : السلام عليكم ام نرجس اشلونج
الام ترد ببرود : وعليكم السلام هله ست هدى تفضلي
الست هدى : شبيج خيه شو مو على بعضج
الام : والله يااخيه شحجيلج بنتي رادت تروح مني ومن ورا دراستها
الست هدى منصدمه : اشلون احجيلي صار خو ما بيه شي نرجس
الام : يوم الي اجيتي وكلتي راح احجي وي ابوها اجه للبيت وكتلها وخله دمه سايح بلكع ولو مالطف الله جان ماتت واترجاج ياست  بعد موضوع الدراسه لاتفتحي خلص هي البت هم بعد مااترضى تدرس
الست هدى : تمام تمام بس خلشوفها واطلع
تدخل الست هدى الى غرفه نرجس
نرجس ممده على سرير ورأسها ملفوف بضماد ابيض ووجها متورم ولونه ازرق بعد ما كان وجهها ناصع البياض ومبتسم وخديها عباره عن مصنع للاجبان والقيمر أصبح حالها يورثى له
الست هدى تنظر لها ولا تستطيع الكلام وعيناها قد غطت بدموع
نرجس : هله ست هدى اشلونج شوفي حالي اشلون صار جسمي كله يوجعني ووجهي مااحس بي
بعد هذا الكلام الست هدى لا تتمالك نفسها فتبكي
الست هدى باكيه : اني كلش اسفه يروحي بسببي صار بيج هيج سامحيني بنيتي
نرجس : لا ست هاي قسمتي ونصيبي بعد
الست هدى : بس وعد عليه منا ليوم الدين راح اخذ حقج ومراح اتركج وهسه اشوفين
الام : يالله ست اتفضلي روحي قبل لا يجي ابوها ومابينه حيل المشاكل
الست هدى جالسه في بيتها أمامها  مائده وكوب شاي وتفكر في كيفيه إنقاذ نرجس بعد ماحدث لها فتقوم بلاتصال
الست هدى : السلام عليكم مرحبا استاذ جميل شخبارك
الاستاذ جميل : وعليكم السلام اهلا ست هدى الحمدلله اليوم منين طلعت الشمس وذكرتينه
الست هدى (ضاحكه): حقك عليه بس تعرف مشاغل الدوام والطالبات ماخذين كل وقتي
الاستاذ جميل : لا بهاي حقج اهم شي عملج واخلاصج اله
الست هدى : عدي موضوع وياك مهم وكلت بس استاذ جميل يكدر يحله
الاستاذ جميل: اي تدللين صدك جذب اذا اكدر عليه اسوي بس شنو الموضوع ؟
الست هدى : مو مال تلفون خل نلتقي واشرحلك بتفصيل
الاستاذ جميل : ماشي شوكت ميعجبج اني حاضر
الست هدى : ماشي انتظر مني خبر , سلام
نرجس تتمشى في البيت ووالدتها تعمل في المطبخ يدخل الاب حاملا بيده اكياس خضار قد جلبها معه
الاب : نرجس تعاي اخذي الاجياس مني وديهن لامج  ومن تخلصين تعاي للغرفتي ارد احجي وياج
نرجس : حاضر يابه
تدخل نرجس الى غرفه ابيها وفي عقلها تتساءل ماذا يريد ابي
تقف نرجس أمامه
الاب : تعاي كعدي بصفي
فتقوم بجلوس بلقرب منه
الاب : اني صحيح اذيتج وضربتج وردت تموتين بسببي بس كل هذا في سبيل مصلحتج
نرجس : انته ابوي وشتريد اسوي بيه سوي حتى لو تكطعني وصله وصله
الاب : يعني افهم منج انو بعد مطالبين بدراستج
نرجس : لا يابه خلص هاهيه موضوع قديم صار وإني اسفه لان اجاوزت على عمي واريد منك تطلب منه السماح
الاب : ماشي اني احجي ويا واخليج اطيحين عليه وتبوسي اخويه هم كلبه جبير ويسامح
فيقوم بتقبيل نرجس من راسها وتغادر الى غرفتها وتبكي بدموع غزيره لان كل ما قالته لابيها مجرد كلام وفي داخلها إصرار على تحقيق ماتحلم إليه لكن هل من منقذ لينقذها ويجعل لها كيانها وشخصيتها الخاصه ام تبقى على ماهي عليه.

(الباب يدق)
استاذ جميل : اتفضل
تدخل عليه الست هدى والابتسامه تعلو محياها ينهض استاذ جميل من كرسيه
( استاذ جميل : مشرف تربوي يعمل في مديريه التربيه وله علاقات واسعه في التربيه وانسان نزيه ومثقف ومتواضع )
استاذ جميل : اهلا وسهلا بست هدى لو ماعندج موضوع ويايه جان ماشفتج
الست هدى (محرجه) : لا تكول هيج حطلعني مصلحجيه بس وداعتك ضروف هواي عندي ومشاغل
الاستاذ جميل (ضاحكا) : لا لا اشاقه وياج اتفضلي استريحي
ششربين ست هدى
الست هدى : جاي
يتصل على عامل الشاي
الأستاذ جميل : أي ست هدى شنو الموضوع المهم الي ترديني بي
الست هدى : اكو طالبه عندي شاطره ومتفوقه دائما بكل المراحل الي درستها
استاذ جميل : أي
الست هدى: فا من وصلت للسادس وبنهايه الامتحانات الفصل الاول صارت وياها مشكله وي اهلها او بالأحرى وي ابوها
الاستاذ جميل: شنو هاي مشكله
الست هدى : ابوها ميريدها تكمل دراستها ورحت وحاجيته كتله لو بس هاي سنه تكملها فكال لا ولمن رجع للبيت ضربها ورادت تموت جوا أيده لو لا لطف الله عليها
الاستاذ جميل (متأثرا): لا حول ولا قوه الا بالله
( الباب يدق )
يدخل عامل الشاي ويقدمه
الاستاذ جميل : أي كملي ست
الست هدى : فااني اريد اساعدها وبما انو هي بعد مداوم واكيد راح تنفصل فحبيت اطلب مساعدتك
الاستاذ جميل : يعني قصدج انو بس تمتحن بدون دوام
الست هدى : أي بلضبط وياريت تحجي ويا المديره بهذا الموضوع
الاستاذ جميل : اني حاضر وتومريني أمر بس البنيه تكدر تمتحن يعني تكدر تكسر كلام اهلها وهل ممكن توافق
الست هدى : اني متاكده ميه بالميه توافق لان اعرفها متستسلم ابد
الاستاذ جميل : طبعا متستسلم اذا درست على ايدج ومثل ماجنه انسميج بأيام الجامعه المراه الحديديه
الست هدى (ضاحكه): أي ايام ذيج ومااترجع
الاستاذ جميل : بس شعجب بعد ماازوجتي ورا ماتوفى زوجج
الست هدى : والله بعد عمر مامات ماتوا كل الرجال بعيني
الاستاذ جميل : الله يرحمه ويجعل مثواه الجنه
الست هدى : يالله اني اترخص  وانتظر منك خبر
الاستاذ جميل : انشاء الله ,سلام
(بعد مرور شهر )
نرجس تتمشى على ضفاف نهر مرتديأ العباءه وحامله بيدها كيس من الفاكهة تأتي سياره من خلفها وتسمع صوت بوق السياره يدق وبشكل متواصل وتستمر في المشي فتبعتد الى الجانب الآخر من الضفه ولكن مازالت السياره تلاحقها وبوق السياره يدق فتشعر بخطر كبير هل هناك شخص يضايقني فتقف ثم تلتف نحو السائق
نرجس : انته ليش متستحي تركض ورايه
بعد هذه الجمله التي قالتها تقف نرجس مندهشه فيما رأت داخل السياره .

             نهايه البارت الثاني