Expressing My Feelings

Bakit nga ba ako nag-aaral

Gaano nga ba kahalaga ang pag-aaral?
Sa mga magulang natin na nagkukumahog na tayo'y pag-aralin, wala silang mapamamanang yaman kundi ang edukasyon sa atin.
Kailangan na mag-aral tayo ng maigi upang sa pagdating ng panahon ay maibalik natin ang paghihirap ng mga magulang na tayo'y pagtaposin sa pag-aaral.

Marahil marami sa atin na gustong magkaroon ng magandang trabaho kaya nag-aaral o kaya naman ay para matupad ang kaniyang pangarap. Mahirap mag-aral, ngunit bakit ba natin to pinaglalaan ng oras? Pwede namang magnegosyo nalang o magtrabaho para makatulong sa magulang kaysa guguling ang oras sa pag-aaral. Maraming dahilan para mag-aral tayo, para sa kinabukasan at ikauunlad natin.

Ngunit iba sa atin ay balewala ang pag-aaral, pumasok sa paaralan para lang magkabaon na igagamit lang naman sa paglalakwartsa, ang iba naman ay cutting classes ang ginagawa. Paano natin masysuklian ang mga magulang natin kung sa pag-aaral palang hindi na pinagbubuti.

Sabi nga, ang edukasyon ang susi sa pag-unlad. Maghigit isa't kalahating dekada tayong mag-aaral para makuha ang diploma na katunayang tayo ay nagtapos. Hindi mapapantayang ligaya ang madarama mo sa nakamit na tagumpay.