شياطين الانس

20

☆ شـــيـــاطــيــن الانــــس ☆
الـــكــاتــبــة : #نـــازك_الــبــور ✎

الـــبـــارت "₂₀ الــعـــشـــريــن ₂₀"

سيف : بقيت صافن .. اكيد عبالها دنام وياها ..؟؟؟؟  و اذا احجي يمكن تاذيها ..

فكري بعرضي زين ..

تسواهن : هااي شحجت وياه و هيج يريد يطلعهاا منااا لعبهاا هذاا مو يم تسواهن ..
خليت الولد يطلع و رحت عليها ..

شدتخططين من وراية لججج

سما : طبت عصبية ..؟؟؟ 

و شصاير ..؟

تسواهن : رحت جريتها من شعرها ..

بااااعي طلعة منااا ماكوو ززززين

سما : آاااااي .. ايدج عنييي

تسواهن : هذاا راسج اكسرره .. تطلعين جثة منا

سما : كتلتني و طلعت .. بقيت كاعده ويا الحايط ابجي .. كلما اكول وصلت لسبيل خلاصي تتعرقل ..تعبتتتتت

اني شسويت بدنيتي حتى هيج يصير بية .. يا ذنب سويت و مادري ..؟؟ اغفرلياه ربي .. اغفرلي ذنبي .. تعبت حيل تعبت .. تعبت والله .. يابةةة اريدك يمي ..

فراس : بربك ... هاي غبنا كم يوم اخذت طريقنا لتسواهن هههه

حسام : صدوك تحجي ضلع

سيف : اي ..

حسام : قبل اشوي كلت رجعت لعقلي اصلي و اصوم كل يوم اثنين و خميس و هسه بيت دعاره ..؟؟

فراس : عمي ارجع ملحد لا يعبرن يومين و تكوم تبوك .. اخلاقك فسدت😂😂😂

سيف : لك راح اهفك بالنفاضه ..

تتذكرون البنية الـ تكتل الزلم يم تسواهن

حسام : اي

فراس : شبيها .. لتكول رحت عليها ..؟؟

سيف : بالضبط ..

حسام : و شصار ...؟؟ اكلت كتله لا ..؟

فراس : و شتسوي رايح عليها ..؟

سيف : لا .. صار فضول اعرفها .. فد اشوي هم امرلها

حسام : انطتك نفسها 😉

سيف : استغفرالله .. لك لااا .. اريد اطلعها بس ماكو طريقه ..

فراس : وليش اتطلعها .. حبيتها 😉

سيف : لااا اني وين و الحب وين .. عندك حل اطلعها احجي ماعندك اكرمني بسكوتك ..

فراس : سهلة .. اشتريها

سيف : حاولت .. تسواهن متبيع

فراس : اشتكي عليها كول اختطاف و هي من اهلي ..! و عندك حسام محامي يمشي بالقضية ..