البارت السادس
وتمر الايام مرور الكرام نرجس تمتحن بدون علم والدها فتخرج من الصباح الباكر للتذهب إلى وليد الذي بقي خارج المنزل طول هذا الفتره يعمل في الارض الخاصة به وعنده غرفه صغيره يسكن بها لتجلب له الخبز وبعض الطعام وهي بدورها تذهب لتمتحن ولكن سوف يحدث شئ يغير الموازين وكذلك يغير حياه نرجس وعائلتها وسوف تضج القريه بلمشاكل والصراعات حتى يقتل شخص في القريه وكل هذه الأحداث تحدث بسبب نرجس
يعمل وليد في الارض ماسكا (المجرفه = الكرك) ويغرس بها في التربه يأتي إليه عمه مزاحم (اب نرجس)
مزاحم : كواك الله ابن اخوي
وليد : هله عمي هله
مزاحم : اشلونه الزرع وياك
وليد : الحمدلله ماشيه
مزاحم : زين سويت من اشتريت كع الك لان ماشاءالله راح يصير عدك نسوان اثنين
وليد (متلكئا): هاااا أي
مزاحم : اشو هااا شنو مناوي تاخذ نرجس بعد مانهيت عليها وإني كلما افتح الموضوع وي ابوك ايجله يكلي مو وكتها فاحبيت اكلك الك لان البت دتعاني وقبل ماموت اريد اطمئن عليها واشوف جهالها
وليد : لا عمي عمرك طويل أن شاءالله بس اصبر علي كم يوم مابين افتح الموضوع وي ابوي لان تدري صارلي شهر مااشايف اهلي ولا مرتي وابني وساكن بهاي الغرفه
مزاحم : خوش انتظر كم يوم ونشوف شيصير ،اخذ راحتك سلام
نرجس ترتب كتبها بعد انتهاءها من الامتحانات وبقت النتيجة النهائية والتي تنتظرها بفارغ الصبر ناسيهً الأوضاع التي تمر بها
تدخل عليها امها قائله: هااا خلصتي
نرجس (فرحه): اي يمه خلصت مرتاحه هسه اني وفرحانه كلش ومابقه بس النتيجه وان شاءالله ناجحه والاولى هم
الام : أن شاءالله ياالله كومي ساعديني بشغل
نرجس : حاااضر ياست الحبايب
نوفل يلتقي بمكي بااحدى المزارع يقوم نوفل بتسليم مكي مسدس قائلا : هذا المسدس الي ردته مني واسمع اني راح اروح اشوفه بلكع اذا موجود اصيحك ضل هنا ماشي
مكي : بس اذا احد شافنه اشلون
نوفل : هاي شبيك داكلك اني راح اراقب الطريق لاتخاف محد يشوفنه
مكي : هاهيه روح لعد
يدخل وليد الى البيت يرى ابنه يحبو على الأرض فيقوم بحملها وتقبيله ياتي اخيه جعفر قائلا : هاا وليد شو جاي للبيت شعندك
وليد : يعني اعتقد هذا بيت ابوي ومرتي وابني اهنا
جعفر: لا بس مو ابوي مانعك من الطبه للبيت
وليد : هسه ابويه وينه
جعفر : مموجود طالع لو بلكهوه لو بلكع اليوم ديفصلون حصه مالتنه بينه وبين حجي سالم
وليد : ليش يفصلوها صار
جعفر: والله اسئل روحك هذا السؤال
وليد (متنرفزا): انته ليش تحجي ويايه هيج
جعفر : تدري نزلت راسنه انته لو لا وحتى الناس كامت بعد متسلم علينه ولا نكدر نخلي عيونه بعيونهم والسبب انته
وليد : وداعتك كلشي راح ينحل
جعفر : أي نشوف اشلون راح ينحل
في هذه الأثناء تظهر زوجته وداد تنظر إليه وهو حامل طفلها فتذهب الى غرفتها ليقوم بملاحقتها الى الغرفه
يراها على السرير تبكي يقترب منها ويضع يده على شعرها فتقوم بأبعاد يده قائله: وخر عني مااريد اشوفك ولا أريد اسمع صوتك روح للست نرجس الي تريدها من زمان بعدهي صغيره وحلوه
وليد : وإني كلبي يكدر يبدلج يااسلطانه قلبي
وداد : وليد كتلك اطلع برا هسه يجي عمي ويشوفك وصير مشكله اطلع
وليد :اني اليوم مااطلع منا اذا مااحل المشكله
وداد : أي وشلون تحلها بالله تزوج نرجس مو
وليد :أي بس وداعتج زواج بس حبر على ورق
وداد : لعد ليش نهيت عليها اذا متريدها فهمني
وليد : مااكدر اكلج افتهمتي خلص سدي الموضوع اني اخذت قراري وانتهى
وداد (باكيه): زين وإني ماافكرت بيه بمشاعري بشنو مقصره وياك
وليد (متأفئفاً) : اكلها بس زواج حبر على ورق تكلي مشاعري وبعدين تعاي انتي لا اول وحده زوجج يجيبلج ضره ولا اخر وحده بعدين كلشي راح تفهمين بس وكفي ويايه
وداد : مدري ليش مجاي اصدكك
وليد : يعني اني اجذب عليج مو
وداد : أي جذاب واذا ماطلعت عندك علاقه بنرجس علاقه حب وعشق أنا فلا وداد والله واعلم شمسوين من يوم الي رحت للبيتهم بذاك الليل ورجعت مو على بعضك وتالي بنص الليل هم طلعت واكيد التقيت بيها وتمعشقت وياها
وليد يفقد أعصابه فيقوم بضربها قائلا : انجبي
ثم يمسكها من شعر رأسها قائلا: ولج اني لو اريد اتمعشق واصاحب بنات جان من زمان سويت وكدامج هم وهذا الموضوع اذا حجيتي بي السانج اكصه افتهمتي
ثم يقوم برميها لتسقط على السرير وهي تبكي ويغادر البيت
أنت تقرأ
نرجس
Misterio / Suspensoقصه كفاح وصمود تحارب فتاه ريفيه من أجل مستقبلها واحلامها في ضل معارضه الأشخاص حولها فهل ستنتصر ام تهزم
