ذهبَ و لم يعد

المنظر الذي لن و لم انساه ابداً

بارت 1️⃣4️⃣
زين
كانت الفتاة ذات الوجه الملائكي تحاول كتم ضحكاتها لكن لم تستطع و انفجرت ضاحكة الى ان اخرجت السلاح من جيبي الخلفي سكتت و القت بنضرها الى ريتان التي كانت تتصرف ببرود
زين: منو بيكم تريد تموت
انفجرت اثار بالضحك مجددا
آثار: اعصاااابي ههههههههههههه اعصابي تلفتتتتتتتت والله اخخخخ بطني
ريتان
رأيت الجدية بوحه الرجل ايقنت انه لم يكن يمزح
ريتان: اني اخذوني اني
آثار: ريتان هاي شدتحجين حمارة اني اقبل تموتين
ريتان : آثار تتذكرين من انقفلت عليج الباب شلون كمتي تبجين و اغمى عليج
-هسة كل وحدة بيكم تحجيلي قصة حياتهة و شنو هدفهة بالحياة و اني اقرر منو اكتلهة، شلون فكرة عجبتكم
آثار: اني ماعندي اي هدف بالحياة ريتان عدهة حلم تريد تحققة عدهة ام تريدهة تفتخر بيهة اني اهلي موجودين ابوي و امي موجودين يكدرون يساندون اللاخ اذا صارلي شي بس ريتان عدهة بس امهة و ماتكدر بدونهة، اول مرة بحياتي راح اتوسل لاحد بس الله يخليكم لا تسوون شي ل ريتان امهة تحتاجهة و ابوهة ينتضر يفتخر بيهة

بارت 1️⃣5️⃣
ريتان : آثار انتي ماتحبين تبقين وحدج انتي ماعندج احد عزيز عليج جوة التراب اني عندي ابوي و اريد اشوفه مشتاقتله....
قطع كلام ريتان الرجل ذو القناع ب قطع الحبل حول يديها ثم قدمها.
ريتان: شفتي انتي حياتج اهم مني، آثار انتي حققي حلمي و صيري استخباراتية لو عسكرية مابقة شي للتخرج روحي كرهي الارهابيين بحياتهم و انتي اخذي ثار بابا
- مو انتي الي راح اكتلج لاتفرحين، اثار كولي اخر كلماتج لصديقتج يكولون من يموت الانسان يراقب الي يحبهم من السمة انطيني اشارة اذا هاي صدك مثلاً كتبي اسمج على الحايط لو كولي اسمي بصوت عالي (زين)
آثار تضحك بقهر: ريتان انتي الي تخرجي و رفعي راس ابوج و حققي الي اني ماراح اكدر اسوي.
بدأ الرجل ب سحب ريتان الى خارج البناية ثم سمعت صوت طلق نار ثلاثة مرات انهارت ريتان بالصراخ و بدأت بضرب الباب لكنه كان صلب لم تستطع كسره.

بارت 1️⃣6️⃣
قمر
عندما ادرت مقبض الباب وقع ناظري على الزجاج المحطم على الارض و الطعام المتناثر في كل مكان، بدا الخوف يسيطر علي و هرولت الى غرفة المعيشة لارى منظر لن انساه في حياتي.
منظر غير شكلي و كل شيء فيّ، نظرت بصدمة الى امي المرمية على الارض مغطاة بالدماء يبعدهة ابي الذي كانت يده مفقودة كانت الصدمة قوية لدرجة انني بدأت بالبحث عن يد ابي، كانت يده تبعد جسمة بضعة اقدام.
حملتها و فاضت يدي بالدماء، وضعتها قرب جسد ابي و جلست بينهما.
بدأت استوعب الاحداث الى ان اجهشت بالبكاء
قمر : ماااما مو كليلي تعاي اكو مفاجأة راح تعجبج!! طلعت المفاجأة موتكم طلعت المفاجاة اجي اشوفكم مكطعين لو اجي تريديني انتحر!!
و انت بابا مو دزيتلي رسالة راح تاخذنة للمول اليوم! علمود نشتري اثاث الي هاااااا
اذا ماتريد تشتري عادي ماعندي مانع انام على الكاع حتة لو بالبانيو انام بس ارجع باااابااااا
سمع جيرانهم صراخ قمر عند دخولهم كانت قمر ممدة بين امها التي لايزال الدم يجري منها و ابها الذي قطعت يده
ام ادم: حبيبتي قمورة هاي شنو شصار هنا!!!!
قمر: ......