ذهبَ و لم يعد

موت الاعرج؟؟

بارت 3️⃣0️⃣
ناولت قمر طلب الاستقالة ثم ذهبت الى المنزل الذي تحتجز به الاعرج و ابنه
قمر: شلونكم شباب، ليش ماتحجون
هااا نسيت كصيت لسانكم ماتكدرون تحجون
قبل يوم
الاعرج: راح يلزموج و يكصون ايدج مثل ما سويت ب ابوج و يشلعون اظافرج مثل ما سويت بامج
سامان: بابا الي كتلتهم جانو اهلهة؟!!!!!
الاعرج: اي اهلهة الي راح تلحكهم بعد شوية
قمر : اسكككككككتتتتتتت لك
بدات قمر بربط قدمي الاعرج و اخرجت السكين
قمر: هذا لسانك الي جاب سيرة امي راح ينكص
بدات قمر بقص اللسان ثم اصابع يديه ثم اطلقت النار على رجله التي لاتزال في فترة التعافي
-ها شلونك هسة بس ماراح تموت قبل لا تشوف ابنك يتعذب
بدأت بفعل نفس الشيء ب سامان الى ان مات الاب و ابنه
في الحاضر
قمر: ماجنت اريد اكتلكم هيج بس انتو جبرت....
قطع كلام قمر صوت امير
امير: قمر طلعي اعرف بيج جوة ماكو احد
بدأت قمر باخفاء جثة الاعرج و ابنه لكن كسر امير الباب و رأى الجثتان
امير: قمر هاي شنووووو
بارت 3️⃣1️⃣
ريتان
اتمشى بالاماكن التي تحبها اثار اذهب الى غرفتها مزقت كل الالبسة التي تحبها
كنت في حديقة الحيوانات، كنا نجلس هنا امام القرود نتمعن بمنظرهم عندما نكون في ضيق, كنت في طريق الخروج اكنني توقفت عندما رأيت قطع فشار( شامية يعني مو غلط) كانت اثار تطعمهم فشار كل يوم خميس ك احتفال بالعطلة
ريتان: اثاااار طللعي اعرف هذا جاننن مقلب عاادي ماراح اتعارك وياج بس طلعييي
بدأت البحث عن اثار لكنني رأيت طفل يحمل بيده فشار و يطعم القرود
ريتان: هم شفت بنية بطولي تلبس حجاب؟؟
- لا الحديقة فارغة اليوم
تحول امل لقاء اثار من جديد الى رماد عدت الى الى مركز الاستخبارات لارى الجميع يتكلم حول الاعرج و موته
ريتان: الاعرج شلون مات
علي: وحدة من العسكر الي باربيل كتلته
ادم: جانت تنتقم منه لان كتل اهلهة هو
ريتان: شنو راح يصير بالبنية
ادم: ماعرف بس دزوهة للمحكمة الي هنا هسة هية بالغرفة مال تحقيق

بارت3️⃣2️⃣
ذهبت الى غرفة التحقيق لارى بنت تسند رأسها على يديها
ريتان: اكدر افوت احجي وياهة؟
-ماتقبل تحجي اي شي تكول اني راح انسجن بكل الاحوال
- بلكي اكدر اخليهة تحجي خطية مبينة شابة
سلام، اني ريتان عضو بالاستخبارات
قمر: ماراح احجي اي شي لاتتعبون روحكم وياي
- اجيت علمود اكلج عفية عليج و اني كللش فخورة بيج على الي سويتيه، جانت بلدان مو بس العراق يدورون على الاعرج بس انتي لكيتي و خلصتينه منه
- شكد راح انسجن
- مو شرط تنسجنين، اذا القاضي يسمع قصتج يمكن يخليج تتحاكمين برة السجن لان هوة ارهابي مطلوب مو شخص بريء و كتلتي
- هوة كتل اهلي! شلون تريدوني اسكتله
- اني ماكتلج سكتيله و اصلا ماعرف الي صار
- هوة كتل اهلي و اني كتلته هوة و ابنه
- 😐 شلون كدرتي تاخذي
سردت قمر الحكاية
- شوفي، كولي للقاضي كل الي كلتيلي ياه مو تسكتين و تروحين للسجن بسبب ارهابي
في المحكمة
القاضي:شلون تدافعين عن نفسج؟
بارت 3️⃣3️⃣
- استاذ اعرف الي سويته غلط بس انعمت عيني و ماتحملت اشوفه يعيش و اهلي جوة التراب
بعد ان تحدث الطرفين بالذي حدث و مدافعة قمر عن نفسها تحدث القاضي
- قمر المتهمة قمر ب قتل و تعذيب الارهابي الاعرج و ابنه خارج عن ضرورة المهنة، القرار هو السجن لمدة خمس سنين وفقا للمادة 178 من نظم او استعمل اية وسيلة من وسائل الاتصال بقصد الحصول على سر من اسرار الدفاع عن البلاد
(واحدة من اسرار الدفاع عن البلد هي الاخبار عن المعلومات المتعلقة بالقوات المسلحة وتشكيلاتها وتحركاتها وتموينها وغير ذلك مما له مساس بالشؤون العسكرية والخطط الحربية ما لم يكن قد صدر اذن كتابي من جهة مختصة بنشره او اذاعته.)

بعد مرور ٣ سنين
في مركز العمليات (ريتان)
المدير: جان اكو شخص ساعدنة هواي بالقاء القبض على احد العناصر الارهابية المهمة بالموصل
انفتحت الباب لتدخل بنت محروقة الوجه
-اريدكم تتعرفون على اثار حسن احد اهم الاستخباراتيين بالبلد
نهضت ريتان و بدأت تبحلق بوجه اثار ببلاهة اغمى على ريتان بعد ان نادت اثار
بارت3️⃣4️⃣
-ريتاان كومي ريتان لاتسوين روحج مصدومة متاكدة جنتي تعرفين انو اني عايشة
فتحت ريتان عينيها و بدأت بالبكاء
ريتان ببكاء: جان عندي امل انو انتي عايشة بس ليش هيج سويتي ليش ما اجيتيلي اول يوم ليش عذبتيني ٣ سنين
اثار: جان لازم هيج يصير محد لازم يعرف بس امي كلتله حتة ابوي ميعرف
- زين ليش اختاروج انتي مو اني
- اول ما خطفوني كالولي كل الي راح يصير ف اني كلتلهم انو انتي تجين لان متاكدة مراح تصدكين بموتي الا اذا صارت كدام عينج
- لعد ليش سالنة الرجال منو الي تريد تموت
- سخافة منة بصراحة 😑 يكول حب يلطف الجو
- شسويتي بهاي السنين
- اول يوم من خطفونة ودوني لاربيل باجتماع ويا المدراء و شرحولي الوضع بعدين رحت للموصل و بديت اشتغل ويا الجواسيس الي هناك و كدرت اصير قريبة عن ياسر(ارهابي) و جنت اوصل الاخبار للاستخبارات عن الهجومات مالته، جان راح يفجر منطقتج على فكرة بس اني عرفت ب اخر لحضة و وصلتلهم خبر و وكفوهة