#بَصْمَةُ_العِشْقِ
الجزء 8الكاتبة chra kirkuki
بعد أيام من السالفة اللي نشرتها عن خطوبتي ويا رشدي تليفوني ميسكت عن الرن سويته صامت كمت أخاف توصلني تهديدات من ارقام غريبة والبيج وصل للملايين اعجاب وتعليقات مثل ماكالت زمن يناقشون ويحللون بكيفهم حتى لباب البيت ماوصل أمي تخابرني مارد عليها لحد مااضطرت تخابر بيبي بلغتها تليفوني انسرق مادري منين طلعت بهالكذبة صرت ابرر واكذب شلون ماجان
شبيج مصفرة ومو على بعضج هالأيام سويتلج دولمة تعالي ناكل وتحجيلي وين تليفونج وشنو صاير عمتج خابرتني تكولي شمس يمتى انخطبت
ها بيبي ماكو شي ياخطوبة تليفوني ضيعته رجعت من السوك ماكو بحقيبتي يعني الحجي وصل للجميع
واني كلت شموسة متخبي عليه يضيع تليفون تجيبين عشرة بداله المهم انتي تكونين الكاتبة chra kirkuki بخير والباقي سهل اليوم عماتج راح يجونا شنو تقترحين نسوي على العشا لو نجيب دليفري بصراحة اكو موضوع يخصج راح تفرحين بيها كلش بالليل من تسمعيها
نجيب دليفري مو مشكلة مادري شنو اكلت بالضبط فكري مشوش دخلت لغرفتي تذكرت هاي بيبي اليوم شبيها تدلعني ولسانها حلو مسويتلي أكل خصوصي الله يستر شفت موبايلي كومة مكالمات لم يرد عليها ومسج فتحته كمزت من مكاني خابرت عزة لحكيني قطرة دم مباقي بجسمي .
أمير : رشدي أهدا لاتكبر السالفة متسوى وانت اصلا متعود على هالأشياء وصرحت انت مالك علاقة وعلم بيها يعني هي فضحت نفسها
أمير اسكت لخاطر الله دمي محروك ماعرف هالنماذج منين يطلعون لو بيدي أروح لبيتهم واحركها هي وأهلها بكلبي صرت بين نارين نونة تهدد تنشر فيديوهاتنا سويا وأبويا طردني من البيت هسة سالفة ابوية كم يوم ويهدا وارجع بس نونة المخبلة متتفاهم كل دقيقة نازلة بمنشور غلط وفشار على البنية جبت رقمها من صباح بومبا خابرتها مترد اكيد تعرف الكاتبة chra kirkuki رقمي همينة ومتريد تجاوبني دزيتلها مسج وانطيتها عنوان الليلة اذا منتشاوف اروح لبيتهم ولو ماعرف بيتهم وين صاير بس كلت اخوفها اكثر راسي راح ينفجر من اللي يباركون واللي ضايجين على خيانتي لنونة ونازلين بيا مسبة ضحكني كلام ابويا يكولي راح اشوف احفادي بالفيس يوميا متزوج وحدة
عزة : شبيج خايفة وترجفين مريضة كومي اخذج يم المضمد يضربج ابرة وتصيرين مثل الجحش
شمس : أقري هالمسج وبعدين كولي ليش مريضة
هذا رشدي جاي بهدد خوش من زمان عن العركات الله جابك يابيبي كتلج خليني ارتب وضعج ويا عبوسي ابو الفلافل والله بس شواربه يشيلون خمسه من رشدي ورجال صاحب وكفات منا وبينا ننطي جم فلس وهو الممنون لزكتي بهذا اللي دايم ناسي هدومه بالبيت
