#بَصْمَةُ_العِشْقِ
الجزء 4 الكاتبةchra kirkuki
بعد ماعرفت نوايا اهلي ورجوعهم واستقرارهم بالعراق تخبلت عفت البيت اسبوع وسط صراعات بيني وبينهم عرفت من صديقي أمير هو عايش بالعراق ابوية فاتح محل يعني يريد يخليني على الامر الواقع متحملت رجعت واني كلي اعصاب ومن اتعصب انسى روحي شفت اخوية ويا بنته يلعبون بالحديقة من غير سلام سألته رائد صحيح اللي سمعته بابا مشتري محل بالعراق وناوي ينقل الماركة لهناك
اول شي عيب تدخل على البيت ومتسلم وثانيا اللي تحجي وياه اخوك الجبير وثالثا لاتصيح كدام الطفلة ومن تصير بني أدم تعال وأسألني حتى اجاوبك عن اذنك
اوف اوف ضربت الحايط برجلي شوية واموت من الوجع كمت اكمز طلعت اختي رنا تباوعلي وتضحك اكثر وحدة فرحانة برجعتنا هي شمرت عليها سويج سيارتي حتى تسكت دخلت للصالة ابويا وامي يتناقشون عبالك كاعدين بمؤتمر بالبيت الابيض الكاتبةchra kirkukiكلت خلي اتأدب شوية حتى اوصل لحل ويا ابويا اذا قفلت هو هم يقفل اني اظل الخسران الله يساعد العصافير الحلوين باوعلي ابوية كانه معجبته بس امي راسا كامت ترحب بيا وتحضني
ظلي طبطبي عليه وحضني لحد مايطيح حضنا بأفعاله خير ليش رجعت مو على الاساس بعد متريد تعيش ويانا تريد حريتك
ابو رائد على كيفك ويا ماكل شي لو احضرلك سندويج لو روح غسل واني اصعدلك شي تاكله مبين تعبان غمزتله حتى يروح من كدام ابوه
اي تعبان خطية من بنية لبنية ميلحك يروح يم منو بيهم اسمعني زين خلال شهر ترتب نفسك ترجع ويانا واذا عندك اعتراض ابقى واشتغل واعتمد على نفسك واحذرك فلس احمر متشوف مني حتى السيارة اسحبها منك تكدر تنام ببيت صاحباتك عادي من زمان تروح يمهم
بابا حرام عليك مستقبلي راح يضيع شسوي بالعراق فهمني ابيع فلافل لو ركي اني شغلي اهنا اروح لعالم بعدهم مايعرفون شنو تليفون ومواقع تواصل الاجتماعي متكولي شنو بيها ليش تريد تدمر حياتنا
بيها اهلنا بيها ريحة تراب امي وابويا بيها البيت اللي كبرت بي بيها ناسي واصدقائي من احتاجهم بتليفون كلهم يكونون على راسي ماريد اموت بالغربة افتهمت واذا بيك خير اوكف على المحل مثل اخوك متحتاج تبيع فلافل هاي شغلة مال رياجيل مو مودلز اما بالنسبة توصف بلدي بدول النامية مااسمحلك عدهم مواهب وعباقرة احسن من اهنا بس الوضع ميساعد وهسة اختار تنذل اهنا لو تجي ويانا تعيش مثل الامراء القرار بيدك وخر من كدامي وروح البس شي بنطلون مزروف والقميص مفتوح 24 ساعه عرفنا جسمك حلو ورياضي ميحتاج تفصخ الستر هم حلو
مراح اجي وياكم مو مستعد اضحي بشغلي وراح ابقى يجي يوم وتغير نظرتك عليه وبالنسبة للفلوس اروح اغسل مواعين بالمطاعم وادبر لقمه عيشي ولا اصير امير بالعراق راح ترجعون لهنا بعد ماتخسرون كلشي ساعتها تكول رشدي جان فاهم الكاتبةchra kirkukiالوضع صح بس دخلت لغرفتي كسرت المرايا من العصبية شراح اسوي كرامتي متسمحلي اخذ منهم فلوس وبنفس الوقت ماكدر اروح وياهم اعرف راح اتبهذل لايبقى سفرات ولا عزومات ولا نوادي ليلية منو تطلع ويا مفلس لو مكان انام بي منين ادبر فلوس اوف ياربي ليش هيجي حظي ويا اهلي يمتى راح يفهمون عليه سمعت تليفوني يدك ماكو غيره مخرب الجو أمير اكثر شخص شجع اهلي يصير ابن عم ابويا همه جانو عايشين يمنا من زمان رجعو لعنه عليك زين عندك عين تخابر دبرني واكع بمصيبة
