شياطين الانس

5

☆ شـــيـــاطــيــن الانــــس ☆
الـــكــاتــبــة : نـــازك الــبــور ✎

الــبـــارت " ₅ الـــخـــامــس ₅ "

الطبيب : مرتك حامل

بسمة .. عبدالمعين : حاااااامل

الطبيب : اي حامل و داخله ع الشهر الثاني

عبدالمعين : متاكد .. متاكد دكتور...!!!

الطبيب : هههه مبين الطفل الاول

عبدالمعين : اييي اي اي بعد 3 سنوات دكتوور .. احمدك يارب احمدك

بسمة : اني من السعاده مصدكت ابد .. راسا كمت ابجي ..

رجعنا اني و معين للبيت و مو بوعينا من الفرح و صدمة الخبر .. مرة نضحك مرة نبجي .. يجي بنفسي اعيط و اصيح من الفرح ..

عبدالمعين : تعالي اكعدي اكعدي .. باوعي ابد متتحركين زين

بسمة : معييين ...!

عبدالمعين : عيونه ..

خليت اذني ع بطنها .. اريد اسمعه

بسمة : معييييين ...!!! ههههه

عبدالمعين : اي شي تردي كولي اي شي بنفسج .. و هاا ماكو شغل و طبخ زين

بسمة : معييين .. بعدنا وين .. لازم اتحرك حبيبي

عبدالمعين : لاا لاا اخاف عليكم

بسمة : مراح اقاتل ويا و ادخل بحرب هو شغل .. و انت شمفهمك بسوالف النسوان و الحمل هااا

عبدالمعين : اروح اقيم الليل بالمسجد .. طفرت ليم الباب و رجعت ..!!!

لااا لااا و انتي اشلون اعوفج وحدج

بسمة : عمري اشبيك هههه

عبدالمعين : فرحاااان فرحااان .. اسعد واحد بالدنيا اني هسه

بسمة : اني همين اتمنى اكظي الليل كله بسجده شكر .. عمري مدام نويت روح للمسجد

عبدالمعين : و انتي لاا ..

بسمة : وديني الليل يم اهلي و تعال باجر

عبدالمعين : اييي كومي كومي .. لاا لاا ع كيفج لتكومين ع السريع ...!!

بسمة : معييييين ...!! 

كام من الفرح لا يتحرك باتزان و لا يحجي بشكل صح ههههه شدهني كولش..

ام بسمة :  ،هلاا عيوني هلااا بالغالين

عبدالمعين : هلااا بيج عمة اشلونج

ام بسمة : الحمدلله .. اتفضل ليش واكف بالباب..

عبدالمعين : لاا عمة بس انزل غراض بسمة