#غربة_الروح
همس القوارير
بيج قصص همس القوارير
البارت ١١
كعدت ثاني يوم الصبح سويت ريوگ لتحسين وراح للمحل ونضفت البيت وكعدت عمتي ام تحسين وخالته وبنت خالته سويتلهم ريوگ وگعدوا يسولفون ويتريگون واني رحت اسوي الغدى اسمع ام ابراهيم تحجي ويه عمتي
ام ابراهيم
مبينه چنتچ خوش بنيه حبابه وگايمه بيكم
ام تحسين
هذه بنيتي وفرحة بيتنا نغومه ربي يخليها ألنا وليل ونهار احمد الله واشكره انو جعلها من قسمة تحسين
سجى
اصلا هي غصبن عليها ولازم هي تحمد الله وتشكره عليكم لان انتم قابلين بيها وبوضعها
اني واگفه ورى باب المطبخ واسمع كلامهم احس سجين وبخاصرتي لا مو بخاصرتي بگلبي ونزلت دموعي من غير ما احس سمعت عمتي ردت عليها
ام تحسين
بنتي شنو هالحجي هذا مرض من الله مو بيدها لا تحجين هيج وبعدين من اخذناها لحد الان وهي خادمتنا وگايمه بينا مو هسه
ام ابراهيم
خو انتي ولا تلزمين لسانج اوووف منج صوجي جبتج وياي
سجى
شدعوه يابه يا كلمه ردي بمكانج هو هيج الواحد من يحجي الحق الكل تزعل يا رجال يتقبل مره ناقصه
وگامت من يمهم واني هم رجعت لشغلي سويت نفسي ممنتبهه ولا مهتمه اشو هاي تعدت من يمي وتخزر بيه وتباع بطرف عينه
واني داغسل بالطاوه واحجي بيني وبين نفسي هسه هذه من اجي واحمسها بالطاوه واطشر معالم وجها اكو احد يلومني كملت غداي وصعدت لغرفتي سبحت وتعطرت وتمكيجت ونزلت حسيتها تغار مني من اجه تحسين
تحسين
نغماتي جيبيلي مي فدوه
سجى
اني اجيبلك مي
ام تحسين حست على سجى معجبه بتحسين
لا عيني شنو انتي عنده مره تجيبله واحنا ألمن معرسينه
خلت سجى ورجعت لمكانها وگعدت حسيتها ضاجت حيل واني بداخلي كيفت وگلت حيل بيها تستاهل صعد تحسين فوگ سبح وغير ملابسه واني دخلت
تحسين
هلا بريحة هلي
نغم
تحسين وين رايح تنزل جوه
تحسين
اي حبي نازل تردين شي
