#بَصْمَةُ_العِشْقِ
الجزء 15الكاتبة chra kirkuki
فتحت عيوني كوة وارمات من كثر مابجيت ماعرف شوكت نمت وهسة صبح لو ظهر حتى الفراش ماكدر اكوم منه ياترى رشدي ليش هيجي سوا بيا استاهل بأسعد ايام حياتي يختفي وبدون سابق انذار مو قبلها بيوم حجينا جان متلهف اكثر مني وحلف بس يقرون الفاتحة يكوم كدامهم يبوسني واني ترجيته ميسويها كل ماتذكر سوالفه تنزل دموعي من جديد سمعت الباب صوت عزة ماريد احد يشوفني بهالشكل بس هاي الكاتبة chra kirkukiعزة مستحيل ماتدخل لغرفتي لو اقفلها تدخل من الشباك كمت فتحت الباب ورجعت دخلت للفراش ردت اخبي راسي سبقتني جرت اللحاف مني
عزة :ليش شمس شنو ناقصج انتي الف واحد يتمنوج
الله يخليج ماتحمل ولا كلمة عتب ونصايح اللي بيا مكفيني دااموت من القهر كرهت كلشي عندي ياريت ماعندي شي ياريت بعدني عيوشة ويلقبوني بنت السودانية ولا صار اللي صار بيا البارحة رشدي رخصني
ولا كلمة صدكني راح ادفع ثمن دموعج هذا غالي بس خلي يصبرلي وانتي كومي نروح للمركز سويلج حمام مغربي ونلعب رياضة اريد وجهج يضوي ويضحك ماريد احد يتشمت بيج وخصوصا هسة اسيل وسلوى بالمركز كاعدات يألفون قصة من اللي صار البارحة خلي نطلعهم جذابات كومي بسرعه بدلي انتظرج بالسيارة طلعت من يمها حلفت الا اخلي رشدي عبرة لغيره من الشباب خابرت جماعتي حمودي الأعور عباس عمبة وغيرهم ناس يدورون مشاكل بفلوس شحال لو اني انطيهم جم فلس اخ رشدي الليلة راح تكون سودة عليك
خلص خليني اروح كافي اللي ردتي صار شمس وراحت من بين ايدي خطوبة ماكو مسحي الصور وماعليج بيها
من كل عقلك اعوفك هيجي ألها متشوف اعمى كل هالصور اللي تخزي والعمليات اللي مسويتها بعدك تحبها وتريدها يالعنة لاعنتك بيها
ماعليج انتي حتى لو قردة احبها غصبا ماعليج لاتختبرين صبري ماريد أذيج لان انتي لاحول وقوة لا عبالج اخاف من لسانج بارحة طاوعتج حتى متنشرين صورها وتكسرين فرحتها كدام الناس
كعدت يم رجله حرام عليك رشدي اني احبك اهواية انت تعرف كلش زين ماكدر اعوفك واخلي وحدة مثل شمس تاخذك مني ليش اني هيجي الكاتبة chra kirkukiيصير بيا شمسوية بحياتي رضيت ماعندي ام واب رضيت ماعندي اهل واعمام او تخلو عني بس انت لا ماارضى تعوفني بسهولة
وخرتها وجريت الموبايل وكسرتها سمعيني النقص اللي عندج متكدرين تعوضيها بيا واني اخر واحد اشفق عليج ياما خربتي بيوت وضحكتي على رياجيل وخليتيهم يطلقون زوجاتهم وشردتي جهالهم علمود تعيشين براحة وتلعبين بالفلوس ومادام متتعدلين أني الج راح اخابر صديقج اللي يصرف عليج ومشتريلج هالشقة الفخمة عندي علاقة وياج واشوفه الفيديو نشوف شيسوي بيج اقل شي يذبحج رجل دولة متهمه شي ومثل مااعرف يحبج اهواية
