شياطين الانس

12

اعتـذر منـكم يا اجمل نيـازك .. طبعـا ماكو انترنيـت يمي اضطريـت اشترك ع الشريحـة و انشـرلكـم
متابـعه ممتعـه 🌹

☆ شـــيـــاطــيــن الانــــس ☆
الـــكــاتــبــة : نـــازك الــبــور ✎

الــــبــــارت " ¹² الـــثــانـــي عــشـر ¹² "

سما : حسيت صوته مو طبيعي .. طبيت ركض ..

يابةةةة اشبيييك يابةةةة اسم الله عيووووني اسم الله ..؟؟

لكيته واكع بالكاع .. كومته ع الجربايه نومته ..
اشبيك عيوني يابة ..؟؟

عبدالمعين : بنتي ماكدر احرك رجلية ..

سما : شلون يعني ...؟؟؟؟
يابةةة حاول حرك وحده بيهن ..

عبدالمعين : حاولت بنتي حااولت ردت اكوم من ع الجرباية مكدرت ماحس برجلية فوكعت بقيت انتظرج ..

سما : اني كمت ابجي ...

ياعيوني انت .. بية و لا بيك ليش هيج يابة ليييش تسوي برووحك شوووف شسويت .. ؟؟؟

عبدالمعين : لتبجين عمرري لتبجين

سما : لازم اوديك للطبيب ..

عرفت شلل .. ابوية انشل من القهر كمت اشهك بالبجي ..
اخذت موبايله و دكيت ع حسن .. ما اجة ابالي احد غيره يساعدني ..

الوو ..

حسن : نايم كعدت ع صوت الموبايل .. منووو ديدك هسه ... عمي معين ..!!!!

الووو ..!!!  سمااا..؟؟

سما : حسن تكدر تجي عفية

حسن : شصاير ليش تبجين ..؟؟ جاي جاي دقايق ..

كمت ركض غسلت وجهي و نزلت .. فتحت الباب و طبيت ابيت عمي ..

سماا ..!! 

سما : صعدت لبست عباية اسلاميه و لفيت راسي .. لما اجه حسن ..

ساعدني اودي ابوية للمستشفى

حسن : شبي عمي شبي ..؟؟؟

طبيت للغرفه ..

شلونك عمو ..؟

عبدالمعين : هلااا حسن هلا ..

سما : ساعدني نودي للسياره

حسن : كومنا اني و سما بس مافتهمت شصاير بس اباوع ع سما تبجي .. كعدنا بالسياره بالصدر و صعدت سما ليورا .. طول الطريق هي تبجي بصمت ..

وصلنا للمسشتفى نزلت جبت كرسي متحرك .. كعدت عمي و دفعته لغرفة الطبيب

الطبيب : شنوو حالته ..؟

سما : دكتور يمكن شلل .. اني احجي وابجي اتمنى اموت بداخلي ..

الطبيب : حولوا ع الجمله العصبيه خلي ياخذوله مفراس و فحوصات كامله للجهاز العصبي ..