يا محلا ذيج ايامنا الماترد
همس القوارير
البارت ١٢ والاخير
بعد ما لزم السيد الورقه بيده وبده يتمتم بكلمات ما مفهومه ولا معروفه ضل هيثم ينشال وينرگع بالگاع ونفسه ضل يتعالى عبالك ديعذبون بروحه وكل شويه ينگلب على جهه ويصرخ وفعلا طلع ديعذبون الجن الي ساكن بيه من بده السيد يقره ويعلى صوته اخذ المقص وقص ايد المجسم الي خلاه على جسم هيثم من ورق
ما حسيت اله هيثم يصرخ
هيثم: اخخخ ايدي ارحمني ايدي
السيد : راح اعذبك مثل ما عذبته للمسكين
وبده وقص ايده الثانيه
وهيثم لواها لايده ويصرخ ايديه حرام عليك
وبعدها بده يقص برجلين المجسم وهيثم يصرخ لحد ما لزمه للمجسم من راسه وقطعه بالمقص
راسأ هيثم وگع وفرش ايديه ورجليه وبعد ما سمعناله صوت اني خفت داروح عليه وصاح عليه اكعدي بمكانج ورجعت بمكاني وبده يختم الجلسه مالته ورى شويه وكعد هيثم وبده يسأله السيد شنو شفت شنو حسيت
هيثم : كولشي ماكو سيد كنت نايم ما ادري
كل الي صار بهيثم وهو نايم ولا يحس ولا يدري بالدنيا
لحد ما خلصت الجلسه وراح السيد وشوفنا لهيثم المقطع مالته ضل متفاجئ من الي صار واستغرب انو هو هيج صار بيه من غير ما يحس هنا بده شويه يتغيير هيثم بدت شويه نفسيته ترتاح ضلينا تقريبا شهر ورى الجلسه مرتاحين الحمدلله وحياتنا حلوه واستقرينا وخفت مشاكلنا بعد تقريبا شهر او شهر ونص من الجلسه كان هيثم نايم ورحت اخذت موبايله ودافتحه ميفتح لان خاله رقم سري كمت بدلت الشريحه مالته وخليتها بموبايلي وفعلت الوتساب على موبايلي لگيته بعده يراسلها ويدزلها صور ومن هالسوالف بس من شفته شلون يحجي وياها وشلون هي تحجي متت قهر وفريت واحتاريت شنو اسوي واكيد رجعتله السحر من بعد ما فكينه منه وضليت افكر كمت كتبت رساله
جوري : انتي شتردين من عدنا الله لا يوفقج انتي خربتي حياتنا انت وحده حقيره لو يريدج كان زوجج بس هو يضحك عليج مخليج للونسه والنزوه مالته لان رخيصه ما يريدج ويريدني اني والدليل من زعلت تخبل لحد ما رجعني لبيته ولجهاله وانتي ما فكر حتى يرضيج او يزوجج لان انتي رخيصه واني العزيزه الغاليه كولش كافي تالي الليل يبقى نايم بحضني واني مخليني هيبه اله گدام الناس وانتي بالخفيه لان انتي غلطه ونزوه فكينا الله ياخذج ان شاءالله وين الله ويصير بيج مرض وتلتهين عنا
دزيت الرساله ومسحتها من شفتها استلمتها وبعدها حولت الشرايح ورجعت الموبايل بكعدة هيثم بس مشافني الحمدلله ما اشوف اله الرسايل بدت رگع جدوره هههه على موبايل هيثم اني خفت هو ما فتح الرسايل يمي طلع بره يفتحهن تردون الصدك اني گولت عزه العزاني اليوم اني مكتوله حي عالصلاة خليني احضر هديماتي وذهباتي واتكل على بيت اهلي قبل لا تصير اليوم اله طحين هسه اكيد گايلتله على الرساله وكاعد تشكيله وتتبكك خلي الحك على روحي احسن هم صدك حضرت ملابسي وغراضي وعبايتي خليتهن على جه گلت بس يحجي وياي اطلع من البيت لان صدك بعد ما اتحمل اجه هيثم من الباب
هيثم : وينج جوري
جوري : عزه اجاني الموت
ما اشوف اله هيثم اجه حضني ويبوس بيه
واني ضليت فاكه حلگي شنو هذا حلم ههههه
هيثم : انتي الشريفه والعفيفه والطاهره انتي مرتي ام جهالي وحبيبتي ومالي غنى عنج
اني مستغربه وصافنه يا هاي شنو شصار شنو حجتله يمكن گامت تغلط عليه وهو شافها او شي والله ما ادري شنو صاير على العموم شعليه بيها اهم شي هو زين وياي والحمدلله وبقى يبوسني ويحضني واني مكيفه وبنفس الوقت مستغربه ورى هذه الحادثه الف الحمدلله هيثم تغيير شوي وصار زين وياي ويه الجهال وگلت فتره وعدت والحمدلله لاكن بعدها هم رجع عليها وضل نفس ماهو يوميه الزمه ويه وحده يوميه وحده شكل ولون وزاد ما نقص وتعبني حيل وهملني وهمل الجهال ومره من المرات برمضان هذا ألي فات واحنا دنتفطر اجه هو وبيده مسواك هو اصلا ميصوم بس اني والبنات لان يگول ما اتحمل جوع وعطش المهم كنا كاعدين نتفطر اني والبنات وهو جاي البنات ما كاموا اخذوا منه المسواگ لان ديفطرن ما حسيت اله اجه بعصبيه وگلب صينية الفطور علينا وخلانا كولنا نكوم اني بجيت من حرگت گلبي يعني ليش انت فاطر وهن صايمات وديفطرون ليش هيج طلعت الفطور علينا ليش انت متخاف الله
وهو ساكت ميحجي
شتردون حالي لحد الان هو هذا هيثم ولا تغير صاير عصبي نار ومينحمل وتندمت لان حاربت اهلي واخذته وليش ما سمعت كلام امه من گالت عنه عصبي ضليت گاعده لخاطر بناتي صاروا عندي اربع بنات واولاد اثنين يعني نعمه من الله ليش تتبطر على نعمتك والله احجي وياه ودموعي نار كبره لشوكت ابقى صابره ومتحمله هي هذه نتيجة اغلاطي الي ارتكبتها واني شابه هسه دتطلع عليه هو هذا عقابي لان ما مشيت عدل بس والله ما ضريت احد ولا اذيت احد ما عرفت شلون اتصرف وياه تعبت ولحد الان اني باقيه ويه جهالي بيتي وما طلعت منه ومتحمله كول المرار الي صار عليه تمنيت ترجع ذيج الايام حتى اعرف شلون اتصرف وشنو اسوي ياريت الزمن يرجع يمكن كانت هواي امور تغيرت لان ماكو نتيجه منه لا راح يتغير ولا يتحسن بعد راح وجرفته ملذات الدنيا وبعدته عن اخرته
بهيج مشكله كبيره لازم المرأه تتصرف بحكمه بمدارتج اله وراحته بالبيت واسلوبج الحلو لو يجيبوله ملكة جمال ما تعجبه لان انتي مليتي عينه وقلبه وحياته ولازم تصونين نفسج وانتي قبل الزواج لان مثل ما انتي صنتي نفسج عن ملذات الدنيا راح تلگين واحد صاين نفسه الج خاص ربج هيج خلاه علمود يجازيج ويكافئج واذا صرتي مثل جوري راح يكون مصيرج مثل مصيرها بالرغم خطيه تابت وصبرت وتحملت عسى ولعل بمرور الوقت ينصلح حال زوجها ويكون رب العالمين عفى عنها صح اكو رجال عيونهم ما تنملي مثل هيثم وشفتوا شلون جوري ممقصره بس بالحكمه والحجايه الزينه والطيبه تكدرين ترجعين زوجج وابو بيتج ومرجعه الج انتي الاصل حتى وان دور صدكيني مجرد ما يمل يرجعلج لان انتي حبيبته وهن مجرد نزوه وبنات ليل وسهر
ربي يهدي ازواجنا ألنا ويحفضهم من كل شر ويبعد عنهم بنات الحرام
اريد رأيكم بالقصه بصراحه وما اريد لا م ولا متابعه انطوني أرائكم والقادم اجمل ودمتم سالمين
