#غربة_الروح
همس القوارير
بيج قصص همس القوارير
البارت الثاني
ضلينا هيج عايشين على خياط امي والمصرف الي ينگط بيه ابويه لحد ما كبرنا وكل واحد منا شد حيله اني عمري تقريبا عشر سنوات وكتها واجتي علينا ام تحسين وگالت لامي
ام تحسين
جنان مسوين حمله للزياره ٣ ايام شتگولين لو ترحين وياي تخلين الجهال يم ابوهم وترحين ويانا
جنان
لا معوده صعبه شيفكني منه هسه يگلي منين انطيج فلوس
ام تحسين
ياا وانتي ليش تاخذين منه انتي ما عندج
جنان
لا عندي بس شگوله
ام تحسين
گوليله ام تحسين تاخذني على حسابها هن تلاث تيام دمشي يمعوده ما مليتي من البيت
جنان
اي والله مليت خلي اشوفه واردلج الخبر بس هااا من هسه اگولج ناخذ نغم ويانا
ام تحسين
ماشي عيني هسه دفضيها
وضلت امي محتاره شلون تقنع ابوي بالروحه
جنان
ابو محمد عيني ممكن اطلب منك طلب
مصطفى
فلوس ما عندي غير شي طلبي
امي بينها وبين نفسها ياا جبح حضي هسه هذا شگوله
مصطفى
انتي شگاعد تدردمين ما تحجين
جنان
لا سلامتك بس اليوم اجتي ام تحسين وگالت اذا اروح وياهم للزياره مسوين حمله
مصطفى
واني منيلي اصرف عليج لو على طلعاتج هاي ام تحسين ليش ما تبطلين منها تجي يمج بالساعات وكوله چاي وماي وراح تخربج فوگاها
جنان
هسه اني گتلك على فلوس يا عيني وبعدين هي ام تحسين فايدتنا كول زايده وناقصه منها
مصطفى
واني اگول فلوسي وين راحن انتي تبوگيني مني مو ولج
جنان
هو انت عندك شي ينباگ يا رجال من اخذتك وانت منتف بس ام تحسين تاخذني على حسابها
مصطفى
وام تحسين ليش تگولج بس الج ما عزمتني وياج
