شياطين الانس

2

☆ شـــيـــاطــيــن الانــــس ☆
الـــكــاتــبــة : نـــازك الــبــور ✎

الـــبـــارت " ² الــثــانـــي ² "

رزاق : سعاد ..

سعاد : هاا

رزاق : عندي حجي وياج ...

سعاد : نعممم اسمعك ..؟

رزاق : تعرفين اني دزيت نسوان لخاطر يطلبوج الي

سعاد : اي عرفت و بعد

رزاق : سعاد اني رايدج .. احبج

سعاد : و اني ماريد و ماحبك

رزاق : ميخالف المهم اني احبج .. بمرور الوقت تحبيني اني متاكد

سعاد : مستحيل رزاق ..

رزاق : اوووف .. اوووف .. ادري بالج يم معين ..

سعاد : و مو حرام اني اريده بالحلال و راح اتزوجه

رزاق : هوو رايد بسمة و راح يتزوجها

سعاد : ميتزوجها .. و انتظره لان انتوو متزوجون الاصغر .. لازم انت تتزوج فراح انتظره .. ززين

رزاق : ماشي .. ماشي سعاد .. بس مصيرج الي و تشوفين ..

عفتها و طلعت اعصابي نار .. الشي الوحيد الـ فايدني من صخام هذاا عبد المعين هوو مرايدها .. اكره و ماطيقه بارضه بس بهاي فادني .. و اني اعرف اشلون راح اتصرف ..

عبد المعين : يابةة مو اتزوج قاسم .. مادام اني كولشي كامل خليتي ازفها .. رزاق سالفته تطول

ابو قاسم : ميصير ابني ازوج الجبير يلله الـ بعده ..

رزاق : السلام عليكم

ابو قاسم .. عبدالمعين : وعليكم السلام

ابو قاسم : هلاا ابني وين جنت

رزاق : ابيت عمي .. يابة سمعت حجيكم انت و عبد المعين

ابو قاسم : اي ...؟

رزاق : مثل مكال معين اني شغلتي تطول .. خلي يزف قبلي مادام كولشي جاهز يمه.

ابو قاسم : ابني ..

رزاق : يابةةة خلي يتزوج مابيها شي العادات شنوو .. كلنا كبرنا ..

ابو قاسم : ع امركم .. مادام هذا التردوا خلاص يحصل خير ..

عبدالمعين : اني استغربت من كلام رزاق .. طول عمره هو و قاسم يعارضوني و يفشلوني و يدفعون ابوية علية .. وراه شي يخوف ...؟  بس ميهم المهم الحاصل اتزوج الانسانه الـ اتمناها .. و اخيرا بسمتي .. اروح ابشرها

ابو قاسم : هاا يابة معين وين مو كاعدين..

عبد المعين : اني من الفرحه بس ردت اطير لبيت عمتي و ابشرهم ..