#غربة_الروح
همس القوارير
بيج قصص همس القوارير
البارت الرابع
مره تعارك علي ويه ابويه صارت بينهم مجادله
علي
انت شايف الابو شنو يسوي علمود جهاله احنا ما شفنا منك غير المرار
مصطفى
ولك طالعلك لسان يالخسيس اني اعلمك
علي
ياريت تعلمني شي علمود احس انت مسويلنا شي كوله براس امي المسكينه
مصطفى
لك انعل ابوك لا ابو امك اني صوجي منطيكم مجال اله اشمركم بالشارع
علي
هو اني لو ما امي اگعد بالبيت بس هي كاسره ضهري هي ونغم
مصطفى
امشي اطلع بره وليكون اشوف رگعة وجهك بالبيت
جنان
ولك يمه لخاطري اسكت والله مابيه حيل هذا ابوك يمه
علي
يمه احنا كبرنا دنشوف يمه بعد ما تگدرين تقشمرين علينا مثل الاول تشترينا حاجاتنا وتگولين ابوكم جابهن يمه احنا كلشي ندري وساكتين لخاطرج
مصطفى
دمشي اطلع ولك لا اجي ادوس ابطنك
جنان
وين يروح يطلع هذا بيته انت شبيك تخبلت
واجه ضربها لأمي ووكعت بعد ما گامت اجيت عليها واني اصرخ وابجي وعلي فقد عليها سوده عليه ضل يركض بالشارع ديجيب سياره نوديها للمستشفى وفعلا بسرعه اخذناها للمستشفى ووديناها صار عدها ذبحه وبقت نايمه بالمستشفى والسبب ارتفاع بالضغط بقت تقريبا اربع ايام بالمستشفى وام تحسين وياها خطيه لحد ما صار وضعها احسن ورجعت للبيت الحمدلله والشكر بقينا هذا حالنا لحد ما اجتي ام تحسين فد يوم
ام تحسين
اكولج جنان
جنان
گولي خيه
ام تحسين
شوفي خيتي انتي تدرين بيه وبحالي وتدرين عندي هالبنتين وتحسين الي طلعت بيهم من الدنيا من بعد ما مات ابوهم ومن تزوجن البنات لسه واني لحالي راسي وراس هالولد شتگولين لو تنطيني نغمه لتحسين
جنان
يا خيه عيوني الج انتي خيتي ورفيجة عمري گبعيها واخذيها اذا قبلت وقبل ابوها اني وين الگي احسن منج أمنه على بنيتي
