غربة_الروح
همس القوارير
بيج قصص همس القوارير
البارت السادس
من بعد ما رجعنا للفندق تعشينا ونمنا من التعب وكأن بعالم الرؤيا اشوف امي كاعده بيتنا على مكينتها واني دخلت عليها هاا يوم انتي هنا اني اليوم كوله ادور عليج ردت عليه شفتج يوم وفرحت بجيتج حبيبتي يومه لا تشيلين هم ولا تنقهرين ربج كريم حبيبتي وهاج هذه جكليت مزورته الامام علي اكلي منه هو ينطيج مرادج كتلها يوم تعالي وياي وفزيت على اذان الفجر گعدت توضيت وصليت وبجيت وكعدت تحسين وسولفتله حلمي وهو ريحني وگال ياربي يحقق حلمنا ويرزقنا بذريه من صار الصبح رحنا زرنا الامامين ورحنا لبغداد همين اول ما وصلنا گبل بوجهنا للامام بعدها حجزنا فندق ورحنا نسأل عالدكتور وهمين لگينه يمه كومه ناس فحجزنا على يوم ثاني ورجعنا للفندق وثاني يوم رحنا للدكتور وشرحتله وضعي كشف عليه واخذلي سونار وگال عندج البيضات حجمهم كولش صغير تبقين عالمنشطات وانطاني ابر وعلاج ووصفلي اكلات اكلها خلال هالفتره وبعدها زرنا وكملنا ورجعنا للبيت من رجعنا خطيه لگينا عمتي مريضه ولوحدها من شافتنا تحسنت وفرحت بينا بقينا على هالحال واستمريت عالعلاج الى ان عدى اربعين يوم والحمدلله والشكر حللت وطلعت حامل جانت الفرحه ما سعتنا يعني اول مره بحياتي افرح تحسين بجه صدگ من الفرحه وام تحسين تطب وتطلع وتبوس بطني وما تخليني اتحرك عشت مدلله عدهم وهم يخدموني بس اني ما اقبل مرات اگوم يجون يتعاركون وياي دگعدي احنا ما صدگنا الى ان الله شاء ودخلت بشهري وبعدها صارت عندي ولاده واني بس ابجي اخاف من الولاده وبنفس الوقت احتاجيت امي تكون وياي الى ان جبت ولد ويخبل وعمتي وتحسين طارو من الفرحه وسموه جواد على اسم ابو تحسين الله يرحمه اول مره الزم طفل هيج صغير يمه يخبل ربي شنو هذا شعور الامومه مينوصف ربي لا تحرم الناس من رحمتك الواسعه وارزق كل محروم هنا حياتنا تغيرت انضافلها شي جديد وحلو ننجمع اني وام تحسين وتحسين يمه ونباوع عليه فرحت عمرنا وحلم حياتنا تحقق ام تحسين متخلي الولد على الارض
ام تحسين
ولج يمه نغمه صودك منج جذب هاي شلون هيج عايفته لوحده انتي شلون ام
نغم
شعليه يا عمه هو نايم واني يمه دانضف وكل شويه اطل عليه
ام تحسين
لا يوم هذا ابن تحسين مينعاف هيج هذا ينشال على كفوف الراحه
نغم
يا حبيبي دگولي راح تخربينه بدلالج
ام تحسين
لا عيني ميخرب هذا غير هذا روح الروح
نغم
ههههههه بعد ما ادري والله بكيفج انتي ودلالج
