شياطين الانس

النهايه

☆ شـــيـــاطــيــن الانــــس ☆
الـــكــاتــبــة : #نـــازك_الــبــور ✎

الــبــارت الـاخـيـر " الــثــامــن و الــعــشــريــن  "

حفصة : بس انت زوجها .. شكالوا ع عقد الزواج ..؟

سيف : راح اطلك ..

حفصة : و انت راضي ..؟

سيف : و شيهم اني .. هي رايده ..

حفصة : و انت. .؟

سيف : حفص تعبان .. حيل تعبان .. اني ماريد ابتعد عنها ثانية .. الحب مو غصب حفص اذا بشر ميريدك شسوي .. والله كولشي سويت كولشي مستحيل محست بية مستحيل ماعرفت احبها و اريدها.. ماكدر اغصبها ع الحب ..

حفصة : اكيد مو غصب .. بس اذا تحبها نصيحة الك لتعوف .. لتسمي روحك عاشگ اذا تخليت عن الشخص الـ تحبه ..

سيف : واذاا هي متحب اجبرهااا .. ماباقي بية عقل ..

حفصة : شلون عرفت متحبك ..؟

سيف : تخاف مني حفص تفتهمين شنوو تخااااف مني .. تتجاهلني .. متثق بية .. مجرد افكر هيج اتملخ .. گلبي كام يوجعني وجعتلي گلبي..

حفصة : و هااي املخ روحك ..؟؟ عبالي كايلتلك ماحبك لو عوفني لو ...؟  يكون بعلمك اساس الحب خوف من الشخص الـ تحبه .. ترتبك بوجوده .. راجع تفكيرك و عوف فكرة متحبي و طلاك اذا ما تخطي خطوة تجاهه لتعتب عليها .. ليكون تريدها تجيك تكولك اموت عليك ..

سيف : احساس حفصه احساسي

حفصة : هذا حساس روحلها و اكطعه باليقين .. اذا صدوك متحبك انت سويت الـ عليك

سما : مرت ايام و بديت اعود نفسي .. اصلا تعودت ع الخساره .. راح ابعد نفسي عن كل الناس .. الشي الوحيد الـ انتظره هو الموت .. بهاي الدنيا بعد ما عندي عزيز ..

بسام : انطوائية ع نفسها .. احس هدوئها جوا براكين تاكل روحها شوي شوي .. صاحبها اختفى هالفتره و حتى بقضية الطلاك ماتحرك بيها .. معقولة يكونون ...؟؟ ههه الكبرياء يقتل اي حب حتى اذا جان عظيم ..

كمت العصر للمطبخ جعت .. طبيت اسوي طماطة و بيض ..

حركت الدهن و حمست البصل .. خليت الطماطه و كبت الناااار 😨😨😨

خرررب احتركنااا 😨😨

شلت الطاوة و ركضت برا و النار شابة بيها واصله لراسي ..

سما : طلعت من الغرفه شفته يركض و نار واصله لراسه ..
يمةةة هااي شكووو ...؟؟
طلعت اركض ورا بالحديقه ..!!!!

كالب الطاوة و الطماطه و البصل بالحديقة ..؟؟ 😒😒

بسام : اريدها تطفى ماكوو .. الدهن مشتعل ناار .. گلبت الطاوة بالحديقة يلله طفت .. خرب الطماطه 😭