يا محلا ذيج ايامنا الماترد
همس القوارير
البارت الثالث
مثل ما گلتلكم ضلت علاقتي بحسن كانت اعجاب فقط مو حب وما تغير شي المهم مرت الايام وبقينا مثل ما احنا اختي فرح بطلت من المدرسه لان رسبت ومقبلت تكمل المهم بطلت بالثالث متوسط وكانت حلوه ومرتبه احلى مني وهي اصغر مني بسنتين اجوي اقاربنا خطبوها كانوا خوش ناس والولد حباب ويشتغل وحالتهم زينه بس بابا مقبل گال ميصير تتزوج الاخت الصغيره قبل الكبيره كان يخاف على مشاعري وفرح كولش ضاجت بوكتها واني لان كنت احب خواتي ما اهتميت انو هي تتزوج قبلي اصلا كان عندي السالفه عاديه
جوري: بابا حبيبي والله اني ما انقهر خليها تتزوج قبلي اني بعدني داكمل دراستي
بابا : لا بابا ميصير انتي الكبيره وانتي لازم تتزوجين قبلها
جوري : بابا اذا تحبني وافق والله راح ابقى مقهوره طول عمري اذا انت موافقت والله بابا أني ما اريد اتزوج ليش نضيع القسمه الزينه منو يكول تجي مرة الخ حباب وافق لا تخليني اصير حجره بطريق اختي وتضل تكرهني
بابا : ماشي بابا اني كنت رافض لخاطرج ماطول انتي موافقه خلاص اني موافق حبيبتي الله لا يجيب كره بينكم
جوري : الله يخليك ألنا يا غالي وما يحرمنا منك
وفعلا ردينا خبر لاقاربنا بموافقتنا وتزوجت اختي الثانيه فرح وكان زواجها كولش حلو وهي همين تخبل وزوجها تخبل عليها يموت بيها بس من طلعت من عدنا وزفوها لبيت زوجها ضلينا نبجي عليها بس مو مثل سحر لان سحر كانت كبيرتنا وكانت تحل مكان ماما من تطلع فكولش اتأثرنا عليها بس معافتنا بقت بالاسبوع تجينا تبات يمنا المهم خلي اسوللفلكم شنو صار بعرس فرح من صار عرس فرح اجوي بيت خالتي وابنها وبناتها اثنين ضلوا عدنا اجوي من بغداد وبقوا يمنا علمود العرس واجه وياهم ابن خالتي كان شاب وحلو ومرتب اسمه عبدالله بصراحه نعجبت بيه كولش اهل بغداد مرتبين ونازوكي وشكله حلو واني ما اقاوم الحلوين هههه وهو نفس الحاله نضرات واعجاب وضحكات وسالفات وصارت ملاطفه بينا وبصراحه بديت اقارن بينه وبين حسن اصلا لاشي گدام حسن عبدالله كان موضف ومتمكن وشكله يدوووووخ وحسن شكله مقبول بس لا مستقبل ولا شي كنت مخليته هيج للتسليه فبقينا اني وعبدالله واحد يحب الخ بعد العرس رجعوا لبيتهم لبغداد وضلت صورته وكلامه ابالي حسيت حبيته ما ادري حبيت عيشتهم وحياتهم مكنت اعرف افسر الي بداخلي بقينا على اتصال كنت مرات من ادك عليه من الارضي حتى احجي وياه تشيله خالتي واسده بسرعه ومرات هو يجاوبني ومن نحجي ونسولف احد يجي لو اني اسده لو هوه يسده وبقت علاقتنا مستمره بالتلفون وواحد حب الخ وبقينا نسولف مرات ومرات يجونا من بغداد ونتشاوف هو همين حباني الولد
ولكن ما استغنى عن حسن معودين الكروه صودك كذب مشتركه بسلفه ووراي التزامات ههههه وفعلا كانت علاقتي حلوه بعبدالله بقت ما يقارب سنه وبعد السنه كلم امه بموضوعي وکاللها اريد اخطب جوري لان احبها واريدها اشو هذه خالتي ما قبلت عليه ما اعرف ليش وكولش انقهرت مو على عبدالله لا لان خالتي موافقت عليه وبقت علاقتي بعبد الله مستمره لحد ما بده يسحب نفسه شوي شوي وما اعرف شنو السبب ومن اسأله يكولي امي هي السبب كولش انقهرت من خالتي وبعدها سمعت امه خاطبتله وراح يعرس ولحد الان ما اعرف ليش خالتي رفضتني كانت اسبابها تافهه ومالها معنى تمنيت اعرف ليش ما رادتني رغم كنت احبها ومن تجي اداريها وتشوفني شلون نادره ولهلوبه واخلاق المهم مالها بالطيب نصيب يلا مو مشكله بصراحه منقهرت هواي ما اعرف ليش لان يمكن كان مزاجي متقلب ومداعرف شنو اريد بالضبط بقيت نفس وضعي ودوامي ومتغير شي نفس الروتين الي بحياتي خليني ارجع لحسن افضل اوووف افتر افتر وأرجعله يمكن حضه المسكين ذاك اليوم امي
ماما : لج جوري غيري ملابسج خلينا نروح للسوك نشتري ملابس للعيد
جوري : يوم خليها على باجر ما بيه حيل وتعبانه
ماما : لا يا باجر امشي نروح هسه اني مصدگت اقنع ابوج بالروحه
جوري : اوووف هسه اجي خلي اجهز نفسي
وبدلت ملابسي ورحنا للسوك وافترينا المحلات محل محل امي مو بسرعه تقتنع بالشي طاحت رجلينا لحد ما طبينا دنشتري من محل يبيع ملابس حلوه وداختار التفت واشوف ولد ابيض وطويل وعيونه جوزي وشعره سبل وجوزي وشكله حلو يباوع عليه واني بالبدايه عود ابيع ثگل وما اباوع بس بعدين شفته ما نزل عيونه من عليه بادلته نفس النضرات لان شفته صاك وما يتفوت معوده جوري من عقلج متباعيله هذا الگمر صودك ما عندج عقل شنو راح تبقين على حسن المهم خلصنا تسوق منه ودنحاسبه واخذنا اغراضنا منه وهو بعده معجب بيه ويباوعلي من رجعنا للبيت واني دارتب بالاغراض فتحت الاكياس واشوف ورقه بيها رقم تلفون واني ضحكت عرفته هو الي خلاها ويريدني اخابره اوووف منه شگد جريئ واني ما اقاوم هالنماذج ضميتها عندي لوقت الحاجه ههههه اوووف يا جوري اجاج غير لهو وشلونه عينه يدوخ
