البارت العشرون
يقوم مكي بفتح الورقه ويقرا المكتوب فيها ( اني الشخص الي نوفل خلاني اكتب الرساله وادزها للجعفر رقبتك بيدي ، سلام)
مكي ( يخاطب الصبي ): عمو منو انطاكياها هاي
الطفل : واحد ملثم كلي انطيه للمكي وراح
مكي : هاا شكرا عمو
مكي ( يتكلم مع نفسه): منو هذا ؟
( في المدينه )
جميع الطلاب في المرحله الاولى يستعدون لقيام بحفله تعارف البعض يحضر البالونات والبعض يرتب الحلويات والبعض يقوم بتزين القاعه كل هذا بدون مشاركه نرجس
نرجس تجلس وحيده في مكان ما في الجامعه فاتحه الكتاب وتقرا تاتي إليها زينب قائله : شو كاعده وحدج مدخلين جوا بلقاعه ديحضرون للحفله التعارف
نرجس : اليوم تعبانه مابيه حيل وهيج أجواء صاخبه ماارتاح بيها هو اليوم ماكو محاضرات
زينب : لا ماكو
نرجس : خوش لعد ارجع للبيت
زينب : نرجس شبيج هاي ترى هي مره بلعمر اصير امشي ويايه حتلو بس كعدي كلشي لاسوين
نرجس : جبروني اعرف عن نفسي اشلون
زينب : لا ماكو هيج شي يالله كومي ويايه
تذهبان معا ويدخلان القاعه واصوات الدي جي الصاخبه تعم المكان
يبدأ عريف الحفل بتقديم نفسه للطلاب مع وجود رئيس القسم وكذلك الاساتذه التدريسين بعد الانتهاء يخرج رئيس القسم ومعه الاساتذه ويبقى الطلاب وحدهم
عريف الحفل : واول طالب ويانه اليوم حب يعرف عن نفسه هو ايمن
يصعد ايمن الى المنصه ينظر إلى الطلاب ويرى نرجس جالسه
ايمن : السلام عليكم ، اني اسمي ايمن عمري ٢٠ سنه وتاخرت هواي بدراستي لكن المهم حققت الي جنت اتمنى
وتتواله عليه الاسئله وهو يجيب وينظر إلى عيني نرجس
أحد الطلاب : هم معجب ببنيه من القسم
ايمن ينظر إلى نرجس قائلا : لا ماممعجب بس عاشق للعينيها ولابتسامتها ولصفاء ونقاء قلبها
صوت صفير وتصفيق بعد كلامه هذا ونرجس تصاب بصدمه وحمرار وجنتيها للتنزل راسها ولكن هناك خفقان في قلبها بدأ يظهر
( في القريه )
مكي يجتمع مع أحد التربويين في القريه ليعرف منه الأشخاص الذين يعرفون القراءة والكتابة
مكي : استاذ اني جايك بموضوع مهم وفكره كلش حلوه تستفاد الناس منها
الاستاذ : اي اتفضل اسمعك
مكي : اريد اسماء الاشخاص الي يعرفون القراءة والكتابة حتى نبني مدرسه صغيره نعلم بيها الناس الي متعرف تقرا وتكتب ولو شي بسيط
الاستاذ : والله يامكي خوش فكره هاي ، راح انطيك اسماء الاشخاص الي بلقريه الي اعرفهم طبعا بلكي يفيدوك بمشروعك
مكي : اي والله اسوي عليك زحمه استاذ
الاستاذ : لا كل زحمه ماكو
يبدأ بكتابه اسماء الاشخاص فردا فردا في ورقه ويعطيها للمكي
مكي : شكرا الك مره ثانيه
يبدأ مكي بلبحث عن هولاء الأشخاص وعلاقتهم مع نوفل التقى بهم جميعا وكانت ردودهم طبيعيه ماعدا واحد لم يكن موجودا آنذاك وكانت له صله مع نوفل
مكي : السلام عليكم ابوعلي اشلونك ، علي شو ماكو محتاجه بشغله
ابو علي : يااهله وميت هله ، راح يودي امه للمستشفى اشويه مالها خلك
مكي : اهااا خير ان شاء الله مشوف شر، راح انتظره لعد
ابو علي : تفضل جوا كل الهلا بيك
أنت تقرأ
نرجس
Misterio / Suspensoقصه كفاح وصمود تحارب فتاه ريفيه من أجل مستقبلها واحلامها في ضل معارضه الأشخاص حولها فهل ستنتصر ام تهزم
