غربه الروح

9

#غربة_الروح

همس القوارير

بيج قصص همس القوارير

البارت التاسع

اتفقنا نطلع من الصبح للمستشفى حتى اخذ كيمياوي عفتهم للجهال نايمين ورحنا طبينا لمركز الامراض السرطانيه وبقيت انتضر دوري لان من تشوفين المراجعين تگولين معقوله هذول كولهم بيهم ضليت متفاجئه صاحو بأسمي وشكلولي مغذي وضربوني الله لا يراويكم وبعيد الشر عنكم احس نار بيه جسمي يحترگ الاورده تشتعل بيها نار وبدت تلعب نفسي وضليت اتقيئ ونحل جسمي احس كانما شامريني من السطح كولشي بيه متكسر وما اگدر اگوم دخت وبلغنا الدكتور ان ميصير احد يتقرب مني والمسافه الي تكون بيني وبين المقابل مترين حتى لا يضره كل شهر مدة سنه اجي اضرب وانطاني حبوب تبقى وياي خمس سنوات  والدكتور بلغ تحسين ان يكون اكلها كولش زين لان العلاج قوي وتحتاج تغذيه كملنا وطلعنا وطبعا گوه امشي وكلما يتقربلي تحسين ابتعد عنه لان اخاف عليه وبلغته بهالشي من وصلت للبيت صعدت فوگ لغرفتي وقفلته للباب لان اخاف عالجهال يجون يضربون بالباب ماما افتحي الباب واني ما اخليهم وابوهم ينزلهم وبقى يمهم كل شوي اروح اتقيئ وبجيت بحرگه وقهر ليش هيج ياربي الف الحمدلله والشكر بقيت هيج عايشه حياتي كلما اضرب كيمياوي اموووت كمت اكره هالشي وعاندت اكثر من مره ما اروح واضل ابجي وتحسين ياخذني بالگوه المهم عدت فتره طويله على مرضي تقريبا ستة اشهر بس وضعي احسن شويه بس وقت الكيماوي اخذلي اربع ايام وتالي ارجع طبيعيه بس خلال هذه الفتره كولها تحسين ما متقربلي ابد يمكن لان مريضه وملتهي بيه بس خطيه ابد ما قصر وياي بكولشي ومداريني كولش الحمدلله بس لان الوضع هسه اختلف مره من المرات دانزل من فوگ وسمعت عمتي وتحسين يحجون

ام تحسين

ها يمه شلونك ويه نغم دير بالك عليها يمه مريتك مريضه داريها الك أجر وثواب

تحسين

لا يمه لا توصين شلون ما اداريها ام جهالي بس

ام تحسين

شنو بس شبيك يمه سولفلي اكو شي

تحسين

يمه والله ما ادري شنو اگولج اني نفسيتي تعبانه كولش ما اعرف شبيه

ام تحسين

احجيلي يمه اني امك ستر وغطى عليك اذا اكو شي يمكن افيدك او انفعك

تحسين

يمه ما ادري من سوت نغم عمليه لحد الان واني نفسي متتقبلها ما اگدر المسها اشمئز

ام تحسين

عزه بعينك يمه ليش ولك هي بيدها ليش يمه تكسر خاطرها يمه مو زين عليك ربك يعابيك

تحسين

لا يمه شسالفه هسه اني مقصر بشي بس نفسي ما تتقبلها

هذا الحجي سمعته صارلي مثل الصدمه شگد نار ومرار وحرگه شفت بالكمياوي بس مو مثل ناري گوه اخذتني رجلي للغرفه گعدت دگيت على وجهي وبجيت وملخت شعري ونهارت اعصابي كوله هذا لان شالو صدري صرت ناقصه ما بيه انوثه صرت مو مره مثل باقي النسوان صرت بقايا انسانه منهاره ومتحطمه ونفس يصعد وينزل گمت غسلت وتوضيت وگعدت اصلي وادعي ربي يصبرني على بلواي جنت متوقعه علمود مريضه ويداريني گلت فتره وتعدي ويرجعلي رجلي مجان ابالي هيج معقوله تلعب نفسه مني معقوله هيج صرت شعور حقير بين اهلج وناسج وجهالج واني بغربه يا ترى صرت هيج لتحسين وبس لو للناس الي حواليه كملت صلاتي ونزلت سويت عشى وكانما لا سمعت ولا ادري بلي يصير گلت خليني اصبر واشوف شنو تاليتي احاول اكون طبيعيه ويه تحسين وابين اله هالشي بس كسره وغصه بروحي اوووف ياربي ارحمني بقيت على هالحال صح اني وياه بغرفه يجي يحضني ويبوسني ويشاقيني بس ميتقربلي ومن ينام ينطيني ضهره يعني معقوله اكو هيج رجال ميتقرب لمرته هاي الفتره كولها معقوله هسه اني مستحيل اگدر اصدگ تحسين ما عنده شي اشهر ميتقرب لزوجته والله ما ادري الليل كوله حسبه توديني وحسبه تجيبني وألمن اشكي ما عندي احد اشكيله بس زمن اختي اقربلي وما اريد اقهرها اكثر هي بحالتي هذه وتدمرت من وراي هنوب احجيلها على تحسين وعمتي ام تحسين تدري بسالفه وتحجي وياه بس نفسيته ما تتقبلني فكرت بيني وبين نفسي گلت خلي اصارحه بالموضوع اشوف شنو قضيته وشنو اخر صبري وياه بلكت اقنعه ويرجعلي ثاني يوم  الصبح گعدت سويتله  ريوگ وطلع گلت اليوم احاول اغريه بالاول واذا ما تقبلني افاتحه بالموضوع كملت شغلي بالبيت وصبيت ريوگ لعمتي لان تگعد متاخر من جبتلها الصينيه

ام تحسين

يمه نغمه

نغم

بلي يوم أمريني

ام تحسين

يمه حبيبه انتي ديري بالج على رجلج وريحيه يمه ترى هو ماله غيرج ولا انتي الج غيره

نغم
جريتها حسره

ادري يمه والله ممقصره ومداريته بس هو متغير عليه من تمرضت لليوم

ام تحسين

تحمليه يمه هو يحبج ويريد خاطرج تلگينه تعبان بالشغل ويجي يذب حمله عليج اذا انتي متتحملينه منو يتحمله

نغم

حاضر يمه من عيوني انتي ارتاحي ولا يضل بالج والي تردينه يصير

رحت من يمها واني اجر حسرات وقهر هو اني شبيدي اسويه غير هو ميريدني اووف يالقهر تعبت والله تعبت عمريش هذا احجي ويه روحي واطبخ بالغدى صارت الضهر واجه تحسين واول مدخل يسولف ويضحك ويه عمتي والجهال گعدت

تحسين

نغم فدوه لعينج ميت جوع على ما اكمل صلاتي انتي صابه الغدى

نغم
صار حبيبي من عيوني

وصدگ راح توضى وغير وصلى واني صبيت الغدى يم عمتي احنا دائما ناكل يمها وصحت للجهال وهو همين اجه وگعدنا ناكل ونسولف على الشغل وعلى خواته ونجيبها منا ونخليها منا
كملوا وگمت كفيت الماعين
وهو صعد للغرفه گلت لازم اصعد وراه واخلي حد للسالفه

لحكايتي بقيه

لا احلل ولا اهب رفع اسمي او اسم القصه