البارت الخامس عشر
بعد ذهاب ست هدى بدأت نرجس تتنفس الامل وانقضاء همها وحزنها وكانها تعلم بأن هناك حياه اخرى تنتظرها
يدخل مكي إلى المشفى ويسئل عن نرجس ويعلم بمكان وجودها يذهب إلى غرفتها يقف عند الباب ينظر إليها وإلى شعرها الاسود الناعم والى تلك الشفتيين الورديتين يقف أمامها ووجهه مبتسم وبعدها نرجس تدير راسها باتجاه الباب لتنهض مرتبكه قائله : مكي
مكي : نرجس
نرجس : شعندك هنا
مكي : جنت ادور عليج والحمدلله لكيتج وراح ارجعج للقريه ابوج محتاجج
نرجس : امشي اطلع لا اريد ارجع ولا اريد اشوف ابويه
مكي : ابوج مشلول ويم بيت عمج خالد كاعد
نرجس : ليش وامي وين
مكي : امج ماتت
نرجس : شنو شتدكول انته شنو ماتت
مكي : أي للاسف ماتت وابوج هو الي قتلها وخالج من درى صوب ابوج وانشل
نرجس : لا لا مااصدك اكيد انته جذب عليه امشي اطلع برا برااا
تدخل ست هدى إلى الغرفه
ست هدى : انته منو
نرجس : صدك ست ابويه قتل امي
ست هدى : لا بنتي ماكو هيج حجي منو كلج
نرجس : هذا مكي
مكي : أي ابوها قتل امها وحتى جعفر جاي يدور على القاتل الي قتل وليد وهل مااجه ايدور عليج وإني اطوعت ابداله
نرجس : ست حاجيني وكليلي صدك
ست هدى تنزل راسها ثم ترفعه وتنظر إلى نرجس قائله: أي صدك
نرجس : ليش جذبتي عليه وكلتي اهلج بخير
ست هدى: مو اني شفت حالتج ومااردت اكلج هسه كلت خليها بعدين
نرجس تتهستر وتبدأ بصراخ ونوح وتلطم على وجهها : يبو يبو يبو امي ماتت كله من ورايه اني السبب اني موتت امي بيدي اني يتمت يعني بعد مااشوف امي ولا اكدر احاجيها ولا اكدر اتعارك وياها ولا اكدر انام بحظنها سوده بوجهي
تمسك بها الست هدى محاوله للتهدئتها لكنها لا تستجيب فتاتي ممرضه للتعطيها ابره مهدئ وعلى إثرها تنام
ست هدى ( مخاطبه مكي): امشي اطلع بره لو اصيح الشرطه عليك اطلع
مكي : طالع اني بس راح نتقابل من جديد
يخرج مكي من المشفى ويتصل بنوفل : اشلونك نوفل اشلون صار الوالد
نوفل : هله مكي الحمدلله بشر لكيتها لنرجس
مكي : أي لكيتها بلمستشفى مصوبه جانت عصابه خاطفتها
نوفل : عصابه ؟
مكي : أي وكله للجعفر خلي يجيني حتى ناخذها لان اكو مره وياها متخليها ترجع للقريه
نوفل : ماشي ماشي هسه اروح للجعفر وأكله ،سلام
مكي يتكلم مع نفسه :( بعدج ماشفتي شي يانرجس اني انطرد بسيطه )
جعفر في الارض يعمل يأتي إليه نوفل مسرعا
نوفل : مكي لكه نرجس وهسه هيه بلمستشفى
جعفر : شبيها بلمستشفى
نوفل : خاطفتها عصابه وهي حاليا مصوبه ومال خلي يجي جعفر
جعفر : ماشي هسه اروحله
يذهب الى البيت يلتقي بعمه ( مزاحم اب نرجس)
جعفر : البشاره عمي لكو نرجس
مزاحم : صدك ابني وين هيه هسه
جعفر : بخير هسه راح ابدل واروحلها مكي منتظرني
مزاحم : الف حمد وشكر ياربي بنتي بعدهي بخير
في المشفى تستيقظ نرجس وست هدى بجانبها تجلس
نرجس ( باكيه) : ست امي ماتت
ست هدى (متاثره): الله يرحمها ومثواها الجنه ان شاء الله
نرجس : من وراي ماتت اني السبب
ست هدى: لا تكولين هيج هذا قدر ربج
نرجس : جانت رافضه فكره اكمل الدراسه بدون علم ابويه بس اني سويتلي زعله عليها واجتي ساعدتني لو مامفكره جان امي بعدهي عايشه وكدام عيني بعد بحضن منو انام والمن اشكي
ست هدى : لا حول ولا قوه الا بالله كافي بنتي كطعتي قلبي اني موجوده يمج وماراح اعوفج
نرجس : بس انتي مراح تعوضيلي امي
ست هدى: صحيح بس راح اصير مثلها وبعدين هسه امج اكيد فرحانه بيج لان رفعتي راسها وتلكيها كاعده تتباهى بيج يم الباري عز وجل
نرجس : تدرين قبل شجنت اتمنى
ست هدى : شنو
نرجس : جنت اتمنى استاذ جميل يصير ابويه يعوضني عن الاب القاسي الي دمر حياتي وقتل امي
ست هدى: يابنتي محد يكدر يختار أهله هاي قسمتج بدنيا وارضي بيها وبعدين هلشوفين شويه شويه جاي تفرج عليج وبديتي صيرين قويه وتعتمدين على نفسج
نرجس : بس اني لازم ارجع للقريه
ست هدى : لا مترجعين ضلي اهنا يمي لاتتوقعين اعوفج بعد سوولج شي
نرجس : ميسوون شي بعد الي سوو أكثر اثنين احبهم راحو من حياتي اتمنى اموت اليوم قبل بأجر
ست هدى : هذا الحجي ميصير شنو موت انفتحلج طريق كدامج كله نجاح وتفائل وامل لتحاولين سدي بيدج صيري اكثر وعي وبعدي عنج الأفكار السوداويه
نرجس : بس لازم ارجع للقريه ارد اوجه ابويه
ست هدى : ماشي رجعي بس مو وحدج اني وياج ورجلي على رجلج ومنضل هناك هواي كلها يوم ويومين وترجعين ويايه وإني راح اتكفلج من اهلج
نرجس : هاهيه متفقين
تقوم ست هدى بمسح دموع نرجس وتقبيلها من راسها
يصل جعفر الى المشفى ويلتقي بمكي بعد أداء السلام
جعفر : وين نرجس
مكي : امشي ويايه
يدخلان معا الى المشفى ويصلان الى الغرفه التي ترقد بها نرجس
جعفر ومكي يدخلان داخل الغرفه
جعفر : سلام عليكم
نرجس : جعفر
جعفر : اشلونج بت عمي منو سوي بيج هيج
نرجس : عصابه خطفتني وقاومتهم واصوبت بأجر اطلع أن شاءالله
جعفر : معافى أن شاءالله جيت اخذج ويايه للقريه
نرجس : اهااا جيت تأخذني
ست هدى : ميحتاج بأجر اني اخذها ونروح
جعفر : ليش انتي منو
نرجس : هاي بدال امي الي قتلتوها
جعفر : اولا مااقتلناها وإني وابويه مالنا علاقه ابوج هو الي قتلها
نرجس : اصلا ابوك هو رأس المشكلة وهو الي يحرض ابويه عليه وعلى امي وحان واكف ويباوعنه من ابويه كتلنه اني وامي لسه نظرات الحقد الي جان يباوع بيها علينه ابالي ولا راح اسامحه لا هو ولا ابويه
جعفر : نرجس احجي عدل ترى انتي دتحجين على ابويه كدامي وميحوز هيج وبعدين انتي الي ضحكتي على ابوج وبسببج مات وليد
نرجس : بسببي مات وليد ماشي زين لكيته للقاتل اخوك لا
جعفر : عن قريب راح أعرفه مابقه شي والا اقتله بيدي
مكي واقف ويستمع الى حوارهم وعندما سمع جواب جعفر بدأ يقلق
ست هدى : جيتكم لهنا خاليه روحوا وباجر راح نجي اني ونرجس للقريه
جعفر : بس اني مااروح الا جايب نرجس بيدي
ست هدى : أي معناها شوفولكم مكان ضلوا بي لان الدكتور بأجر يطلعها
مكي : يالله جعفر امشي عدي مكان انبات بي وباجر ناخذ نرجس ونرجع للقريه
جعفر و مكي يغادران المشفى
نرجس : سمعتي حجي جعفر اشلونه مو ولسه يلوموني ومن اكلج اني السبب مصدكيني
ست هدى : نرجوسه حبيبتي كل شخص يريدله حجه على واحد يسوي شماعه يعلك بيها اخطاء عليه وانتي مااخطئتي سويتي الصح بس همه الي خطئوا ومالج اي ذنب
نرجس : خلي يجي بأجر والله كريم
مكي وجعفر يتبادلان الحديث في الشقه
مكي : منو هذا الشخص الي قتل وليد
جعفر : مااكدر اكلك عليه لأن معروف بلقريه والي اتاكد يالله
مكي : زين اكدر اساعدك اذا تريد
جعفر : لا مشكور وكفتك ويانه حتى دور على نرجس كافيه
مكي : انتوا اهلي ومن ديرتي وغصبا عليه والي يصير بيكم يصير بيه
جعفر : كفو منك ومن شاربك
في صباح اليوم التالي ست هدى تحضر أغراض نرجس للتستعد للذهاب إلى القريه وبحضور مكي وجعفر بعد الإنتهاء من التحضير يغادرون المشفى متوجهين إلى القريه
نهاية البارت الخامس عشر
أنت تقرأ
نرجس
Misterio / Suspensoقصه كفاح وصمود تحارب فتاه ريفيه من أجل مستقبلها واحلامها في ضل معارضه الأشخاص حولها فهل ستنتصر ام تهزم
