نرجس

نرجس البارت التاسع

                          البارت التاسع

في هذه الأثناء تدخل الخاله ام فراس الى البيت وبصحبتها شخص غريب تنظر الى نرجس وهي جالسه من بعيد
الخاله ام فراس: شوف ذيج البنيه الي كتلك عليها بس ترى بعدهي صغيره
الشخص الغريب : هو المطلوب شتحجين انتي صغيره وحلوه من وراها راح نربح ذهب

في مشفى القريه يقف كل من جعفر وأبيه خالد يأتي الدكتور
جعفر : هااا دكتور بشر
الدكتور : الحمدلله اخرجنه الرصاصه لكن اكو شي لازم تعرفوا
جعفر: خير دكتور شنو
الدكتور: للاسف المصاب ميكدر يمشي بعد لان الرصاصه ضربت أحد الفقرات بلعمود الفقري مما تسبب الى شلل
خالد ( منصدم) : يعني اخويه بعد ميكدر يمشي
الدكتور : للاسف ميكدر
جعفر مخاطبا ابيه بعد ذهاب الدكتور : يأبه أحنه شمسوين بدنيا حتى المصايب تجي وحده ورا الثانيه
خالد ( ابو وليد) : يجي يوم وتنحل كل المشاكل بس الاهم لازم نعرف منو قاتل وليد

مكي ونوفل يتجولان في القريه بعدما خططوا ونفذوا ماارادو لكن الخطه بقت ناقصه ولم تكتمل وهي نرجس
نوفل : بما انو نرجس شردت للمدينه ليش منروح ندور عليها ونجيبها ونطلع بوجي ابيض وانته تزوجها
مكي : اني هم فكرت هيج بس برائيك ابوي يقبل
نوفل : حاجي وشوف شنو جوابه وإذا ماقبل نروح للعمها خالد
مكي ( مرتبكا): هاااا عمها
نوفل : هاي شبيك قابل هو يدري انته الي قتلت ابنه
مكي : شنو بس اني قتلته انته مو ويايه
نوفل : أي وياك بس اذا ضل هيج بهذا خوفك راح يشكون خليك طبيعي حتى نرجس تصير الك شبيك
مكي : بس تجي ويايه حتى احجي وي ابوي
نوفل : ماشي وياك وماعوفك انته اخويه

في بيت الخاله ام فراس تواجه نرجس مصيرها المجهول تدخل ام فراس وشخص معها
ام فراس: صباح الخير تريكتن
تنهض نرجس من مكانها وتذهب مسرعه الى الغرفه لتضع الغطاء على رأسها وتتستر بلعباءه
ام فراس : هاي شبيها شو طبت ركض للغرفه
تذهب وراءها لتعرف ماذا حصل
ليلى : هلو سعودي مانتبهن عليك
الشخص اسمه سعد لكن من يكون ؟
ام فراس في الغرفه مع نرجس قائله: هاي ليش كمتي وطبيتي الغرفه ركض ومتحجبه وكاعده شنو تردين اطلعين
نرجس : لا خاله بس ولد غريب وطب للبيت وإني مامغطيه نفسي زين ميصير عيب
ام فراس ( ضاحكه): رحتلج فدوه للبنوته الي تعرف العيب
نرجس : بس هذا منو الي اجه وياج
ام فراس: هذا سعد ابن اختي بس اندلعه سعودي وجبته ويايه لان هو بسوك يشتغل وكلما اطلع هو يوصلني للبيت لان جايبه مسواك

سعد يتكلم مع الفتيات قائلا: اشلون شفتنها زينه لا
ناديه : ليش لازم حلت بعينك
سعد : مو بس حلت وطبت بعقلي اجتي وراح يجي الخير وياها
ليلى : اسمع ترى أحنه ماكلنالها شنو شغلن الحقيقي كلنالها مجديات نشتغل ترى البنيه موسهله ابينه وممكن ذبنه مشاكل فااعقل وشويه شويه عليها
سعد : هاي شبيج دتعلميني بشغلي لاتخافين اعرف اصرف

تخرج نرجس مع ام فراس من الغرفه لتلقي التحيه على سعد
نرجس : سلام عليكم اشلونك خويه أن شاءالله بخير
سعد : الحمدلله بخير
ام فراس : اعرفك على نرجس بتي الجديده باقيه يمي منا لمن احل مشكلتها واعرف شبيها
سعد : اهلا وسهلا وإني بلخدمه شتحتاجين موجود
ام فراس : أي نرجس تعاي سولفيلي شنو موضوعج
تبدأ نرجس بلحديث وسعد ينظر إليها بتمعن في وجهها الجميل وملامحها البريئه وتلك العيون البراقه والشفتان كثمره الفراوله
نرجس : أي فااني جيت لهنا ومااندل كلشي بلمدينه فاريد التقي بست هدى لان هي الوحيدة الي تكدر اتساعدني ومااندل بيتها وين
سعد : اني موجود ودورلجياها شبر شبر منا لمن الكاها
نرجس : خاف ازحمك خويه
سعد : لا زحمه ولا شي انتي ضيفتنه ولازم نقوم بواجبج
نرجس : شكرا والله يكثر من امثالك ويحفظ شبابك

تمر ثلاثه ايام الوضع هادئ جدا ولم يحدث اي شي غريب في البيت حتى جاء اليوم الرابع الذي كشف كل شي مخفي حتى أصبح ظاهر
نرجس نائمه تستيقظ على سماع اغاني وضحك صاخب تنهض لتفتح باب غرفتها وترى مالم تصدق عينيها
الفتيات الثلاثه يرقصن ليلى وناديه وسعاد ووجود رجال معهم وأيضا سعد موجود وكذلك ام فراس جالسه على كرسي وتدخن الاركيله ( النركيله) مع وجود الخمر
فتقوم ليلى باشياء ( قله ادب) مع احد الأشخاص الموجودين هذا الفعل قد جعل نرجس ترتجف من الخوف حتى قفلت الباب على نفسها وذهبت إلى السرير وغطت راسها بلغطاء

وفي صباح اليوم التالي تنهض نرجس من فراشها وتلملم اغراضها محاوله الهرب وعند فتح الباب تقف صامته مما رأت أمامها
فاام فراس والفتيات وسعد يقفون امام الباب وينظرون إليها بشكل مرعب
فاذا بيها تفز من النوم واذا بها كانت حالمه
( باب الغرفه يدق)
نرجس : منو
ام فراس : اني خاله ليش قافله الباب
تقوم نرجس بفتح الباب قائله: صباح الخير خاله
ام فراس : صباح الخير ابنيتي ليش قافله الباب عليج
نرجس : مو البارحه كعدت من النوم وسمعت أصوات اغاني وضحك فشفت مسوين حفله فقفلت الباب حتى لا احد يطب
ام فراس ( ضاحكه): عجبتيني بجوابج تعاي خلي اسولفلج
تجلسان معا على السرير
ام فراس: سمعي أحنه مو بس نشتغل بمجاديه ونشتغل شغل بليل همات بس مو يوميه يعني حسب الي يجونه
نرجس : بس شغليش يعني مافهمت
ام فراس : اكو ناس ثكال يعني اشلون اوصفها الج ناس جيبوبهم مليانه فلوس وضايجين من نسوانهم فيجون النه انريحهم افتهمتي لو أوضح اكثر
نرجس : بس هذا الشي مو حرام
أم فراس : الحرام لمن انام وبطني جوعانه الحرام لمن ماعدي ظهر وسند استند عليهم الحرام ياابنتي لمن انتي ردتي تحقيقين احلامج وتبنين مستقبلج ومااكدرتي
نرجس : بس هذا الشي الي دسوا مو حل يعني
ام فراس ( تشتد نبره صوتها) : اسمعي عاد لصيرين فقيه براسي من اليوم البنات يعلمنج شسوين وماسوين مااريدج بس اكل ونوم مااعندي فندق اني
نرجس ( تقف مرتعبه من كلامها) : بس خاله مااتفقنه هيج كلتي راح اساعدج وين كلامج لعد
ام فراس ( متافافه): اهوووووو لج عيني افهمي وخلي شغله بالج من هذا البيت مطلعين بعد منا لمن تتعلمين وتتعودين أما غير هيج تردين اكو تجار مال أعضاء بشرية اخليهم يكطعوج وصله وصله ويبيعوج أو ابيعج لناس اخليج تشتغلين بنت ليل يعني دعاره ياحلوه
                        
                    نهايه البارت التاسع