يا محلا ذيج ايامنا الماترد
همس القوارير
البارت السابع
من طلعت ورى هيثم من غير ميحس سمعته يحجي بالتلفون
هيثم : هاا حبيبتي شبيج ضايجه اليوم ما اكدر اجي هسه تدرين بيه اني بالبيت وما اكدر احجي وياج خليها على باجر باي يروحي
جوري من سمعت هيثم يحجي ويه وحده غيري واني شتردون حالي شنو اوصفلكم وضعي جسمي كوله يرجف ودموعي من غير ما احس تجري على خدي يمه مو قهر نار جهنم اشتعلت بصدري عزه بعينج جوري ودك على وجهي يمه راح الرجال من بين ايديه وين اروح وين انطي وجهي طلعت عليه واني ابجي صدمه واهانه وقهر وتعب الصبر والسنين كوله راح بغمضة عين
جوري : هيثم منو دتحجي وياها بنص الليل
هيثم : صديقي يكولي امي متخربطه وتعال نوديها للمستشفى
جوري : لك انت تكذب عليه اني سمعتك بأذني تحجي ويه وحده ليش ولك اني بشنو قصرت اشو النهار كوله على اربعه وعشرين حبايه بيتك نضيف وبناتك كولها تحلف بتربيتهم داريتك وداريت اهلك وجهالك وفلوسك وبيتك شتريد بعد متكولي شتريد
هيثم : لا حبيبه والله اسف هاي وحده هي فرضت ر وحها عليه واني مالي دخل بيها عايفها بس هي تلح منو تستاهل مكانج انتي غلات روحي
جوري : شنو تلح وما تلح لو تريد
ما تحجي وياها وتكوللها حبيبتي وما حبيبتي انت حلتلك السالفه وتونست عليها بس انه اعرف شلون اتعامل وياك
هيثم : لا صدكيني غلطه وما تكرر انتي مرتي وام جهالي ومالي غنى عنج
جوري : عوفني ما اريد احجي وياك وخر عني لا هسه الم الدنيا عليك
وما اگوللكم بنص الليل صارت مشكله شكبرها وعفته وطبيت لغرفتي وكعدت الطم وابجي واملخ بروحي بعدها من هدئت اعصابي شويه گلت مستحيل اخليه ألها هذا زوجي وبيتي وجهالي اولى بيه لازم احارب حتى ارجعه وما اطلع من البيت وتعوذت من الشيطان وتوجهت لربي بالصلاة والقرأن وزعلت عليه وما حاجيته وهو كان يتخبل من ازعل عليه ويضل بس يتوسل بيه ويرضيني وبدت حياتي تتغير صارت جحيم كولشي تتحمل المره اله الخيانه خلوني عايشه بخرابه ولا اكل ولا شرب وگلبه ألي ولا اشوفه بحضن غيري ضليت النهار كوله اراقب وافتش وكشفت ضيم وضلايم عرفت عنده علاقات لا وحده ولا اثنين وزواج متعه وحتى مأجر شقه للفساد هو وصديقه وبقت حياتي امر من المر وعذاب بس تحملت لخاطر بيتي وجهالي ومكدرت اسوي اي شي بس اتعارك وياه وارجع ثاني يوم عادي وتحملت الي محد شافه ولا تحمله من اهمال وحتى مسواگ لجهاله ما يتسوگ ويبخل على جهاله وما يشتريلهم شي ويروح يذب فلوسه على الي ما يخافن الله وكلما اتعارك وياه يطلع من البيت واحتاريت بزماني وبحياتي يربي معقوله هذا عقابي معقوله هاي العاقبه بس لشوكت والله كافي هذا العقاب مينحمل اختبرني وعاقبني بغير شي ياربي والله تعبت ونهارت اعصابي هذا كوله طحت بشر اعمالي لو كنت صاينه نفسي من البدايه مكان هذا حالي لو ملتزمه من الاول مكان هذا وضعي اوووف يالقهر وكبرت قبل اواني ومره من المرات راد يتزوجها وهددته انو احرگ نفسي واحرگ جهالك وبيتك وياي وهو خاف لا اسويها صدك وبطل من الزواج بس بقت علاقته بيها واني شربت المر من وراه يعني شأسوي شلون اتخلص منها شلون اشيلها من باله معقوله هو يحبها معقوله تسويله شي اني ممسويته اله اني مخليت شي يعتب عليه داريته مثل رمش العين شنو هالقهر ربي رحمتك والله مداتحمل الي يصير
