#غربة_الروح
همس القوارير
بيج قصص همس القوارير
البارت الأول
لكل منا حكايه ولكل منا قصه لا تخلوا من طابع الحزن والاسى ها أنا اليوم اروي لكم من جديد قصة فتاة عانت ما عانت منذ الصغر في زاوية من زوايا الحياة اتكلم لكم عن نفسي
اني نغم عشت بعائله متكونه من اربع بنات وولد ٣ اخواني محمد وصادق وعلي وخواتي ريم وميسم وزمن واني نغم جنت اني الصغيره اخر وحده عود اخر العنگود عشتو لاشفت دلال ولا شفت صخام عود جنت اسمع الصغيره مدلله اني كولشي مشفت بس جانوا اخواني وخواتي صدك يحبوني اكثر من الباقي وهمين جنت حلوه شگره وعيوني ملونه وبيضه جنت طالعه على بيبي ام ابويه واخواني الباقين كولهم بيض وحلوين بس اني الوحيده بيهم شگره امي كان اسمها جنان وبابا كان اسمه مصطفى من وعيت هالدنيا وابويه كولش بخيل اللگمه علينا بالحسره كنا گاعدين بيت قديم متكون من غرفتين وحده صغيره وحده كبيره وهول صغير ومطبخ صغير وصحيات وحوش شويه كبير وبيه مرجوحه حديد اگعد بيها كلما اضوج وابويه معلم ويشتغل العصر تكسي السياره كانت مالت صديقه وهو مجرد سائق بيها وهمين مو بس بابا بخيل كان حصار اوضاع العراق كوله تعبانه بس احنا اكثر مضلومين من ورى ابويه كنا من يخلص عدنا التمن وحده تگول للثانيه انتي گوليله لان نخاف نگوله خلص التمن يلعب بينا طوبه وفوگ هذا كوله حبسه بالبيت لا طلعه ولا طبه بس كان اكو شباك بالمطبخ يطل عالدربونه مالتنا نگعد نباوع منه اني وخواتي وأكلنا كوله باذنجان تسويه امي ألنا بابا غنوج يعني تشويه وتحمسه ويه بصل لو طماطه گلي والغدى اكثر الاوقات عدس بدون لا لحم ولا شي ومرات نسويها صفره لان ما عدنا معجون بس نشبع ابطونا وهاي هيه وكانت منطقتنا شعبيه وجيرانا ناس طيبه من اهل اول كنت اشوف البنات الي بعمري تلبس وتكشخ وتشتري واني اباوع عليهم من الشباك واگول ياربي شوكت نطلع من هالبيت ونشوف الدنيا مثل الناس لا ملابس بيها خير ولا اكله عدله ولا اثاث بيه خير بس شنگول الحمدلله امي كانت كولش حنينه علينا وتحاول ترضينا خطيه بس ما بيدها حيله كانت تدخل علينا جيرانا ام تحسين علاقتها قويه بماما وكانت خياطه قديمه وبطلت خياط لان صار عدها انزلاق بضهرها ومنعها الدكتور من گعدة المكينه وقررت تعلم امي الخياطه لان تنقهر عليها وعلى وضعنا
ام تحسين
لج عيني جنان هسه انتي شمگعدج عنده رجال لابيه خير الج ولا جهالج متگوليلي شنو فايدته
جنان
منو ألي يا ام تحسين اهلي حالهم اردى من حالي واني عندي كومه جهال يعني شسوي
ام تحسين
اي والله خيه حقج محد يتحمل هالگد جهال بيته خليج على الطماطه مالتج احسن من الماكو
