شياطين الانس

10

ملاحـظة : حـوار سيف بـ الحاد و تمرد ع الله .. ياليت تقرونه و تستغفرون .. لان واقعيه مكدرت اغير بالنص مع انو هواي من حواره اختصرته لان ملحد
متابعه ممتعه 🌹

☆ شـــيـــاطــيــن الانــــس ☆
الـــكــاتــبــة : نـــازك الــبــور ✎

الــبـــارت " ₁₀ الــعـاشــر ₁₀ "

صعدت انام لان متكسره احس .. خليت راسي ع المخده .. اجا ابالي حسن .. طول الكعده ماسمعته يسولف .. هادئ .. حسيته فرحان .. مرتين او تلاثة صار عيني بعينه .. شكد احاول اتفادا ماكدر .. وجهه يربكني ..
معقولة هذا حب ...!!!؟

فراس : لك ضلعي والله فاتتك ليلة البارحه .. دارتنا مداراه تسواهن

حسام : طبعااا اتدارينااا الفلوووس و صرنا زبائن دائمون ههههه

فراس : هييييي انت وين صافن ..

سيف : مصافن اسمعكم اسمعكم

حسام : اكولك اشو انت ملحد و ضارب الدنيا بدفرة يعني لازم باب جهنم .. شبيك لا سكر لا جكاير لا نسوان ليل .. لو ماتلحد احسنلك .. عليمن ثاير ع الله. ..؟

سيف : لك بابة الالحاد شي و هالسوالف التعبانه شي لان اني اهدم صحتي بهالسوالف شستفاد .. داخل بتحدي ويا هذا الفوك .. مو يكول حدودي لحد يوصلهن ماطخ حدوده ماندك بي و مايندك بية و انيي اختار جهنم حتى لو فتحلي باب الجنه ..

حسام : بربك تتحدى الله .. اشكد ملحد

فراس : بس هو ملحد شريف ههههههه

حسام : هههههه والله صدك انت انظف من هواي يصلون و يدعون الدين

سيف : يلله ضلوع صار وقت اروح للبيت ماريد اتعب امي تبقى كاعده متنام الا من ارجع ..

حسام : مرخوص ضلعي ..

سيف : رجعت للبيت .. 10 سنين داخل بتحدي وياك .. قدرتك ماخلتك تدعمني بهالسياره و تنتقم مني و تشوفني عذابك ..؟؟؟ وينك هاااا ...؟؟؟

حفصة : شرف الاستاذ ..

سيف : يا ستار ..

حفصة : انت مترحم بحال امنا ميصير هيج تعذبها

سيف : و شمسوي .. عاقل و حباب ..

حفصة : ياخي ميصير ياعيوني درجع مثل قبل مو دمرتنا اشبيك تخبلت

سيف : هسة اني حر اني و ربكم انتو شكو تدخلون

حفصة : سيوفي الله لطيف بعباده لتتوقع يقسي عليهم لو ياذيهم و خصوصا المؤمن يحبه و يطهره و يفضله يعصمه من هواي اخطاء ينصره ع شر نفسه

سيف : يا حب يا لطف ...؟؟ ماكلتله اخلقني و شوفني المايشوفه نبي ..

حفصة : اختبار ياخي اختبار لازم يختبر ايمانك انت جنت ملتزم لازم يشوفك مؤمن صح لو جذب و نفاق