يا محلا ذيج ايامنا الماترد
همس القوارير
البارت ٩
من كسرنا جامات الباب ودندخل شفته لهيثم ديطلع من الحمام يركض بدون ملابس يا دوب لابس شورت وشفت عالارض گاب وشحاطه ضليت ادور واصرخ بالبيت مثل المخبله
جوري : ولك ليش بيتي وعلى فراشي ولك البيت ما عنده حرمه عندك دمرتني الله لا يوفقك ما اكسر خاطرك
ومن الصريخ والبجي اجوي امي واختي وامه واخته وزوجة حماي يردون يكضوني ماكو بس اصرخ وابجي وادور بالبيت مثل المخبله وحسيت البرده مالت الصاله تحركت واروح اركض عليها وشفتها ربي كما خلقتني كولشي ملابسه ولك هي هاي ولك هي هاي الي خنتني علمودها ولكم عبده عبده وكضيتها واضرب بيها ولك دنت نفسك على وحده عبده اني بشنو قصرت وياك
وهو يصيح
هيثم : صح انه غلطان بس خلوها تطلع صوجي اني مو صوجها
جوري : صوجك مو وتدافعلها بعد اني اوريك يا هيثم اله اخلي المايشتري يتفرج عليك
واني متت قهر من شفته شلون يدافع عنها ويريد يطلعها ما حسيت اله وانغمى عليه وحاطاتها خواتي وگطعنها تگطع وكامت حماتي لبستها عبايتها وطفرتها على بيتها ومناك انطتها ملابس وشردتها لبيتهم واني ما احس اله خواتي يمي يكعدون بيه وصحيت على نفسي وضليت بس ابجي بعدين دخلت غرفتي وما اشتهيها يتراوالي نامو على سريري وكعدوا بمكاني حسيت اشمئزت نفسي واني داطلع وعيوني عمت من البجي لکيتها مبقيه موبايلات ٢ عدها اخذتهم واخذت ملابسي وشغلاتي وذهبي ورحت لبيت اهلي وراحوا جابو الجهال وذبيتهم عليه كتلهم ما اريدهم يطلعون مثل ابوهم فقدت وتعبت وحسيت خسرت كلشي وصحتي راحت وتمرضت بقيت اسبوع بيت اهلي واول ليله رحت بيها فتحت الموبايل مالتها وشنو اشوف ياا يااا عزه العزاج شفت تطك لنفسها صور من غير ملابس وتدزهن لرجلي وبعد رقمين غير هيثم وتدز مقاطع صوتيه والله تفشل واني متزوجه وعندي كومه جهال استحي احجي هيج ويه زوجي حلالي هذه شنو من حثاله شنو مره شگد بايعه نفسها شگد رخيصه ووضيعه شنو هالمجتمع الي احنا بيه ليش وصلتنا لهلمستوى يا هيثم وادعي عليه من حرگت گلبي بعد اسبوع بيت اهلي واجتني بنتي الكبيره ماما والله بابا متندم والله بابا مقهور والله احنا ما نتحمل بعد تعبنا عفتها ودخلت گوتلها ان شاءالله بس روحي ديري بالج على اخوانج
ودخلت البيت وتلگتني امي
ماما : يمه مكافي انتي بجهه وجهالج بجهه
جوري : يمه ما اكدر نفسي ما تتقبله
ماما : والحل شنو راح تضيعين بناتج يا يمه همين خطيه
جوري : والله ما ادري شسوي لان تعبت
ماما : خلاص رجعي وگوليلهم لا يجي للبيت
جوري : اي اله هالشكل خليه ياخذ اغراضه ويطلع من البيت ما اريد اشوفه لو ما البنات والله فلا ارجع
ماما : خلاص اليوم نودي على اخوه ونفهمه بلوضع
وفعلا دزينه على اخوه واجه وحجينا وياه گناله ترجع للبيت بس هيثم ميطب للبيت اخوه خطيه همين اعتذر وگال متفشل من سواة اخوه وحقها خلاص ترجع لبيتها وما يطب للبيت بس مجرد ينطيهم مصرف وخلاص
وفعلا ثاني يوم رجعت لبيتي وخطيه الجهال يحضنوني ويبوسون بيه بقيت ثاني يوم اجو اخذوا ملابسه هو كان معتقد اني ما راح انطي ملابسه وراح احن عليه واگوله لا عفيه لا تطلع بالعكس قسيت قلبي وكرفت كول ملابسه ودزيتهن اله
وراها بيوم اجه للبيت يبوس بيديه وجهي ويتوسل بيه حتى بس ارجع للبيت واني بالبدايه ما قبلت هيثم : لج جوري اني حبيبج هيثم هيج اهون عليج
جوري : هههههه ذاك اول حبيبي هسه متعنيلي شي
هيثم : لا ممعقوله انتي ام گلب الطيب ولج اني ابو جهالج
جوري : ولعد ليش ما فكرت قبل لا تسوي مصايبك انت ابو جهالي ليش هنت عليك واني مرتك وعاندت اهلي والدنيا واخذتك
شگد كنت مغفله ومغشوشه بيك
هيثم : جوري فدوه اروحلج خليني يمكم ما اكدر بدون الجهال
جوري : خلاص ابقى بالبيت بس كل واحد منا بغرفه ولا تجي يمي
ولا اعرفك ولا تعرفني
هيثم : ابد ولا اجي يمج خلاص اروح اجيب اغراضي واجي
وراح جاب اغراضه وخليته ينام بالهول وطبعا من بعد ما ضل ساعات يتوسل
