نرجس

نرجس البارت الخامس

                        
نوفل : اي والله حقك اضوج هسه اهل القريه كلها تكول هذا وليد علم على مكي وأخذ منه نرجس
مكي ينهض بغضب وصارخا بصوت عالي : اتخسى واحد يعلم عليه ولسه امه ماجابته والله اترس حلكه رصاص
نوفل يقف بجانب مكي ويهمس في أذنه قائلا : زين ليش متكتله وتأخذ بثارك وتضرب عصفورين بحجر هم تأخذ بثارك وهم نرجس ترجع الك وتزوجها
مكي (متلبكا): هااا بس مو خاف يشوفوني وانوب صير ثارات
نوفل : مالك علاقه اني اراقبه الك ومنين يروح ومنين يجي وخصوصاً هسه هو بره البيت لان ابو طرده
مكي : خوش متفقين لعد
الاب مزاحم يذهب إلى أخيه خالد لليبحثا عن حل للمشكله
مزاحم : السلام عليكم اشلونك خويه
خالد : عليكم السلام اتفضل
مزاحم : خويه اني سمعتي انمسحت بلكع من ورا ابنك وليد ولحد الان اني مصدوم واستحي اباوع بوجه الناس
خالد : والله يااخويه اني هم مثلك ومااعرف ليش سوه هيج وليد
مزاحم :والحل شنو
خالد : انروح على حجي سالم ونمشي عليه ولازم الرجال يسامحنه لان واحد من وجهاء القريه واحنه فقره على كد حالنه ليروح يدوسونه برجلين
مزاحم :هاهيه لعد نروحله ونعتذرله ونشوف شنو حجيه

في قاعه الامتحان نرجس تمتحن وهنا يأتي إليها استاذ جميل ينظر إليها مبتسما ويضع يده على رأسها قائلا: هااا بنتي نرجس اشلونج
نرجس (متلهفه): هلو استاذ جميل اشلونك واشلون ست هدى مشتاقتلها هواي
استاذ جميل : ست هدى هم مشتاقتلج وبلغتلي سلام الج وتكول بأقرب فرصه اجي اشوفها
نرجس : أن شاءالله
في مضيف حجي سالم يجلس اب نرجس مزاحم وعمها خالد وامامهم حجي سالم وبعض الوجهاء من القريه
العم خالد : حجي سالم اجينه اليوم حتى نحجي بسوء الفهم الي صار بمشيه المحروس ابنك مكي والي صار ماجنه متوقعي ابد ووليد ابني تصرف هيج تصرف مالنه علم بي وحتى اني طردته من البيت واجينه اني واخوي ابو نرجس نعتذر منك وكدام هل وجوه الطيبه الحاضره وشتفصل أحنه نلبس
حجي سالم : الي صار صار بعد واني واخوتي وعمامي ماخذين موقف منكم واحنه بعد هم مانريد بتكم ولا نريد نشاركم بزرع الكع ولا المحصول وأما بنسبه لابنكم وليد فانتوا احر بي تعاقبوا أو تنفو من القريه هذا شي يعودلكم وكل اب يتحمل نتيجه تربيه ولده !
ينظر خالد الى وجه اخيه مزاحم وقد تغير الوان وجوههم
مزاحم : حجي دستهدي برحمان صدكوني ياجماعه الخير ماعدنه علم ولو عدنه علم جان كتلك يااحجي سالم البت يريدها ابن عمها
حجي سالم : اسمع ياامزاحم أحنه نعرف مشاكلك وي بنتك وكل قريه درت بيها من رادت تكمل دراستها وانته امنعتها وراها ردت تكتلها لو ما الله كاتبلها العيش وإني من ردتها لابني مكي ردت اخلصها منك ومن قسوتك لو نرجس بنتي جان خليتها بعيني وحتى دراستها تكملها شكد ردت بنات تصير عدي لكن الله رزقني بولد وأحمد الله واشكره نهايه الكلام انتوا في طريق واحنه بطريق خلونه بس سلام ومن بأجر اني بنفسي اطلع مساح يفرزنه الكيعان المشتركه بينه وبينكم