#بَصْمَةُ_العِشْقِ
الجزء 5 الكاتبةchra kirkuki
الله يستر منو يخابر بهالوكت أخذت التليفون السنتر يتصل بك الساعه 7 صبح جاوبت واني نص نايمة
ست شمس عندج اليوم جلسة تصوير بعد ساعة تعالي للسنتر لاتتأخرين لازم نحضرج من وكت والمدام تكفلت بالملابس
لحظة مو على الاساس باجر شنو بكيفكم صاير قفلت بوجهي ايا ملعونة كمت ضايجة طلباتهم متخلص وكل شي بكيفهم هسة منين احصل سيارة تاخذني اخابر عزة تجي ويايه اخاف اركب الكاتبة chra kirkukiتكسي لوحدي بدلت على السريع ردت اطلع باوعت على المرايا تذكرت توصيات صاحبة المركز مدام صوفي اللي بالاصل اسمها صافية ماطلع من غير واقي شمس وشعري مرتب حرير فديت شعري ميحتاج مشط اصلا حرام اخلي عليه مشط ذبيت بوسه بالهوا لنفسي كلشي بيا حلو تذكرت وجه بيبي من بدت عليه التغيرات اول مرة معرفتني من شافت شعري الطويل وجهي اللي يلمع صافي ونظيف من رحبت بيها بعد شهر رجعت عافتني وحدي سافرت ويا بناتها للونسة حتى بالجذب مكالتلي تعالي ويانا حمدالله على سلامتج بيبي فزت وخلت ايدها على كلبها وظلت تدور حواليه
استغفرالله واتوب اليه انتي عيوشة لو اني صاير بعيوني خلل ولج شنو صارلج حتى الساحرات ميكدرون يغيرون من شكلج
أشرتلها بأيدي الفلوس وصخ الدنيا نظفت نفسي بيها عجبتج التغيرات مو بحيث حلكج متكدرين تسدينه من الصدمه
ايا ملعونة رفعتي ضغطي صدك صرفتي فلوس على وجهج تعالي احجيلي منين الج اه عرفت من الطلي ابوج ميدز فلوس لامه اللي شوية وتموت من الالم والوجع ميكول امي مرة جبيرة تحتاج علاج تحتاج دكتور وعناية
وجهي وشكلي مو اهم من علاجات ياعلاج وانتي مثل الجني كل يوم بمكان ابشرج فلوس ماكو ولا فلس باقي عندي واذا ميعجبج عيشتج ويايه واصلا دوم عايفتني وباقية يم بناتج روحي الكاتبة chra kirkuki يمهم تعمدت مااشوف وجهي لأحد لحد مايجي يوم واقرر بنفسي اطلعلهم مثل القنبلة طلعت على السريع شفتها واكفة بالمطبخ تحجي بالتليفون تعزمهم على الغدا اشرتلها باي
روحه بلا رجعه يا ساحرة اكولج متغيرة مو هي تعالو اليوم شوفوها الشعر واصل لظهرها حرير ويلمع مو باروكه صدكي جريتها اكثر من مرة زين وجهها شلون اخ منها بنت انتصار محد يموتني غيرها طلعت هسة من الصبح الله يعلم وين وعبدالله يكول اني اثق ببنتي
دكيت الباب طلعتلي ام عزة كل ماتشوفني تستلمني بوسات وحضن حتى لو تشوفني اكثر من مرة باليوم تعيدها دخلت زمن صافنة وتشرب جاي وعزة صوتها يزلزل البيت تنظف اخوانها جريتها من ايدها روحي بدلي بسرعه عندي جلسة تصوير
شنو تردين البس سندريلا لو غيرها أمريني عمري وحبي
مو وكتج عزوز الله يخليج بسرعه
