البارت الرابع والعشرون
استاذ جميل : نرجس اذا تريدين اثبتين انو انتي على صح وهدى على خطأ فتحي موضوع الزواج وي الولد وبعدين انتي واثقه منه وتحبي ويحبج مابيه شي يعني وإذا رفض تعاي كوليلي شنو سبب رفضه بس هااا كون سبب مقنع مو هيج
نرجس : اوكي بأجر احجي ويا
جعفر يتحدث مع حمزه قائلا : حمزه تكدر تجي وياي بأجر نروح للكليه الطب
حمزه : اكله لازم انضل اهنا اقل شي اسبوع بدون منطلع يكلي بأجر نروح وشعندك بكليه الطب
جعفر : بت عمي اداوم هناك اروح اشوفها
حمزه : هاي الي ابوها انقتل وي ابوك
جعفر : اي واكيد متدري لحد الآن
حمزه : وانته تريد تروح تبشرها
جعفر : مو هيه الوحيده الي تكدر تساعدني
حمزه : ماشي خلي تهدى الأوضاع وادزك وي واحد
جعفر : ممكن اعرف شنو تهمتك وليش انسجنت
حمزه : تهمتي ياجعفر اني ولدت بنص عائله اختصاصها قتل وخطف وسلب ونهب وماردت اصير مثلهم بس مثل ميكولون (الدم يحن)
جعفر : اي
حمزه : وين اكو اهل ينطون سلاح بيد طفل عمره (ست سنوات ) ويكله اقتل هذا الرجل
جعفر : يعني اكدر اكول لزموك متلبس بجريمه قتل
حمزه : لا اختطاف لسه أبالي البنيه الي ضحكت عليه واخذت سلاح من ايدي
جعفر : اشلون مافهمت سولفلي
حمزه : اني جان اختصاصي احمي البنات الي خاطفيهن حتى نبيعهن ولأن أبويه جان ضايج مني عاقبني بهيج عقاب لان هاي مو شغلتي اني شغلتي القتل
جعفر : اي
حمزه : طبعا جانت اول عمليه إليه هاي كعدت بشاحنه احرس البنات اهناك اكو البنيه حلوه وبعدهي اصغيره بس شنو شجاعه اتفقت وي بنيه عساس تتوجع مدري شبيها رحت اشوفها
جعفر : اي
حمزه : مااحس غير البنات جاتن عليه ضربني وجاي اطلع المسدس جتي هاي البنيه عضت ايدي وأخذته ووجهت السلاح عليه وخلت البنات يربطن مثل (الطلي) وسدن حلكي
جعفر : اي وصار وراها
حمزه : الشباب حسو اكو شي واجو يشوفوني بس البنيه حست بهذا الشي وصارت مجازر لا اكلك ولا تكلي رئيس العصابه ضربته طلقه وهي صوبت وجتي الشرطه ولزموني واني مجتف
( هل تذكركم هذه الحادثه بشي ؟)
في الكليه تلتقي نرجس مع ايمن قائله : اشلون صارت والدتك ؟
ايمن : زينه الحمدلله ، لعد شبيج البارحه تكولين البيت انقلب شكو
نرجس : اي قلبته عليك لان مختفي صار عدي قلق كلت خاف صار بي شي
ايمن : اهااا بس صوتج مجان هيج
نرجس : اي تعاركت وي خالتي
ايمن : ليش
نرجس : ضلت تلح عليه سوي عشه سوي عشه واني احاول اتصل بيك وماكو فترفزت عليها وصحت بوجها
ايمن : ياابعد روحي هاي كله بسببي صار
نرجس : اي احبك شسوي يعني
ايمن : واني عاشقج كلج
نرجس : ايمن ليش متخطبني ونخلص ونعيش سوى اريد اعيش وياك
ايمن : هاااا اي بس مو وكتها مو اتفقنه بعدين واني مامستعد لا خطوبه ولازواج هسه
نرجس : اي بس خطوبه وزواج بعدين عود لا تخاف كلشي مااطلب منك حتلو اعيش وياك على حصيره اني موافقه وقابله
ايمن : ماعاش الي يخليج تنامين على حصيره واني موجود
نرجس : لعد يااعيني تعال تقدملي وخلي اصير الك وبس
ايمن : شنو الموضوع جايج خطابه لازم
نرجس : لا محد اجه لا تخاف بس اني البارحه عشت وياك اجمل ايامي وخصوصا من غفيت على صدرك حسيت باامان
ايمن : اذا على خطوبه سهله افاتح اهلي بلموضوع واشوف
نرجس : صدك
ايمن : اني مااستغني عنج انتي حبيبتي وام جهالي المستقبلية
نرجس تفرح بعد قبول ايمن بخطوبتها
أنت تقرأ
نرجس
Mystère / Thrillerقصه كفاح وصمود تحارب فتاه ريفيه من أجل مستقبلها واحلامها في ضل معارضه الأشخاص حولها فهل ستنتصر ام تهزم
