#بَصْمَةُ_العِشْقِ
الجزء 16الكاتبة chra kirkuki
صعب بين يوم وليلة تبدل نفسك عمري متخيلت نفسي أعيش مثل البنات والبس مثلهم كل طموحي واحلامي جانت مرتبطة بعائلتي نسيت نفسي بين طلباتهم وهسة بعد ماكبرو اخواني يريدون يتحكمون بيا ويزوجوني لأبن عمي أحس نفسي بدوامة لابيا ارفض ولا أريد اوافق شعور صعب رغم هو مابي شي يعيب ومستغربة طلب ايدي لان علاقتي بيهم صفر كل ماأتخيل الكاتبة chra kirkuki
نفسي البس فستان ابيض اضحك المكياج يادوب فترة وبالغصب عودتني عليها شمس هالمرة اعيش دور الزوجة أخ راسي منين طلعتلي هالسالفة واخواني مصرين خايفين عليه من الزمن لا اظل وحدي لان كل واحد بيهم يتزوج ويعزل بيت لوحده لحظات اكول من خوفهم عليه لان يحبوني لحظات اكول خايفين عليه لاأصير عالة عليهم أنداريت على شمس اللي كاتلة نفسها بالبجي كافي اشكد تحبين تبجين عندج غزارة بالدموع لو مشتاقة لحضن رشدي
روحي غبية اموت من القهر شنو رشدي متعرفين اشكد احبج انتي جنتي امي وابويه صعب عليه استوعب بعد هالعمر تروحين وتعوفيني
ههههه عبالج بس انتي تتزوجين وتنحبين ليش مو بعينج اني بنية عندي احاسيس ومشاعر حالي حالج ويمكن من شفتج اكثر من مرة ويا رشدي بلقطات محرجة ومخلة بالأدب غرت منكم
شنو مخلة بالأدب حيوانة اللي يسمعج يكول لازمينه بشقة مفروشة وبوليس الأداب كابس علينا ترى هو مجرد جم حضنه وبوسة ليش ذكرتيني وفتحتي جروحي هسة منين اجيب رشدي فديته كله رومانسية
حضنتها حبيبتي شمس صيري قوية دايما لاتخلين أحد يكسرج والله العظيم انتي الكاتبة chra kirkuki
كاسرة ظهري ماتخيل شلون اعيش بعيد عنج وشلون انام بالليل قبل لاأجي احضنج واتمتع بجهرتج الخايسة
عابت محد يفهمج مرة تمدح مرة تقصف خطيبج حنون لو لا بلكي يقتنع وتعيشون اهنا شوية تموعي واحجي بدلع شبيج ياحظي علكي الرجال خلي كلمتج مسموعة
ترى اكو ناس كل شي سوت حتى فسخت الحياء والأخ راسه يابس ويجرها مثل الطلي شلون ماجان لايفيد وياه تموع ولا شي تردين اني اسوي اغراءات على تالي عمري اصلا ميلوكلي وأصير نشاز شمس هاي قسمتي واني ماكول راضية بي بس شسوي خليني اجرب شعور الأنوثة وياكم
رجعت لبيتنا بعد ماودعت عزة خلال أسبوع تنخطب وتتزوج شخص متعرفه بس حتى ترضي اخوانها كلش صعب قررت اجهز كلشي الها من جهاز وعطور ومكياج اني سنة خطوبة ورشدي يكول بعد وكت على الزواج لان عنده التزامات وتصوير وصلت للبيت وكفت كدام التقويم شطبت على تاريخ اليوم كملت 3 أشهر بدون رشدي لأن مسافر جولة أوروبية طلعت ورقة وقلم وبديت أكتب الاشياء اللي احتاجها حتى اشتريها لعزة وأروح أتعشى بيت رشدي معزومة يمهم ولو لحد الأن أخجل منهم رائد كل مرة يتكفل ياخذني ويرجعني ميردون يحسسوني وجودي يمهم مو ظروري شفت تليفوني اشعارات وصور جديدة منزلها رشدي على حسابه بكل صورة يكتب عليها مشتاق للغالية يقصدني يفرحني الكاتبة chra kirkuki
بأبسط الأشياء من اشوف التعليقات اللي اغلبها حرام كل هالجمال تروح للزركة لو حظ الزركة مادري شنو دائما تعليقات سلبية فتحت الكتلوكات العروض اللي توصلني من صالونات التجميل واصحاب محلات الأزياء كلش أهواية حتى اختار من عدهم واسوي اعلان ودعاية كلها ببلاش كلما أختار بسرعة اتراجع بلكي اشوف شي أحلى تليفوني يدك حيل من زمان عن هالرقم جاوبتها لان كلش ضوجتني بمكالماتها ومسجاتها نعم ست صافي خير
