#بَصْمَةُ_العِشْقِ
الجزء 10الكاتبة chra kirkuki
والله العظيم مخليت طريقة ومجربته ميفيد وياه ماما من الأخير هذا ميريد زواج وارتباط
سمعيني شمس كوليله جاييني خطابة مو تكولين كل يوم يخابرني ومسجات وهدايا لعد شنو يقصد بهالشي لايكون يريد يتونس يومين ويذبج فتحي عينج زين لو زواج لو ماكو دزيتلج بوكس مكياج الكاتبة chra kirkukiمقلد رتبته ألج من الشركة بس راح تبيعي بسعر الأصلي اذا شفنا البنات يشتروها ويريدون منها ادزلج وجبات ثانية
اوك ماما الليلة عازمني على عشا راح احجيله على موضوع الخطابة على الله يفهم خلي اروح أصور فيديو كريمات جديدات دزلي ياه صباح قفلت من أمي راح يجنني هذا رشدي شهر ونص كاضيها حبيات ورومانسية وكل كلامه حبي وحياتي مكدرت احجي لأمي تصرفاته بالكامل كل مانتشاوف يحاول يلمسني لو يبوسني واني اصده حيرني وياه اخاف اسأله تحبني يصدمني لان عنده عادي صداقة لازم بيها هالأشياء خابرت عزة مشغولة بتحضيرات زواج زمن اشكد فرحتلها رغم اعتراض عزة من البداية لان صغيرة خافت عليها بعد محاولات مني ومن زمن أقتنعت غيرت ملابسي وخابرت التكسي يوصلني للمطعم اللي عازمني الكاتبة chra kirkuki رشدي بي وصلت انطيتهم رقم الطاولة شفت المكان حلو بس مو عائلي اغلبهم مكبلين وكاعدين بكابينات الأضاءة خافتة يادوب تشوف طريقك وانت تمشي غير أصوات الموسيقى رومانسية ردت أكعد حسيت واحد يحضني من ورا عبالي النادل ردت اصيح سمعت صوت رشدي
سوبرايز حبي شنو هالجمال لزمت أيدها واني الفها واباوعلها بأنبهار واو اليوم انتي بيرفكت عجبج المكان
لزمت كلبي من حركته الله ستر وموكعت ردت اكون طبيعية حتى ميضحك عليه الكاتبة chra kirkuki كعدت حتى أخذ نفسي اللي شوية وينكطع من الخوف شفته يحجي ويا النادل وأجى لزك كعد يمي لزم ايدي
شبيج ترجفين معجبج المكان ترى سعره خيالي بس لخاطر شفايفج اللي لحد الان ماعرف طبيعي لو لا حجزته الج ابتسمي راح أفتح سناب
أنجبرت ابتسم بس اللي يشوفني من قريب يعرف بيا مو طبيعية فتح الفيس ونفس الشي نزل منشور وصور المكان وصورني وياه اللي يشوفنا يكول متزوجين واني ماعرف هو شلون يفكر بيا لحظات والتليفون شوية وينفجر من الاشعارات بدينا ناكل فتحت الكاتبة chra kirkukiموضوع خطبتي باوعت على وجه محسيت تأثر او ضاج
وانتي شنو جوابج أكل واستمع لشمس أعرف تريدني ارتبط بيها رسمي أهواية تلمح هي وأمها بس اسوي نفسي غشيم اني وين والزواج وين شمس محد يكدر يغصبج وين عايشين بالقرن التاسع أو اذا انتي تحبي وعندج علاقة وياه هالشي يختلف
ردت اكوم اشيل المواعين واركعها وحدة وحدة على راسه غبي لو شنو عندي حبيب شسوي وياك محد غصبني بس الولد ميعيبه شي
