البارت الثالث عشر
نرجس ( متوسله ): الله يخليك عوفني اروح ابوس ايدك
الرجل : امشي ويايه ولا شلعين قلبي اتحركي
نرجس ( تبدأ بصراخ): ياااناس ساعدوني يريدون يخطفوني
ثم يقوم بضربها على رأسها بلمسدس فتسقط على الأرض فاقده الوعي يقوم بحملها ويذهب بها إلى السياره
بعد انتهاء الحفله تعود ام فراس مع بناتها الى بيت وعناصر الشرطه تراقب البيت
تدخل ام فراس وبناتها الى البيت
ام فراس : سعودي سعد وينك
ناديه : يمه شو سعد ماكو
ام فراس : ماادري خل اتصل بي
تقوم بالاتصال واذا بهاتفه يرن داخل البيت في هذه اللحظه تدخل الشرطه الى البيت وتلقي القبض على ام فراس وبناتها
في السيارة نرجس متمدده بعد أن اغمت عليها ومعها فتيات تقوم إحدى الفتيات بضربها على خدها لكي تستيقظ
نرجس تستيقظ قائله: اني وين وانتوا منو
إحدى فتيات : ماادري بس أحنه داخل شاحنه وانتي من جابوج جنتي نايمه
نرجس ( ماسكه راسها من الخلف): لا بس صيحت وضربوني على راسي
إحدى الفتيات : انتي هم مخطوفه ؟
نرجس : لا بس باعوني ليش انتن مخطوفات ؟
إحدى الفتيات : أي اني خطفوني اول مطلعت من الجامعه
تقف السياره ويقوم شخص بفتح الباب لليصعد بجانب الفتيات قائلا: اسمعن راح تجينه سيطره للكدام مااريد ولا صوت والا اقتلجن افتهمتن
في مركز الشرطة تجلس ست هدى مع الاستاذ جميل وبوجود ام فراس وبناتها وكذلك سعد
النقيب حسام : البنيه الي جانت يمج وين وديتيها
ام فراس : مااعدي بنيه غير بناتي ذني
النقيب حسام : لعد شسوي الجنطه مال نرجس يمج
ام فراس : لكيتها بشارع
ست هدى : سمعيني عيني كولي البنيه وين خطيه بعدها صغيره وشتردين اني حاضره
ام فراس : كتلكم مااعندي بنيه غير بناتي ذني
النقيب حسام : ماشاءالله ومشغله بناتج وياج ونعم التربيه والأخلاق
ام فراس : نريد نعيش لعد شنسوي
النقيب حسام : يااشرطي تعال اخذهم للحجز
ست هدى : هسه شنسوي لازم تعترف وتكول نرجس وين
النقيب حسام : روحوا انتو ارتاحوا وإني خلال ساعه اخابركم وانطيكم النتيجه
ست هدى : ماشي
الشاحنه التي توجد بداخلها نرجس والفتيات محمله بالبضائع لكن داخلها توجد الفتيات ( يعني بس لليكدام اكو بضائع بس بلاخير ماكو بس حاطين البنات يعني خافيهن )
تقف عند السيطرة
السائق : السلام عليكم
الشرطي : وعليكم السلام ، منين جيتك
السائق : من بغداد
الشرطي : ووين رايح
السائق : للبصره محمل بضاعه
الشرطي : انطيني اوراق السياره
ثم ينادي احد الأشخاص بتفتيش الشاحنه ليقوم بتفتيشها فلا يرى اي شئ سوى البضائع والبنات في داخل الشاحنه يتراجفنه من الخوف
في مركز الشرطة يجلس النقيب حسام وأمامه ليلى يحقق معها
النقيب حسام : ليلى اذا عترفتي وين نرجس وعد عليه مااخليج دقيقه بسجن واخليج شاهد سري ولج امتيازات خاصه
ليلى : سيدي منعرف وحده بهيج اسم
النقيب حسام : لعد جنطتها شسوي بلبيت اضافه الى ملابسها
ليلى : مااعرف
النقيب حسام : ليلى اعرف بيج خايفه بس اذا مااعترفتي هسه ترى راح تنحكمين اقل شي ١٥ سنه بتهمه دعاره وخطف واحتمال وياها تجاره بنات اني صحتج لان انتي اصغر وحده وبعمر نرجس وخطيه البنيه تدرين طالعه الاولى على العراق
ليلى : صدك طالعه اولى على العراق ؟
النقيب حسام : أي فااعترفي وكولي وين حتى نعرف اجيبها وانتي تاخذين إطلاق سراح
ليلى : وامي وخواتي اشلون بيهن
النقيب حسام : امج وخواتج ماقبلن يعترفن وانتي فرصتج الذهبيه هاي اذا اعترفتي راح طلعين من هاي الباب والج امتيازات ويمكن يكرموج بمبلغ مالي
ليلى : خلص راح اعترف على كلشي بس لا دكولون لامي وخواتي اني اعترفت لان عدها ناس بره تقتلني
النقيب حسام : كتلج لاتخافين وراح نحميج
تعترف ليلى بكل شي فيقوم النقيب حسام بااصدار حاله طارئه في المركز ويذهب مع وحدات الشرطه وكذلك الاستخبارات ومعهم ليلى الى المكان الذي أخذوا نرجس له
النقيب حسام يتصل بست هدى قائلا: مرحبا ست هدى كدرنه نحصل معلومات على وجود نرجس وحاليا رايحين للمكان
الست هدى : صدك ياارب الف شكر
النقيب حسام : أن شاءالله خير ,سلام
يصلون الى المكان الذي يوجد فيه البيت يلقون القبض على عدد من الأشخاص وهروب الشخصيات الموجوده في البيت
النقيب حسام يقف أمام أحد الأشخاص المعتقلين قائلا: شفت هاي البنيه
الشخص : أي شفتها
النقيب حسام : وينها
الشخص : اخذوها بشاحنه هي وبنات وراح يهربون للخارج
النقيب حسام : هذا الي جنت خايف منه , مفوض سرمد اتصل بجميع السيطرات خلي يوقفون اي شاحنه تجيهم وعممها على كل المحافظات
تم تعميم الخبر على كل السيطرات الموجوده في العراق وبلفعل تم ايقاف مئات الشاحنات
ست هدى تتصل بنقيب حسام : بشر سياده النقيب لكيت نرجس
النقيب حسام : للاسف ماخذيها هي وبنات تهريب للخارج لكن خبرنه كل السيطرات وان شاء الله نلكيها هي والبنات الي وياها
ست هدى : أن شاءالله
نرجس جالسه في الشاحنه وتنظر إلى الشخص الموجود معهم وهو حامل سلاح
الشخص : شبيج تباوعين عليه
نرجس : لو اختك موجوده بهيج موقف جان سويت
الشخص : مااعندي خوات الحمدلله
نرجس : زين اعتبرنه خواتك أحنه وخلصنه
الشخص : ماكو خلاص منا لمن تعبرن الحدود افتهمتي وسدي حلكج وكافي لغوه
في بيت خالد ( عم نرجس) حيث وجود والدها المشلول تدق الباب يخرج جعفر ليرى من الطارق فيفتح الباب فلا يجد أحد
لكن هناك ورقه مرميه على الأرض فيقوم جعفر بالتقاطها فيرى المكتوب في الورق
جعفر : الشخص الي قتل اخوك ( وليد) هو مكي !!!!
يبقى صامتا وواقفا
في الشاحنه تجلس حيث وجود نرجس خطرت في عقلها فكره اقتربت من احدى البنات قائله : جتني فكره نكدر نشرد منا
الفتاه : مو اخاف يقتلنه
نرجس : جذب ميسونه شي لان اني بايعيين بالفين دولار واذا قتلوا اي وحده من عدنه راح اصيرلهم مشاكل
الفتاه : زين شراح اسوين
نرجس : سمعي اتفقي وي البنات سوي روحج اتمرضتي أو بطنج وجعتج و من يجي يمج أحنه نجفت عليه وناخذه سلاحه
الفتاه : ماشي
تقوم الفتاه ونرجس بأخبار البنات عن الخطه والشخص المسلح مشغول في جهازه النقال ثم يسمع صراخ
الفتاه : اخ بطني لحكوني راح اموت
يجتمعن حولها الفتيات فياتي الشخص المسلح
الشخص المسلح : وخرن وخرن خلشوفها
فيقترب منها محنيا الظهر واذا بفتيات يلتفن حوله فتقوم نرجس بعض يده وااخذ السلاح
نهايه البارت الثالث عشر
أنت تقرأ
نرجس
Misterio / Suspensoقصه كفاح وصمود تحارب فتاه ريفيه من أجل مستقبلها واحلامها في ضل معارضه الأشخاص حولها فهل ستنتصر ام تهزم
